ລິ້ງ ສຳຫລັບເຂົ້າຫາ

13 ຄົນ ເສຍຊີວິດ ໃນເຫດລະເບີດ ທີ່ແຄວ້ນ Dagestan ຂອງຣັດເຊຍ

  • ໄພສານ ວໍຣະຈັກ

ຕຳຫຼວດຢືນຍາມຢູ່ບ່ອນເກີດເຫດລະເບີດຂະໜາດແຮງ ໃນເຂດຊານເມືອງ ຂອງນະຄອນຫຼວງ Makhachkala ໃນສາ ທາລະນະລັດ Dagestan ທາງພາກໃຕ້ຣັດເຊຍ (4 ພຶດສະພາ 2012)

ເຈົ້າໜ້າ​ທີ່​ຣັດ​ເຊຍໄດ້​ຖິ້ມ​ໂທດ​ໃສ່​ພວກ​ໂຈມ​ຕີ​ສະຫຼະຊີບໃນເຫດ​ລະ​ເບີດສອງ​ຄັ້ງທີ່​ສາທາລະ
ນະ​ລັດ Dagestan ​ໃນເຂດ​ພາກ​ເໜືອ​ ຂອງ​ພູ Caucasus ​ທີ່ເຮັດ​ໃຫ້ 13 ຄົນ​ເສຍ​ຊີວິດ​
ແລະ​ອີກ 100 ກວ່າ​ຄົນ​ໄດ້​ຮັບ​ບາດ​ເຈັບ.

​ເຈົ້າໜ້າ​ທີ່​ກ່າວ​ວ່າ ​ລະ​ເບີດ​ລູກທຳ​ອິດ​ແມ່ນ​ພົວພັນ​ກັບ​ລົດ ທີ່​ໄດ້​ແຕກ​ຂຶ້ນຂະນະ​ທີ່​ຕຳຫຼວດ
ພວມ​ຍ່າງ​ເຂົ້າ​ໄປ​ຫາ ຢູ່ດ່ານ​ກວດ​ແຫ່ງ​ນຶ່ງ​ໃນ​ເມືອງ Makhachkala ນະຄອນຫລວງຂອງ
Dagestan. ສ່ວນ​ລະ​ເບີດລູກທີ​ສອງ​ແຕກຂຶ້ນຂະນະ​ທີ່​ພວກ​ໃຫ້ການ​ຊ່ອຍ​ເຫຼືອສຸກ​ເສີນ​ໄປ
​ຮອດບ່ອນ​ທີ່​ລະ​ເບີດ​ລູກ​ທຳ​ອິດ​ໄດ້​ແຕກ​ຂຶ້ນ. ​ເຫດ​ລະ​ເບີດ​ທັງ​ສອງ​ໄດ້​ພາ​ໃຫ້​ເກີດ​ໄຟ​ໄໝ້ຊຶ່ງ​
ໄດ້​ສ້າງ​ຄວາມ​ເສຍຫ​າຍ​ໃຫ້​ແກ່ ລົດ​ຫຼາຍໆ​ຄົນ.

ຕຳຫຼວດ​ໄດ້​ຕົກ​ເປັນ​ເປົ້າ ​ໃນ​ການ​ໂຈມ​ຕີ​ທຳນອງ​ດຽວ​ກັນ​ນີ້ຂອງ​ພວກ​ກະບົດ​ມຸສ ລິ​ມຢູ່​ທີ່
Dagestan.

​ໃນ​ເດືອນ​ມີນາ​ຜ່ານ​ມານີ້ ການ​ໂຈມ​ຕີ​ສະຫຼະຊີບ​ສອງ​ຄັ້ງຊ້ອນ ​ເຮັດ​ໃຫ້​ຢ່າງ​ນ້ອຍ 40 ຄົນ
​ເສຍ​ຊີ​ວິດ​ທີ່​ກຸງ​ມົສກູ. ພວກ​ແມ່ຍິງ​ສອງ​ຄົນ ​ທີ່​ເປັນ​ຜູ້​ຮັບຜິດຊອບ​ໃນ​ການ​ໂຈມ​ຕີ​ລົດ​ໄຟ​ໃຕ້
​ດິນ​ດັ່ງກ່າວແມ່ນ​ໄປ​ຈາກ Dagestan.

ຣັດ​ເຊຍ​ ໄດ້​ຮັບ​ມືກັບ​ການ​ໂຈມ​ຕີ​ຂອງ​ພວກ​ກະບົດ​ມຸສລິ​ມຕໍ່​ຕຳຫຼວດ​ແລະ​ເຈົ້າໜ້າທີ່​ລັດຖະ
ບານໃນ​ເຂດ​ພາກ​ເໜືອ​ຂອງ​ພູ Caucasus ບ່ອນ​ທີ່​ໄດ້​ມີ​ການ​ໂຈມ​ຕີ​ເຈົ້າໜ້າ​ທີ່​ລັດຖະບານ
​ເກືອບ​ໃນ​ແຕ່​ລະມື້.

XS
SM
MD
LG