ຣັດເຊຍໄດ້ຕິຕຽນການຕັດສິນໃຈຂອງສະຫະພາບຢູໂຣບ ທີ່ດັດແກ້ການຫ້າມຂາຍອາວຸດ ໃຫ້ຊີເຣຍນັ້ນ ອ້າງວ່າ ການກະທໍາດັ່ງກ່າວນັ້ນຈະສ້າງຄວາມເສຍຫາຍໃຫ້ແກ່ຄວາມພະຍາຍາມທີ່ຈະຈັດຕັ້ງກອງປະຊຸມສັນຕິພາບຂຶ້ນ ເພື່ອຍຸດຕິຄວາມຮຸນແຮງ
ໃນປະເທດ. ສະຫະພາບຢູໂຣບໄດ້ຕົກລົງໃນວັນຈັນວັນນີ້ ທີ່ຈະຍັງຮັກສາການລົງໂທດຕໍ່ລັດຖະບານຊີເຣຍໄວ້ຕໍ່ໄປ ແຕ່ຈະ
ອະນຸຍາດໃຫ້ມີການສົ່ງອາວຸດ ໄປໃຫ້ກຸ່ມປະສົມຝ່າຍຄ້ານແຫ່ງຊາດຊີເຣຍ ຫຼື Syrian National Coalition ນັ້ນ.
ອົງການຂ່າວ Itar-Tass ຂອງຣັດເຊຍ ໄດ້ອ້າງເອົາຄໍາເວົ້າຂອງ
ຮອງລັດຖະມົນຕິການຕ່າງປະເທດຣັດເຊຍ ທ່ານ Sergei Ryabkov
ທີ່ກ່າວໃນວັນອັງຄານມື້ນີ້ວ່າ ການຕັດ ສິນໃຈດັ່ງກ່າວນັ້ນ ແມ່ນ
ສ້າງຄວາມເສຍຫາຍໂດຍກົງຕໍ່ ໂອກາດສໍາລັບກອງປະຊຸມສັນຕິ
ພາບ ທີ່ທາງຣັດເຊຍແລະສະຫະລັດໄດ້ສະເໜີໃຫ້ຈັດຂຶ້ນ ໃນເດືອນໜ້ານີ້.
ລັດຖະມົນຕິການຕ່າງປະເທດຣັດເຊຍ ທ່ານ Sergei Lavrov ແລະ ລັດຖະມົນຕີການ
ຕ່າງປະເທດສະຫະລັດ ທ່ານ John Kerry ໄດ້ກ່າວໃນວັນຈັນວານນີ້ ຫຼັງຈາກທີ່ໄດ້ພົບ
ປະກັນໃນກຸງປາຣີ ເພື່ອຫາລືກັນກ່ຽວກັບແຜນການເຈລະຈາສັນຕິພາບດັ່ງກ່າວວ່າ
ພວກທ່ານຍັງມີຄວາມຫວັງຢູ່ ເຖິງວ່າຈະປະສົບກັບການທ້າທາຍຕ່າງໆນາໆ ໃນການດໍາ
ເນີນຄວາມພະຍາຍາມ ທີ່ຕ້ອງການການຮ່ວມມືຈາກຫລາຍໆປະເທດນັ້ນ ກໍຕາມ.
![The latest images from Syria]()
Photo Gallery:
ທ່ານ Lavrov ເອີ້ນວຽກດັ່ງກ່າວວ່າ “ໃຫຍ່ມະຫາສານ” ແຕ່ກໍກ່າວວ່າ ຣັດເຊຍ ແລະສະຫະລັດ ຈະກະທໍາທຸກວິຖີທາງເພື່ອໃຫ້ການລິເລີ່ມດັ່ງກ່າວນີ້ໄດ້ຮັບຄວາມສໍາເລັດ.
ສະຫະພາບຢູໂຣບ ກ່າວວ່າ ຕົນຈະຕີລາຄາເບິ່ງຂໍ້ສະເໜີກ່ຽວກັບກອງປະຊຸມສັນຕິພາບ
ນັ້ນ ແລະກໍຈະປຶກສາກັບ ເລຂາທິການໃຫຍ່ສະຫະປະຊາຊາດ ທ່ານ Ban Ki-moon ເສຍກ່ອນ ກ່ອນຈະມີການສົ່ງອາວຸດຍຸດໂທປະກອນເກີດຂຶ້ນ ຊຶ່ງການຕັດສິນໃຈດັ່ງກ່າວຈະມີຂຶ້ນກ່ອນວັນທີ 1 ສິງຫາ ທີ່ຈະມາເຖິງນີ້.
ລັດຖະມົນຕີການຕ່າງປະເທດອັງກິດທ່ານ William Hague ກ່າວວ່າ ຂໍ້ດັດແກ້ການຫ້າມ
ການຄ້າຂາຍອາວຸດໃຫ້ຊີເຣຍນັ້ນ ຈະສ້າງຄວາມກົດດັນຕໍ່ປະທານາທິບໍດີຊີເຣຍ ທ່ານ
Bashar al-Assad ໃຫ້ຫາທາງສະແຫວງຫາທາງອອກ ທີ່ບໍ່ແມ່ນທາງທະຫານ ຕໍ່ການ
ສູ້ລົບກັນ ທີ່ດໍາເນີນມາເປັນເວລາຫຼາຍກວ່າ 2 ປີແລ້ວນັ້ນ.
ວີດິໂອ: ກອງປະຊຸມ ຂອງສະຫະພາບຢູໂຣບ ກ່ຽວກັບຊີເຣຍ:
ໃນປະເທດ. ສະຫະພາບຢູໂຣບໄດ້ຕົກລົງໃນວັນຈັນວັນນີ້ ທີ່ຈະຍັງຮັກສາການລົງໂທດຕໍ່ລັດຖະບານຊີເຣຍໄວ້ຕໍ່ໄປ ແຕ່ຈະ
ອະນຸຍາດໃຫ້ມີການສົ່ງອາວຸດ ໄປໃຫ້ກຸ່ມປະສົມຝ່າຍຄ້ານແຫ່ງຊາດຊີເຣຍ ຫຼື Syrian National Coalition ນັ້ນ.
ອົງການຂ່າວ Itar-Tass ຂອງຣັດເຊຍ ໄດ້ອ້າງເອົາຄໍາເວົ້າຂອງ
ຮອງລັດຖະມົນຕິການຕ່າງປະເທດຣັດເຊຍ ທ່ານ Sergei Ryabkov
ທີ່ກ່າວໃນວັນອັງຄານມື້ນີ້ວ່າ ການຕັດ ສິນໃຈດັ່ງກ່າວນັ້ນ ແມ່ນ
ສ້າງຄວາມເສຍຫາຍໂດຍກົງຕໍ່ ໂອກາດສໍາລັບກອງປະຊຸມສັນຕິ
ພາບ ທີ່ທາງຣັດເຊຍແລະສະຫະລັດໄດ້ສະເໜີໃຫ້ຈັດຂຶ້ນ ໃນເດືອນໜ້ານີ້.
ລັດຖະມົນຕິການຕ່າງປະເທດຣັດເຊຍ ທ່ານ Sergei Lavrov ແລະ ລັດຖະມົນຕີການ
ຕ່າງປະເທດສະຫະລັດ ທ່ານ John Kerry ໄດ້ກ່າວໃນວັນຈັນວານນີ້ ຫຼັງຈາກທີ່ໄດ້ພົບ
ປະກັນໃນກຸງປາຣີ ເພື່ອຫາລືກັນກ່ຽວກັບແຜນການເຈລະຈາສັນຕິພາບດັ່ງກ່າວວ່າ
ພວກທ່ານຍັງມີຄວາມຫວັງຢູ່ ເຖິງວ່າຈະປະສົບກັບການທ້າທາຍຕ່າງໆນາໆ ໃນການດໍາ
ເນີນຄວາມພະຍາຍາມ ທີ່ຕ້ອງການການຮ່ວມມືຈາກຫລາຍໆປະເທດນັ້ນ ກໍຕາມ.
The latest images from Syria
ທ່ານ Lavrov ເອີ້ນວຽກດັ່ງກ່າວວ່າ “ໃຫຍ່ມະຫາສານ” ແຕ່ກໍກ່າວວ່າ ຣັດເຊຍ ແລະສະຫະລັດ ຈະກະທໍາທຸກວິຖີທາງເພື່ອໃຫ້ການລິເລີ່ມດັ່ງກ່າວນີ້ໄດ້ຮັບຄວາມສໍາເລັດ.
ສະຫະພາບຢູໂຣບ ກ່າວວ່າ ຕົນຈະຕີລາຄາເບິ່ງຂໍ້ສະເໜີກ່ຽວກັບກອງປະຊຸມສັນຕິພາບ
ນັ້ນ ແລະກໍຈະປຶກສາກັບ ເລຂາທິການໃຫຍ່ສະຫະປະຊາຊາດ ທ່ານ Ban Ki-moon ເສຍກ່ອນ ກ່ອນຈະມີການສົ່ງອາວຸດຍຸດໂທປະກອນເກີດຂຶ້ນ ຊຶ່ງການຕັດສິນໃຈດັ່ງກ່າວຈະມີຂຶ້ນກ່ອນວັນທີ 1 ສິງຫາ ທີ່ຈະມາເຖິງນີ້.
ລັດຖະມົນຕີການຕ່າງປະເທດອັງກິດທ່ານ William Hague ກ່າວວ່າ ຂໍ້ດັດແກ້ການຫ້າມ
ການຄ້າຂາຍອາວຸດໃຫ້ຊີເຣຍນັ້ນ ຈະສ້າງຄວາມກົດດັນຕໍ່ປະທານາທິບໍດີຊີເຣຍ ທ່ານ
Bashar al-Assad ໃຫ້ຫາທາງສະແຫວງຫາທາງອອກ ທີ່ບໍ່ແມ່ນທາງທະຫານ ຕໍ່ການ
ສູ້ລົບກັນ ທີ່ດໍາເນີນມາເປັນເວລາຫຼາຍກວ່າ 2 ປີແລ້ວນັ້ນ.
ວີດິໂອ: ກອງປະຊຸມ ຂອງສະຫະພາບຢູໂຣບ ກ່ຽວກັບຊີເຣຍ:
