ຂໍ້ຕົກລົງທີ່ຈະສ້າງຕັ້ງເຂດ “ຫລຸດຜ່ອນການເພີ້ມລະດັບຄວາມຮຸນແຮງ” ຢູ່ໃນຊີເຣຍ
ໄດ້ມີຜົນບັງຄັບໃຊ້ໃນຕອນທ່ຽງຄືນວັນສຸກວານນີ້ ຕາມເວລາທ້ອງຖິ່ນ. ຣັດເຊຍກ່າວ
ວ່າ ເຂດດັ່ງກ່າວບັດນີ້ໄດ້ປິດບໍ່ໃຫ້ເຮືອບິນລົບຈາກກຳລັງປະສົມທີ່ນຳພາໂດຍສະຫະ
ລັດນັ້ນ ເຂົ້າມາໄດ້.
ໂຄສົກກະຊວງປ້ອງກັນປະເທດສະຫະລັດ ພັນໂທ Adrian Randine-Gallaway
ກ່າວຕໍ່ ວີໂອເອ ໃນວັນສຸກວານນີ້ວ່າ “ພວກເຮົາແນ່ນອນຍິນດີຮັບເອົາຄວາມພະຍາ
ຍາມໃດໆ ຄວາມພະຍາຍາມສາກົນໃດໆ ທີ່ຈະເຮັດໃຫ້ຄວາມຮຸນແຮງຫລຸດຜ່ອນລົງ
ເຮັດໃຫ້ການຊ່ວຍເຫລືອດ້ານມະນຸດສະທຳສມາດເຂົ້າໄປເຖິງເຂດທີ່ມີຄວາມຕ້ອງ
ການຄວາມຊ່ວຍເຫລືອ ເຫລົ່ານັ້ນຂອງຊີເຣຍ ແລະໃນທີ່ສຸດຈະນໍາໄປສູ່ການແກ້ໄຂ
ບັນຫາວິກິດການທີ່ກໍາລັງມີຢູ່ໃນທີ່ນັ້ນ ດ້ວຍວິທີການທາງການເມືອງ.
ພັນໂທ Rakine-Gallaway ໄດ້ສືບຕໍ່ເຕືອນວ່າ “ຂ້າພະເຈົ້າຄວນບອກໃຫ້ຮູ້ວ່າ ຈະ
ບໍ່ມີບ່່ອນລີ້ຊອນທີ່ດີແກ່ກຸ່ມ ISIS.” ທ່ານກ່າວວ່າການປະຕິບັດງານ “ກັບບັນດາກຳລັງ
ທະຫານຂອງເພື່ອນຮ່ວມງານຢູ່ພາກພື້ນດິນ ເພື່ອເອົາຊະນະກຸ່ມ ISIS ແລະຍຶດເອົາ
ຄືນອັນທີ່ຮ້ອງວ່າ ບັນດານະຄອນຫລວງຂອງພວກເຂົາເຈົ້າໃນອີຣັກ ແລະຊີເຣຍ ຈະ
ຍັງສືບຕໍ່ດໍາເນີນໄປຢ່າງບໍ່ຫລົດລະ.”
ໃນວັນສຸກວານນີ້ ທ່ານ Alexander Lavrentyev ທູດພິເສດຣັດເຊຍໃນການເຈລະ
ຈາສັນຕິພາບຢູ່ໃນ Kazakhstan ກ່າວຢູ່ໃນຄໍາປາໄສຂອງທ່ານທີ່ລາຍງານໂດຍສື່
ມວນຊົນຣັດເຊຍວ່າ “ການປະຕິບັດງານທາງເຮືອບິນຢູ່ບັນດາເຂດຫລຸດຜ່ອນການເພີ້ມ
ລະດັບຄວາມຮຸນແຮງ ໂດຍສະເພາະແມ່ນກຳລັງປະສົມນາໆຊາດ ແມ່ນວ່າຈະໄດ້ມີ
ການແຈ້ງການລ່ວງນ໊າ ຫລືບໍ່ມີການແຈ້ງການລ່ວງໜ້າກໍຕາມ ແມ່ນບໍ່ຄິດເຫັນຈັກໜ້ອຍ
ເລີຍວ່າ ເປັນຫຍັງຈຶ່ງຕ້ອງມີ ແລະທ່ານໄດ້ກ່າວ “ຄຳຖາມນີ້ໄດ້ຖືກປິດລົງແລ້ວ.”
ຣັດເຊຍ ເທີກີ ແລະອີຣ່ານ ຕົກລົງຕາມຂໍ້ສະເໜີຂອງມົສກູ ໃນວັນພະຫັດວານນີ້ ທີ່ຈະ
ສ້າງຕັ້ງ ອັນທີ່ຮ້ອງວ່າ ເຂດ “ຫລຸດຜ່ອນການເພີ້ມລະດັບຄວາມຮຸນແຮງ” ຢູ່ໃນຊີເຣຍ
ເພື່ອພະຍາຍາມເຮັດໃຫ້ຂໍ້ຂັດແຍ້ງທີ່ດໍເນີນມີໄດ້ ຫົກປີນັ້ນ ຢຸດຕິລົງ.
ອ່ານຂ່າວນີ້ເພີ້ມເປັນພາສາອັງກິດ
ເບິ່ງວີດິໂອກ່ຽວກັບຂ່າວນີ້ເປັນພາສາອັງກິດ
