ເພື່ອນມິດທີ່ໃກ້ຊິດຂອງປະທານາທິບໍດີຣັດເຊຍ ທ່ານ Vladimir Putin ທີ່ມີຊື່ຢູ່ໃນເອກະ ສານປານາມາ ອັນເປັນເອກະສານດ້ານການເງິນ ທີ່ໄດ້ມີການຮົ່ວໄຫລອອກມາ ເຮັດໃຫ້ ໂລກຕື່ນຕົກໃຈໃນອາທິດນີ້ແຕ່ການປາກົດອອກມາຂອງຄວາມຈິງນັ້ນແມ່ນໄດ້ຮັບຄວາມ ສົນໃຈແຕ່ພຽງໜ້ອຍດຽວຂອງພວກເຈົ້າໜ້າທີ່ຣັດເຊຍ.
ມະຫາຊົນຣັດເຊຍປາກົດວ່າ ຍອບຮັບວ່າ ພວກທີ່ມີອຳນາດກອບໂກຍເອົາຊັບສິນ ແລະ ຍິ່ງໄປກວ່ານັ້ນ ຫາງສຽງຂອງຊາວຣັດເຊຍ ກ່າວວ່າ ເອກະສານປານາມາ ບໍ່ມີຫຍັງເລີຍ ທີ່ເຊື່ອມໂຍງໂດຍກົງ ກັບທ່ານ Putin ເຖິງການກະທຳໃນທາງທີ່ຜິດກົດໝາຍໃດໆ.
ແຕ່ທ່ານ Alexei Navalny ຊາວຣັດເຊຍທີ່ຮູ້ຈັກກັນດີວ່າ ເປັນນັກຕໍ່ສູ້ຕ້ານການສໍ້ລາດ ບັງຫຼວງ ແລະເປັນຜູ້ນຳພັກຝ່າຍຄ້ານ ບໍ່ເຫັນດີນຳຄຳເຫັນດັ່ງກ່າວ. ທ່ານກ່າວຕໍ່ວີໂອເອ ໃນການໃຫ້ສຳພາດວ່າ ທ່ານສາມາດນຶກເຫັນພາບກ່ຽວກັບຜົນສະທ້ອນທີ່ຮ້າຍແຮງສຸດ ທີ່ຈະເກີດຂຶ້ນ ຈາກການເປີດເຜີຍຂອງເອກະສານປານາມາ.
ພວກ “ເອກະສານ” ທີ່ມີຫຼາຍກວ່າ 11 ລ້ານໜ້າແລະຂໍ້ມູນທີ່ກ່ຽວຂ້ອງໃນປະລິມານຫຼວງ ຫຼາຍ ທີ່ເປີດເຜີຍເຖິງລາຍລະອຽດກ່ຽວກັບທຸລະກິດຢູ່ນອກປະເທດ ແລະ ການຈັດແຈງ ແບບລັບໆ ທີ່ກວມລວມເອົາຫລາຍຈຳພວກ ເຊັ່ນ ພວກນັກການເມືອງ ພວກດາຣາຊື່ດັງ ແລະບຸກຄົນທີ່ມີຊື່ສຽງໃນທົ່ວໂລກ. ນັກຂ່າວສາກົນກຸ່ມໜຶ່ງໄດ້ຕີພິມລາຍລະອຽດຕ່າງໆ ຈາກເອກະສານດັ່ງກ່າວ ຊຶ່ງທັງໝົດນັ້ນແມ່ນມາຈາກບໍລິສັດທະນາຍຄວາມຂອງປານາ ມາທີ່ກ່າວວ່າຕົນເປັນຜູ້ເສຍຫາຍໃນການລັກເຈາະຂໍ້ມູນຄອມພິວເຕີ້ຂອງພວກແຮັກເກີ້.
ການຮົ່ວໄຫລອອກມາຂອງເອກກະສານປານາມາ ໄດ້ກາຍເປັນຫົວຂໍ້ຂ່າວໃນທົ່ວໂລກ ແລະຜົນກະທົບທາງດ້ານການເມືອງຫາກໍເລີ້ມຕົ້ນຂຶ້ນ.
ນາຍົກລັດຖະມົນຕີຂອງປະເທດ Iceland ທ່ານ Sigmundur David Gunnlaugsson ໄດ້ລາອອກຈາກຕຳແໜ່ງ ໃນສັບປະດານີ້ ຫຼັງຈາກທີ່ໄດ້ມີການເປີດເຜີຍວ່າທ່ານແລະພັນ ລະຍາ ເປັນເຈົ້າຂອງບໍລິສັດແຫ່ງໜຶ່ງ ຢູ່ໃນໝູ່ເກາະ Virgin ຂອງອັງກິດ.
ບໍລິສັດຢູ່ໃນຕ່າງປະເທດທີ່ທ່ານ Gunnlaugsson ໄດ້ຫລີກເວັ້ນທີ່ຈະກ່າວເຖິງໃນການ ເປີດເຜີຍ ທາງດ້ານການເງິນ ທີ່ຕົນຖືຮຸ້ນ ມູນຄ່າ 4 ລ້ານໂດລາ ອອກໃຫ້ໂດຍ 3 ທະນາ ຄານຂອງ Iceland ທີ່ຕັ້ງຢູ່ພາຍໃນປະເທດ ທີ່ໄດ້ລົ້ມລະລາຍແຕ່ໄດ້ຖືກກອບກູ້ຈາກສະ ພາບລົ້ມລະລາຍ ໂດຍລັດຖະບານຂອງທ່ານ Gunnlaugsson ເອງ.
ທ່ານ Navalny ກ່າວວ່າ ການເປີດເຜີຍຄວາມຈິງ ຂອງເອກະສານ ປານາມານັ້ນ ແມ່ນ ຂ່າວທີ່ສຳຄັນສຸດໃນຫຼາຍໆປີຜ່ານມາ ແລະທ່ານ “ບໍ່ມີຄວາມສົງໄສຫຍັງເລີຍວ່າມັນຈະ ເຮັດໃຫ້ມີຮອຍດ່າງອັນໃຫຍ່ ຢູ່ໃນປະຫວັດສາດ.”
