ຣັດເຊຍ ໄດ້ປະສົບຄວາມສຳເລັດ ໃນການສົ່ງຍານອາວະ
ກາດທີ່ບໍ່ມີຄົນຂັບ ແລະບັນທຸກສຳພາລະຕ່າງໆໄປຍັງສະ
ຖານນີອາວະກາດນາໆຊາດ ຈາກ Kazakhstan ໃນວັນ
ພຸດມື້ນີ້ ບໍ່ເທົ່າໃດຊົ່ວໂມງຫຼັງຈາກການລະເບີດໄດ້ທຳລາຍ
ການສົ່ງຍານອາວະກາດ ທີ່ມີຈຸດປະສົງຄ້າຍຄືກັນນີ້ ທີ່ສະ
ຫະລັດ.
ຈະຫຼວດ Soyuz ແລະຍານລຳລຽງ Progress 57 ໄດ້ທະ
ຍານຂຶ້ນສູ່ທ້ອງຟ້າຈາກສູນ ກາງສົ່ງ Baikonur ແລະຄາດ
ວ່າຈະເຊື່ອມຕໍ່ກັບສະຖານນີອາວະກາດນາໆຊາດໃນມື້ນີ້.
ໃນວັນອັງຄານວານນີ້ ຍານອາວະກາດທີ່ບໍ່ມີຄົນຂັບ
ຂອງເອກກະຊົນ ທີ່ບັນທຸກສຳພາລະ ແລະອຸບປະກອນຕ່າງໆ ເພື່ອຈະນຳໄປຍັງສະຖານນີ
ອາວະກາດນາໆຊາດໄດ້ລະເບີດລຸກເປັນໄຟ ພຽງແຕ່ບໍ່ເທົ່າໃດວິນາທີ ລຸນຫຼັງ ທີ່ໄດ້ບິນຂຶ້ນ ຈາກເກາະ Wallops ໃນລັດເວີຈີ ນອກແຄມຝັ່ງມະຫາສະມຸດອັດແລນຕິກ.
ບໍລິສັດ Orbital Sciences Corporation ທີ່ຖືກຮັບເໝົາຈາກລັດຖະບານສະຫະລັດເພື່ອ
ຈະລຳລຽງສຳພາລະຕ່າງໆໄປຍັງສະຖານນີອາວະກາດນາໆຊາດ ກ່າວວ່າ ຕົນຈະບໍ່ສົ່ງຈະ
ຫຼວດ Antares ຕື່ມອີກ ຈົນກວ່າວ່າຈະຫາສາເຫດ ຂອງການລະເບີດໃນວັນອັງ ຄານວານນີ້ໄດ້ກ່ອນ.
ທ່ານ Frank Culbertson ຮອງປະທານແລະຜູ້ອຳນວຍການໃຫຍ່ຂອງໂຄງການ Advan-
ced Programs Group ທີ່ບໍລິສັດ Orbital Sciences ກ່າວວ່າ “ຂັ້ນຕອນຕໍ່ໄປ ສຳລັບ
ຈະຫຼວດ Antares ນັ້ນ ພວກເຮົາຈະບໍ່ນຳໃຊ້ຕື່ມອີກ ຈົນກວ່າວ່າ ພວກເຮົາຈະສາມາດເຂົ້າໃຈເຖິງຕົ້ນຕໍຂອງເຫດລະເບີດຄັ້ງນີ້ ແລະສາມາດທຳການແກ້ໄຂທີ່ຈຳເປັນ ເພື່ອຄ້ຳປະກັນວ່າ ບໍ່ໃຫ້ເຫດການແບບນີ້ເກີດຂຶ້ນອີກ.”
ບໍ່ມີຜູ້ໃດທາງພາກພື້ນດິນໄດ້ຮັບບາດເຈັບ. ອົງການອະວະກາດຫຼື NASA ຂອງສະຫະລັດກ່າວວ່າ ພວກນັກບິນອະວະກາດທີ່ຢູ່ເທິງສະຖານະອະວະກາດນາໆຊາດ ຈະບໍ່ມີອັນຕະລາຍ
ໃດໆ ທີ່ຈະຂາດແຄນອາຫານ ຫຼືສຳພາລະທີ່ຈຳເປັນຕ່າງໆ.
