ລິ້ງ ສຳຫລັບເຂົ້າຫາ

ຣັດເຊຍ ກ່າວຫາ ສະຫະລັດ ແລະ ສະຫະພາບຢູໂຣບ ວ່າສະໜັບສະໜຸນ ການກໍ່ລັດຖະປະຫານ ທີ່ຢູເຄຣນ.


ທ່ານ Sergei Lavrov ລັດຖະມົນຕີຕ່າງປະເທດຣັດເຊຍ ກ່າວຕໍ່ກອງປະຊຸມນັກຂ່າວ ຍ່າງຂ້າງນອກ ກອງປະຊຸມສະມັດຊາໃຫຍ່ ສະຫະປະຊາຊາດ ທີ່ນະຄອນນີວຍອກF ວັນທີ 26 ກັນຍາ 2014.

ຣັດ​ເຊຍ ທີ່ຖືກພວກ​ປະ​ເທດຕາ​ເວັນ​ຕົກລົງ​ໂທດ​ຢ່າງ​ໜັກ ຍ້ອນ
ບົດບາດ​ຂອງ​ຕົນ​ໃນ​ວິ​ກິດ​ການ​ຢູ​ເຄຣນນັ້ນ ກ່າວ​ຫາ​ນສະຫະ
ລັດ​ແລະ​ສະຫະພາບ​ຢູ​ໂຣບ​ໃນ​ວັນ​ເສົາ​ວານ​ນີ້​ວ່າ ​ສະໜັບສະ
ໜຸນ “ການ​ກໍ່​ລັດຖະປະຫານ” ທີ່​ຂັບ​ໄລ່​ປະທານາທິບໍດີ​ຂອງ​
ຢູ​ເຄຣນ ທີ່​ນິມົຍຣັດ​ເຊຍ​ອອກ​ຈາກ​ອຳນາດ​ໄປໃນ​ຕົ້ນ​ປີ​ນັ້ນ.

ລັດຖະມົນຕີ​ຕ່າງປະ​ເທດຣັດ​ເຊຍ ທ່ານ Sergei Lavrov ​ກ່າວ​
ໃນ​ຄຳ​ປາ​ໄສ​ຕໍ່​ສະມັດຊາ​ໃຫຍ່​ສະຫະ​ປະຊາ​ຊາດ​ ວ່າ “ວໍ​ຊິງ​ຕັນ
​ໄດ້​ປະກາດ​ອອກ​ມາ​ຢ່າງ​ຈະ​ແຈ້ງ​ ສິດທິ​ຂອງ​ຕົນທີ່​ຈະໃຊ້​ກຳລັງ​ແຕ່​ຝ່າຍ​ດຽວ”
​ແລະກໍ​ກຳລັງ ​ຕາມ​ຄວາມ​ເວົ້າ​ຂອງ​ທ່ານ ກໍ​ແມ່ນ​ວ່າ “ພະຍາຍາມ​ຕັດສິນ​ໃຈແທນ​ໝົດ​ທຸກ​ຄົນວ່າ ​ອັນ​ໃດ​ດີ​ແລະ​ອັນ​ໃດ​ບໍ່​ດີ​.”

ຄຳ​ປາ​ໄສ​ໃນ​ວັນ​ເສົາ​ວານ​ນີ້ ​ແມ່ນ​ຫຼັກ​ຖານ​ອັນ​ຫຼ້າ​ສຸດ​ຂອງສາຍ​ພົວພັນ​ທີ່​ເຊື່ອມ​ໂຊມລົງ​ນັບ​ມື້ ລະຫວ່າງ​ມົສກູ ​ແລະ​ຝ່າຍ​ຕາ​ເວັນ​ຕົກ. ຢູ່​ໃນ​ຄຳ​ປາ​ໄສ​ນັ້ນ ທ່ານ Lavrov ​ໄດ້ເອີ່​ຍ​ເຖິງ​ການ​ຖິ້ມ​ລະ​ເບີດ​ຂອງ​ກຸ່ມ​ເນໂຕ້​ ໃນ​ປີ 1999 ໃສ່​ເປົ້າ​ໝາຍ​ຕ່າງໆ​ຂອງ​ຊາວ​ Serb ​ໃນ Kosovo ການ​ຮຸກ​ຮານ​ເຂົ້າ​ໄປໃນ​ອີຣັກ​ໃນ​ປີ 2003 ​ແລະ​ການ​ແຊກ​ແຊງ​ຂອງ​ກຸ່ມ​ເນ​ໂຕ້​ໃນ​ປີ 2011 ​ຢູ່​ລີ​ເບຍ ວ່າ​ເປັນ​ໂຕ​ຢ່າງ​ຂອງ​ອັນ​ທີ່​ທ່ານ​ເອີ້ນ​ວ່າ “ນະໂຍບາຍ​ຈອງຫອງ​ຂອງ​ຝ່າຍ​ຕາ​ເວັນ​ຕົກ.”

ທ່ານ Lavrov ຍັງ​ກ່າວເຊັ່ນ​ກັນເຖິງ​ເລື້ອງ​ການ​ຍຶດ​ເອົາ​ແຫລມ Crimea ​ເຂົ້າ​ມາ​ຢູ່​ພາຍ​ໃຕ້​ການ​ປົກຄອງ​ຂອງຣັດ​ເຊຍ ​ໃນ​ເດືອນ​ເມສາແລ້ວ​ນີ້ ​ວ່າ​ເປັນ​ທາງ​ເລືອກ​ຂອງ​ປະຊາຊົນ​ທີ່​ປາກ​ພາສາຣັດ​ເຊຍ​ຢູ່​ທີ່​ນັ້ນ.

ບໍ່​ດົນກ່ອນ​ໜ້າຄຳ​ປາ​ໄສ​ຂອງ​ທ່ານ Lavrov ນັ້ນ ລັດຖະມົນຕີ​ຕ່າງປະ​ເທດ​ເຢຍຣະມັນ ທ່ານ Frank-Walter Steinmeier ​ເອີ້ນ​ການຍຶດ​ເອົາ​ Crimea ​ວ່າ ​ເປັນ​ອາ​ຊະ​ຍາ​ກຳ ຊຶ່ງ​ຄຳບັນລະ​ຍາຍ​ທີ່​ທາງ​ວໍ​ຊິງ​ຕັນ​ ​ແລະ​ພວກ 28 ປະ​ເທດ​ສະມາຊິກ​ຂອງສະຫະພາບ​ຢູ​ໂຣບ ເຫັນ​ພ້ອມນຳ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG