ບັນດາເຈົ້າໜ້າທີ່ຣັດເຊຍ ກ່າວວ່າ ເຂົາເຈົ້າໄດ້ຈັບຕົວຜູ້ຕ້ອງສົງໄສ 4 ຄົນ ທີ່ ພົວພັນ
ໃນການສັງຫານອາຈານສອນສາສະໜາອິສລາມທີ່ສຳຄັນຄົນນຶ່ງ ແລະ ອີກຄົນນຶ່ງໄດ້
ຮັບບາດເຈັບ ທີ່ແຂວງ Tatarstan.
ເຈົ້າໜ້າທີ່ສືບສວນທີ່ກຸງມົສກູກ່າວວ່າ ເຂົາເຈົ້າເຊື່ອວ່າ ອາຈານທັງສອງຄົນໄດ້ຕົກເປັນ
ເປົ້າ ຍ້ອນໄດ້ຊຸກຍູ້ໃຫ້ມີການນັບຖືສາສະໜາອິສລາມ ແນວທາງປານ ກາງ ແລະຕໍ່ຕ້ານ
ການແຜ່ຜາຍສາສະໜາອິສລາມຫົວຮຸນແຮງ ໄປຍັງແຂວງ Tatarstan ຈາກເຂດ
Caucasus ທີ່ວຸ້ນວາຍ ເຂົ້າໄປໃນພາກໃຕ້ຣັດເຊຍ.
ທ່ານ Ildus Faizov ນັກປາດດ້ານສາສະໜາອິສລາມຂອງແຂວງ Tatars-tan ໄດ້ຮັບ
ບາດເຈັບຈາກການໂຈມຕີດ້ວຍລະເບີດລົດ ແລະອະດີດຜູ້ຊ່ວຍຂອງ ທ່ານ ຄືທ່ານ
Valiula Yakupov ໄດ້ຖືກຍິງຕາຍຢູ່ນອກເຣືອນຂອງທ່ານ ໃນວັນພະຫັດວານນີ້ ຊຶ່ງ
ປະກົດວ່າເປັນການໂຈມຕີ ທີ່ມີການປະສານງານກັນ.
ປະທານາທິບໍດີ Vladimir Putin ຮ້ອງການໂຈມຕີນີ້ວ່າ “ເປັນສັນຍານທີ່ຮ້າຍແຮງ” ໃນ
ຄວາມເຄັ່ງຕຶງທີ່ເພີ້ມທະວີຂຶ້ນ ຢູ່ໃນຂົງເຂດ.