ການລະບຸໂຕຢ່າງເປີດຂອງຜູ້ຕ້ອງສົງໄສ ເປັນເຈົ້າໜ້າທີ່ຮັກສາຄວາມປອດໄພຂອງ
ກອງທັບ ຣັດເຊຍ ຫຼື ນັກສືບລັບ GRU ຫຼາຍກວ່າ 300 ຄົນ ໃນສັບປະດານີ້, ແມ່ນ
ໄດ້ຖືກຂະໜານນາມ ໂດຍບັນດານັກວິເຄາະການຮັກສາຄວາມປອດໄພວ່າ ເປັນ
ຄວາມຜິດພາດ ດ້ານການສືບລັບທີ່ໃຫຍ່ທີ່ສຸດ ໃນປະຫວັດສາດຫຼັງສົງຄາມເຢັນຂອງ
ຣັດເຊຍ.
ແລະ ສາເຫດສຳລັບຄວາມຜິດພາດນັ້ນ ເຂົາເຈົ້າໄດ້ເວົ້າວ່າ, ມາຈາກປັດໄຈຂອງມະ
ນຸດ ກ່ຽວກັບ ການຢາກຫຼີກລ່ຽງຄ່າປັບໄໝ ດ້ານການຈະລາຈອນ, ລວມທັງການເມົາ
ເຫຼົ້າຂັບລົດ.
ດ້ວຍແຮງກະຕຸ້ນ ຈາກການເປີດເຜີຍ ໃນກາງສັບປະດາທີ່ຜ່ານມາ ກ່ຽວກັບ ຂໍ້ມູນສ່ວນ
ຕົວຂອງເຈົ້າໜ້າທີ່ສືບລັບ ຣັດເຊຍ 4 ຄົນ ໂດຍບັນດາເຈົ້າໜ້າທີ່ ໂຮນລັງ ກັບ ອັງກິດ
ນັ້ນ ເຊິ່ງຖືກກ່າວຫາ ກ່ຽວກັບ ການພະຍາຍາມທີ່ຈະລັກເຈາະຂໍ້ມູນ ສຳນັກງານໃຫຍ່
ຂອງກຸ່ມສິ້ງຊອມອາວຸດເຄມີຂອງໂລກ, ຕໍ່ມາສະມາຄົມການຂ່າວສືບສວນສອບສວນ
ແບລລິງແຄັດ (Bellingcat) ກໍໄດ້ຄົ້ນຫາຂໍ້ມູນສະຖິຕິການສັນຈອນທາງຖະໜົນຂອງ
ຊາວ ຣັດເຊຍ ທີ່ມີຢູ່ທົ່ວໄປ ເພື່ອເປີດເຜີຍຊື່ ແລະ ຂໍ້ມູນຂອງບຸກຄົນອື່ນໆ 305 ຄົນ ທີ່
ຖືກຄິດວ່າ ໄດ້ເຮັດວຽກໃຫ້ອົງການສືບລັບ ຣັດເຊຍ.
ເລກໜັງສືເດີນທາງ ແລະ ໃນຫຼາຍກໍລະນີນັ້ນ, ເລກໂທລະສັບ ແມ່ນໄດ້ລວມຢູ່ໃນທະ
ບຽນລົດ.
ສະມາຄົມ Bellingcat ໄດ້ກວດກາຂໍ້ມູນຈາລະຈອນຢ່າງຖີ່ຖ້ວນ ຫຼັງຈາກຊື່ຂອງນຶ່ງໃນ
ຈຳນວນເຈົ້າໜ້າທີ່ GRU 4 ຄົນໄດ້ຖືກເປີດເຜີຍໂດຍ ໂຮນລັງ ແລະ ອັງກິດ ເມື່ອວັນ
ພະຫັດທີ່ຜ່ານມານັ້ນ ໄດ້ຖືກພົບເຫັນຢູ່ທະບຽນລົດ ລາດາ (Lada) ຂອງລາວໃນປີ
2011 ທີ່ໃຊ້ທີ່ຢູ່ຂອງຄ້າຍທະຫານສືບລັບ GRU ເຊິ່ງເປັນບ່ອນເຮັດວຽກຂອງໜ່ວຍ
ສອດແນມທາງຄອມພິວເຕີ 26165 ຂອງລາວ.
ໜ່ວຍດັ່ງກ່າວໄດ້ຖືກກ່າວຫາ ໂດຍບັນດາເຈົ້າໜ້າທີ່ປະເທດຕາເວັນຕົກ, ລວມທັງ ສະ
ຫະລັດ ກ່ຽວກັບ ຄວາມຮັບຜິດຊອບສຳລັບການໂຈມຕີທາງຄອມພິວເຕີຫຼາຍຄັ້ງ ແລະ
ການລັກເຈາະຂໍ້ມູນ ຂອງເຄືອຂ່າຍຄອມພິວເຕີຂອງ ອົງການຕໍ່ຕ້ານການໃຊ້ສານກະ
ຕຸ້ນສາກົນ ພ້ອມກັບອົງການຕ່າງໆທີ່ກຳລັງສືບສວນສອບສວນ ການໃຊ້ສານເຄມີພິດ
ຂອງ ຣັດເຊຍ ລວມທັງການກ່າວຫາ ໃຊ້ສານພິດທຳລາຍປະສາດຕໍ່ອະດີດນັກສືບ
ຣັດເຊຍ ທ່ານ ເຊີເກ ສກຣິບປາລ ກັບລູກສາວຂອງລາວ ນາງ ຢູເລຍ ໃນເມືອງ
ໂຊລສແບຣີ ຂອງ ອັງກິດ ໃນຕົ້ນປີນີ້ດ້ວຍ.
