ປະທານາທິບໍດີ Vladimir Putin ເວົ້າວ່າ ທ່ານບໍ່ເຫັນດີນໍາການລົງໂທດຢ່າງໜັກຕໍ່ສະ ມາຊິກຂອງຄະນະວົງດົນຕີ punk rock ຫລືຄະນະນັກຮ້ອງເພງຣັອກ ທີ່ທໍາຕົວແບບ ກວນໆ ໃນການດໍາເນີນຄະດີຢູ່ໃນນະຄອນຫລວງມົສກູ ໃນຂໍ້ຫາວ່າເປັນການກະທໍາ ແບບກໍ່ກວນຄວາມສະຫງົບຂອງພວກແກ້ງ.
ຄໍາເຫັນຂອງທ່ານ ພູຕິນ ທີ່ໄດ້ກ່າວຕໍ່ຜູ້ສື່ຂ່າວຣັດເຊຍໃນວັນພະຫັດວານນີ້ ເປັນຖະ
ແຫລງການຄັ້ງທໍາອິດ ກ່ຽວກັບການຈັບກຸມ ແລະການດໍາເນີນຄະດີຕໍ່ສະມາຊິກສາມ ຄົນຂອງຄະນະວົງດົນຕີ Pussy Riot ທີ່ມີແຕ່ຜູ້ຍິງ ໃນເດືອນກຸມພາທີ່ຜ່ານມານັ້ນ.
ພວກຈໍາເລີຍທີ່ຖືກຈໍາຄຸກມາໄດ້ 5 ເດືອນແລ້ວນັ້ນ ແມ່ນໄດ້ຖືກຈັບລຸນຫລັງໄດ້ສະແດງ “ການກ່າວຄໍາໄຫວ້ພະ ທີ່ເປັນການປະທ້ວງ” ຢູ່ທີ່ໂບດໃຫຍ່ຂອງກຸງມົສກູ ໃນເວລາບໍ່ພໍ
ເທົ່າໃດອາທິດ ກ່ອນໜ້າການເລືອກຕັ້ງທີ່ໄດ້ນໍາເອົາທ່ານພູຕິນ ກັບຄືນມາເປັນປະທານາ ທິບໍດີອີກນັ້ນ. ການໄຕ່ສວນຄະດີຂອງພວກເຂົາເຈົ້າ ທີ່ໄດ້ດຶງດູດຄວາມສົນໃຈຂອງປະຊາ ຄົມສາກົນ ໄດ້ໄຂຂຶ້ນໃນວັນຈັນທີ່ຜ່ານມານີ້. ພວກຈໍາເລີຍດັ່ງກ່າວສາມາດຖືກຕິດຄຸກໄດ້ນານ ເຖິງ 7 ປີ ຖ້າຫາກຖືກຕັດສິນວ່າມີຄວາມຜິດ.
ໃນເຊົ້າວັນພະຫັດວານນີ້ ພວກນັກດົນຕີລະດັບນໍາໜ້າຂອງອັງກິດ ຊຶ່ງລວມມີ ທ່ານ Pete Townsend ຂອງວົງ the Who ໄດ້ຮຽກຮ້ອງໃຫ້ຣັດເຊຍປ່ອຍຕົວພວກຈໍາເລີຍ ດັ່ງກ່າວໃຫ້ເປັນອິດສະລະ.
ຢູ່ໃນຈົດໝາຍເປີດຊອງ ທີ່ໄດ້ລົງພິມເຜີຍແຜ່ຢູ່ໃນໜັງສືພິມ The Times of London ພວກນັກດົນຕີໄດ້ພັນລະນາກ່ຽວກັບການກ່າວຫາດັ່ງກ່າວນັ້ນວ່າ “ບ້າ” ແລະໄດ້ເອີ້ນວ່າ ການສະແດງຢູ່ໂບດໃຫຍ່ແມ່ນ “ເປັນການປະທ້ວງທາງການເມືອງທີ່ຖືກຕ້ອງ.”
ຈົດໝາຍດັ່ງກ່າວນີ້ໄດ້ຖືກພິມເຜີຍແຜ່ໃນຂະນະທີ່ທ່ານພູຕິນໄດ້ເດີນທາງໄປເຖິງນະຄອນ ລອນດອນ ເພື່ອພົບປະກັບ ນາຍົກລັດຖະມົນຕີອັງກິດ ທ່ານ David Cameron.
