ລິ້ງ ສຳຫລັບເຂົ້າຫາ

ວັນພຸດ, ໒໑ ກຸມພາ ໒໐໒໔

ຊາວຣັດເຊຍ ຫຼາຍພັນຄົນ ໂຮມຊຸມນຸມປະທ້ວງ ການສໍ້ໂກງຄະແນນ ຂອງທ່ານພູຕິນ (ເບິ່ງສະໄລ໌)


ພວກປະທ້ວງຫຼາຍໆພັນຄົນ ໄດ້ໂຮມຊຸມນຸມກັນທີ່ນະຄອນຫລວງມົສກູ ໃນວັນຈັນວັນທີ 05 ທັນວາ, 2011 ນີ້ ໂດຍໄດ້ຖືທຸງຊາດຣັດເຊຍ ແລະປ້າຍຄໍາຂວັນ ທີ່ຂຽນວ່າ "ການເລືອກຄັ້ງນີ້ຕັ້ງແມ່ນເລື້ອງຕະຫລົກ!" ແລະ "ໃຫ້ເອົາທາງເລືອກຄືນມາໃຫ້ປະທດ".
ພວກປະທ້ວງຫຼາຍໆພັນຄົນ ໄດ້ໂຮມຊຸມນຸມກັນທີ່ນະຄອນຫລວງມົສກູ ໃນວັນຈັນວັນທີ 05 ທັນວາ, 2011 ນີ້ ໂດຍໄດ້ຖືທຸງຊາດຣັດເຊຍ ແລະປ້າຍຄໍາຂວັນ ທີ່ຂຽນວ່າ "ການເລືອກຄັ້ງນີ້ຕັ້ງແມ່ນເລື້ອງຕະຫລົກ!" ແລະ "ໃຫ້ເອົາທາງເລືອກຄືນມາໃຫ້ປະທດ".

ພວກ​ປະ​ທ້ວງ​ຫຼາຍໆ​ພັນຄົນ ​ໄດ້ໂຮມຊຸມນຸມກັນ​ທີ່​ນະຄອນຫລວງມົສກູ ​ເພື່ອ​ປະນາມ​ນາຍົກລັດຖະມົນຕີ Vladimir Putin ​ແລະພັກສະຫະລັດ ຣັດເຊຍຫຼື United Russia ຂອງ​ທ່ານ ໃນ​ວັນ​ຈັນ​ວານ​ນີ້ 1 ມື້ ຫລັງ​ຈາກ​ມີ​ການ​ເລືອກ​ຕັ້ງລັດຖະສະພາ ທີ່​ພວກ​ນັກ​ສັງເກດ​ການ​ສາກົນ ​ແລະ​ຜູ້​ນໍາ​ຝ່າຍ​ຄ້ານ ​ເວົ້າວ່າ ​ເຕັມໄປດ້ວຍການສໍ້ໂກງຄະແນນນັ້ນ.

ເຖິງແມ່ນວ່າ ຊຶ່ງ​ຊະນະ​ບ່ອນນັ່ງຫຼາຍກວ່າໝູ່ໃນ​ສະພາ​ດູ​ມາ​ຂອງຣັດ​ເຊຍ, ຊຶ່ງ​ເປັນສະພາ​ຕໍ່ານັ້ນ ພັກ​ດັ່ງ​ກ່າວ​ຂອງ​ທ່ານ​ພູ​ຕິນທີ່​ໄດ້​ຄອບງຳການ​ເມືອງ ຣັດ​ເຊຍມາ​ໄດ້​ຫລາຍ​ກວ່າທົດ​ສະ​ວັດ​ນຶ່ງ ​ໄດ້ຮັບພຽງ​ປະມານ 50% ຂອງ​ການ​ລົງ​ຄະ​ແນນ​ສຽງທັງໝົດ ​ແລະ​ປັດຈະ​ບັນນີ້ ​ແມ່ນກໍາ 238 ບ່ອນ​ນັ່ງ ໃນສະພາ ທີ່​ມີທັງ​ໝົດ 450 ບ່ອນ​ນັ່ງນັ້ນ.

ພວກ​ປະ​ທ້ວງໄດ້​ໄປ​ເຕົ້າ​ໂຮມກັນ ​ຖ້າມກາງ​ຝົນ​ທີ່​ຕົກລົງ​ມາ ​ເພື່ອປະນາມ ການ​ເລືອກ​ຕັ້ງ ​ໂດຍ​ຮ້ອງຄໍາ​ຂັວນວ່າ “ຣັດ​ເຊຍ​ທີ່​ບໍ່ມີ ພູ​ຕິນ”. ພວກ​ປະ​ທ້ວງ​ຈຳນວນນຶ່ງ​ໄດ້​ຖືກ​ຈັບ​ກຸມ​ໃນ​ຂະນະ​ທີ່​ພວກ​ເຂົາ​ເຈົ້າ​ໄດ້​ເດີນ​ຂະ​ບວນ​ມຸ້ງໜ້າໄປຍັງວັງ​ແກຣມລິນ. ມັນ​ເປັນ​ການ​ເດີນ​ຂະ​ບວນປະ​ທ້ວງ​ຄັ້ງຍິ່ງ​ໃຫຍ່​ອັນ​ນຶ່ງ ​ໃນ​ນະຄອນຫລວງ​ຂອງຣັດ​ເຊຍ ​ໃນ​ຮອບຫລາຍໆປີ​ມານີ້.

ໃນ​ຕອນ​ເຊົ້າວັນ​ຈັນ ຄະນະ​ຕິດ​ຕາມ​ການ​ກວດກາ​ ຈາກອົງການ​ຄວາມໝັ້ນ ຄົງ ​ແລະ​ການຮ່ວມມື ​ໃນ​ຢູ​ໂຣບ ຫລື OSCE ​ໄດ້​ລາຍ​ງານ​ວ່າ ມີການ ລະເມີ​ດລະບຽບການ​ເລືອກ​ຕັ້ງຫລາຍໆບັ້ນ ​ແມ່ນເຂົ້າຂ້າງພັກ United Russia. ອົງການ OSCE ​ເວົ້າວ່າ ການລະ​ເມີດ​ຂັ້ນຕອນ​ໃນ​ການ​ເລືອກ​ຕັ້ງ ລວມມີບັນຫາ​ໃນການ​ນັບ​ຄະ​ແນນ​ສຽງ, ການ​ເຝົ້າຍາມ​ຫີບປ່ອນ​ບັດ ​ແລະການ​ຂາດ​ຄວາມ​ຍຸດຕິ​ທໍາ.

ລັດ​ຖະບານ ຂອງ​ທ່ານ​ໂອ​ບາ​ມາ ​ໄດ້​ສະ​ແດງ “ຄວາມ​ເປັນ​ຫວ່ງຢ່າງໜັກ” ກ່ຽວກັບ
ການປ່ອນບັດເລືອກຕັ້ງ ​ແລະຮຽກຮ້ອງ​ໃຫ້​ມີ​ການ​ສືບສວນສອບ​ສວນທີ່​ຄົບ​ຖ້ວນ​ຕໍ່ສິ່ງ
ທີ່ທ່ານ​ນາງ Hillary Clinton ​ເອີ້ນວ່າ “ມີ​ການ​ລາຍ​ງານ​ທີ່ໜ້າ​ເຊື່ອຖື​ໄດ້​ ກ່ຽວກັບ​ການ
ປອມ​ແປງ ແລະການສໍ້ໂກງຄະແນນ ແຕ່ປະທານາທິບໍດີຣັດເຊຍ ທ່ານ Dmitry Medvedev ຢືນຢັດວ່າ ການ ເລືອກຕັ້ງທີ່ວ່ານີ້ດຳເນີນໄປດ້ວຍຄວາມຍຸຕິທຳ ຊື່ສັດແລະເປັນປະຊາທິປະໄຕ.

Thousands Protest 'Fraudulent' Russian Elections | Europe | English

XS
SM
MD
LG