ປະທານາທິບໍດີ Vladimir Putin ແຫ່ງຣັດເຊຍ ກ່າວວ່າ ປະ
ເທດຂອງທ່ານຈະບໍ່ຍອມຢຸດ “ໃຫ້ການສະໜັບສະໜຸນເພື່ອນ
ຮ່ວມຊາດດຽວກັນ” ໃນແຫຼມ Crimea ຂອງຢູເຄຣນ ທີ່ ມົສກູ
ໄດ້ຍຶດເອົາມາເປັນສ່ວນນຶຶ່ງຂອງຕົນ ໃນຕົ້ນປີນີ້ ເຖິງແມ່ນມີການ
ປະທ້ວງຢ່າງແຜ່ຫຼາຍຈາກຝ່າຍຕາເວັນຕົກກໍຕາມນັ້ນ.
ຜູ້ນຳຣັດເຊຍ ໄດ້ຖະແຫຼງດັ່ງກ່າວໃນວັນເສົາວານນີ້ທີ່ມົສກູ ໃນ
ຂະນະທີ່ກະຊວງການຕ່າງປະເທດຂອງທ່ານ ໃຫ້ຄຳໝັ້ນສັນຍາ
ທີ່ຈະຕອບໂຕ້ຕໍ່ການລົງໂທດຄັ້ງໃໝ່ຂອງຝ່າຍຕາເວັນຕົກ ທີ່ແນ
ເປົ້າໝາຍໃສ່ແຫຼມ Crimea ນັ້ນ.
ທ່ານພູຕິນ ຍັງຄົງມີທ່າທີທ້າທາຍຕໍ່ຢູ່ມາ ຕໍ່ການລົງໂທດຢ່າງຕໍ່ເນື່ອງຂອງຝ່າຍຕາເວັນ
ຕົກ ແລະສະພາບການເສດຖະກິດຕົກຕໍ່າ ຖອຍຫຼັງ ທີ່ເກີດຈາກລາຄານ້ຳມັນທີ່ກຳລັງ
ຕົກຕໍ່າ ໃນເວລານີ້ ແລະຄ່າເງິນຕາ ruble ຂອງຕົນ ຕົກຕໍ່າ ລົງ 40 ເປີເຊັນນັ້ນ.
ໃນວັນເສົາວານນີ້ ໃນຂະນະທີ່ວິກິດການດ້ານເສດຖະກິດຂອງທ່ານ ຮ້າຍແຮງຍິ່ງຂຶ້ນນັ້ນ ທ່ານພູຕິນ ຮຽກຮ້ອງໃຫ້ປະຊາຊົນຣັດເຊຍ ກະກຽມ “ ເພື່ອປະເຊີນກັບຄວາມຫຍຸ້ງ
ຍາກບາງຢ່າງ” ໃນໄລຍະຫລາຍໆມື້ ແລະຫຼາຍໆເດືອນໃນຕໍ່ໜ້ານີ້.
ວີດີໂອ ກ່ຽວກັບ ບັນຫາເສດຖະກິດ ຂອງຣັດເຊຍ:
ໃນວັນສຸກຜ່ານມານີ້ ປະທານາທິບໍດີບາຣັກ ໂອບາມາ ໄດ້ປະກາດຫ້າມການຄ້າຂາຍ
ຢ່າງກວ້າງຂວາງ ກັບແຫຼມ Crimea ໂດຍຜ່ານການອອກດຳລັດບໍລິຫານ ທີ່ຫ້າມການ
ສົ່ງອອກສິນຄ້າ ແລະ ການບໍລິການຕ່າງໆຂອງສະຫະລັດ ໄປຍັງ ຄຣາຍເມຍ ແລະຫ້າມນຳສິນຄ້າຂາເຂົ້າຈາກແຫຼມ Crimea.
ຖະແຫຼງການສະບັບນຶ່ງຂອງທຳນຽບຂາວ ກ່າວວ່າ ການເຄື່ອນໄຫວຂອງທ່ານໂອບາມາ ແມ່ນມີວັດຖຸປະສົງເພື່ອສະແດງໃຫ້ເຫັນວ່າ ລັດຖະບານວໍຊິງຕັນ “ຈະບໍ່ຮັບເອົາການຄອບຄອງຂອງຣັດເຊຍ” ໃນ Crimea ນັ້ນ.
ທຸລະກິດຣັດເຊຍບາງຢາງ ໄດ້ຮັບປະໂຫຍດ ຈາກເສດຖະກິດທີ່ຕົກຕ່ຳລົງ:
