ປະທານາທິບໍດີຣັດເຊຍ ທ່ານ Vladimir Putin ກຳລັງເດີນທາງມຸ່ງໜ້າໄປປະເທດຈີນ
ໃນວັນອາທິດມື້ອື່ນນີ້ ເພື່ອເຂົ້າຮ່ວມກອງປະຊຸມສຸດຍອດ ນຶ່ງສາຍພານ ນຶ່ງຖະໜົນ ທີ່
ເອີ້ນຫຍໍ້ວ່າ OBOR ກັບພວກຜູ້ນຳຂອງປະເທດອື່ນໆອີກ 27 ປະເທດທີ່ນະຄອນຫຼວງ
ປັກກິ່ງ.
ໂຄງການຂະໜາດໃຫຍ່ ທີ່ນຳພາໂດຍຈີນດັ່ງກ່າວນີ້ ແມ່ນແນໃສ່ ເພື່ອຟື້ນຟູເສັ້ນທາງ
ສາຍໄໝໃນສະໄໝໂບຮານແລະເສັ້ນທາງການຄ້າທາງທະເລ ໂດຍຈະຂະຫຍາຍການ
ລົງທຶນໃນດ້ານພື້ນຖານໂຄງລ່າງເຊື່ອມໂຍງທະວີບເອເຊຍ ອາຟຣິກາແລະຢູໂຣບ.
ໃນຂະນະທີ່ຈີນ ວາງແຜນຈະລົງທຶນ ຫຼາຍສິບພັນລ້ານໂດລາເພື່ອໃຫ້ທຶນສະໜັບສະ
ໜຸນໂຄງການທີ່ສຳຄັນຕ່າງໆ ແຕ່ກໍບໍ່ໄດ້ມີການໃຫ້ລາຍລະອຽດ ທີ່ຈະແຈ້ງໃດໆ ກ່ຽວ
ກັບວ່າໂຄງການນີ້ຈະດຳເນີນແບບໃດ.
ການຂາດລາຍລະອຽດ ທີ່ສະເພາະເຈາະຈົງ ແລະ ໂອກາດ ໃນໄລຍະຍາວຂອງໂຄງ
ການພາໃຫ້ພວກນັກສັງເກດການບາງຄົນສະຫຼຸບວ່າ ເສັ້ນທາງສາຍໄໝອັນໃໝ່ຂອງ
ຈີນ ມາຮອດປັດຈຸບັນນີ້ແມ່ນກ່ຽວກັບເລື່ອງການເມືອງແລະເປັນພຽງສັນຍາລັກ. ແຕ່
ພວກນັກວິເຄາະທີ່ມົສກູກ່າວວ່າ ຣັດເຊຍເຂົ້າຮ່ວມ ກໍແມ່ນຍ້ອນເລື່ອງເງິນ.
ທ່ານ Petr Topychkanov ຈາກສູນກາງຄາເນກີ້ໃນນະຄອນຫຼວງມົສກູ່າວວ່າ “ກ່ອນ
ອື່ນໝົດ ຣັດເຊຍເສດຖະກິດ ຕ້ອງການໆລົງທຶນຈາກຕ່າງປະເທດ ແລະກໍຫວັງວ່າ ຈະ
ໄດ້ຮັບທຶນຈຳນວນນຶ່ງຈາກໂຄງການ OBOR. ສອງມາ ຣັດເຊຍ ຕ້ອງການຢາກຈະນຳ
ເອົາແຮງຂັບດັນໃໝ່ ມາສູ່ສະຫະພັນເສດຖະກິດຢູໂຣບເອເຊຍທີ່ພວມຈະສິ້ນຊີບຢູ່ນັ້ນ
ເພື່ອມາເຊື່ອມໂຍງ ໃສ່ກັບໂຄງການ OBOR. ສາມ ຣັດເຊຍຕ້ອງການຢາກຈະຊົດເຊີຍ
ການຫາຍສາບສູນໄປກ່ຽວກັບເລື່ອງເສດຖະ ກິດຂອງອົງການໆຮ່ວມມືຊຽງໄຮ້ຫຼື SCO
ດ້ວຍໂຄງການ OBOR. ສີ່ຣັດເຊຍຕ້ອງການຢາກໃຫ້ບັນດາປະເທດໃນຢູໂຣບມີຄວາມ
ບໍ່ສະບາຍໃຈຫຼາຍຂຶ້ນ ກ່ຽວກັບໂອກາດ ໃນການຮ່ວມມືທາງດ້ານເສດຖະກິດລະຫວ່າງ
ຣັດເຊຍກັບຈີນ.”
ໃນໄລຍະສອງສາມປີຜ່ານມານີ້ ຈີນໄດ້ລົງທຶນຫຼາຍກວ່າ 300 ພັນລ້ານໂດລາຢູ່ໃນໂຄງ
ການນຶ່ງສາຍພານນຶ່ງຖະໜົນ ໃນຫຼາຍໆປະເທດ ແລະເຈົ້າໜ້າທີ່ຈີນກ່າວວ່າ ຈະມີການ
ເຊັນສັນຍາຕ່າງໆຫຼາຍກວ່າ 50 ສະບັບທີ່ນະຄອນຫຼວງປັກກິ່ງໃນອາທິດໜ້ານີ້.
ພວກຜູ້ນຳທີ່ໄປຮ່ວມກອງປະຊຸມສຸດຍອດ ແມ່ນຮວມທັງສອງປະເທດສະມາຊິກກໍ່ຕັ້ງສະ
ຫະພັນເສດຖະກິດຢູໂຣບເອເຊຍພາຍໃຕ້ການນຳພາຂອງຣັດເຊຍທີ່ພວມປະສົບບັນຫາ
ໃນເວລານີ້ ໄດ້ແກ່ເບຣາຣຸສ ແລະກາຊັກສະຖານ.
