ຣັດເຊຍ ໄດ້ເຊີນບັນດານັກການທູດຈາກ 18 ປະເທດ ໃຫ້ໄປ
ຢ້ຽມຢາມເມືອງ ຊາຍແດນ ບ່ອນທີ່ເຂົາເຈົ້າກ່າວວ່າ ໄດ້ຖືກ
ລູກປືນໃຫຍ່ຢູເຄຣນຕົກລົງໃສ່ທີ່ເຮັດໃຫ້ນຶ່ງຄົນເສຍຊີວິດ.
ກະຊວງປ້ອງກັນປະເທດຣັດເຊຍ ກ່າວວ່າ ການໄປຢ້ຽມຢາມ
ຂອງພວກນັກຊ່ຽວຊານທາງທະຫານຕ່າງປະເທດ ແລະບັນ
ດານັກຂ່າວຈະມີຂື້ນໃນວັນອັງ ຄານມື້ນີ້ ຢູ່ທີ່ຂົງເຂດ Rostov.
ຮອງລັດຖະມົນຕີ ກະຊວງປ້ອງກັນປະເທດ ຮ້ອງແຜນການໄປ
ຢ້ຽມຢາມນີ້ວ່າ “ເປັນການເຄື່ອນໄຫວ ດ້ວຍຄວາມປາດຖະ
ໜາດີ."
ໃນວັນຈັນວານນີ້ ພວກແບ່ງແຍກດິນແດນ ທີ່ນິຍົມຣັດເຊຍ ຢູ່ໃນພາກຕາເວັນອອກຂອງ
ຢູເຄຣນ ອ້າງເອົາຄວາມຮັບຜິດຊອບ ໃນການຍິງເຮືອບິນຂົນສົ່ງທະ ຫານຢູເຄຣນ ຕົກ.
ເຂົາເຈົ້າກ່າວວ່າ ພະນັກງານເຮືອບິນສີ່ຄົນໄດ້ຖືກຈັບເປັນ ຊະເລີຍ.
ອົງການຂ່າວ Interfax ຂອງຣັດເຊຍອ້າງຄຳເວົ້າຂອງພວກແບ່ງແຍກດິນແດນ ຢູ່ເມືອງ
Luhansk ບ່ອນທີ່ພວກກະບົດຄວບຄຸມທີ່ກ່າວວ່າ ພະນັກງານເຮືອບິນ ຈຸດັ່ງກ່າວ ຖືກຂັງ
ຢູ່ເມືອງຊາຍແດນ Krasnodon ແລະການສືບສວນກຳລັງດຳເນີນຢູ່.
ກະຊວງປ້ອງກັນປະເທດຢູເຄຣນ ກ່າວວ່າ ເຮືອບິນລຳນີ້ ບິນສູງເກີນໄປຢູ່ເທິງ ເມືອງ Luhansk ເກີນກວ່າລູກສອນໄຟທຳມະດາຈາກພາກພື້ນດິນຈະສາມາດ ຍິງຕົກໄດ້ ຈຶ່ງ
ພາໃຫ້ມີການຄາດຄະເນກັນວ່າ ພວກກະບົດອາດຈະໃຊ້ລູກສອນໄຟ ທີ່ມີຄວາມແຮງຫລາຍ
ຂື້ນຈາກຣັດເຊຍ ຫລື ເຮືອບິນລຳນີ້ຖືກຍິງ ດ້ວຍລູກສອນໄຟຣັດເຊຍ ທີ່ຍິງມາຈາກ ດິນແດນ
ຂອງຣັດເຊຍເອງ.