ທາງການຣັດເຊຍກ່າວວ່າ ມີໂອກາດນ້ອຍຫລາຍ ທີ່ຈະໄດ້ຄົ້ນພົບເຫັນພວກທີ່ລອດ
ຊີວິດຕື່ມອີກ ຈາກເຮືອໂດຍສານທີ່ຫຼົ້ມນັ້ນ ຍ້ອນບັນທຸກພວກນັກທ່ອງທ່ຽວເກີນກໍານົດ
ນັ້ນ ໃນວັນອາທິດວານນີ້ ທີ່ແມ່ນໍ້າ Volga ທີ່ພາໃຫ້ປະມານ 100 ຄົນຍັງຫາຍສາບ
ສູນຢູ່. ມີພຽງແຕ່ 9 ສົບ ທີ່ພົບເຫັນໃນເວລານີ້.
ມີປະມານ 80 ຄົນທີ່ຖືກຊ່ອຍເຫຼືອມາໄດ້ ຫຼືບໍ່ ກໍລອຍເຂົ້າຝັ່ງເອງ.
ເຈົ້າໜ້າທີ່ທາງການຢ້ານວ່າ ພວກຜູ້ໂດຍສານທີ່ຍັງຫາບໍ່ພົບນັ້ນ ຫລາຍຄົນອາດ
ແມ່ນພວກເດັກນ້ອຍ.
ພວກທີ່ລອດຊີວິດມາໄດ້ເວົ້າວ່າ ເຮືອທີ່ບັນທຸກຜູ້ໂດຍສານເກີນກໍານົດນັ້ນແມ່ນເຮືອ
ທີ່ເກົ່າຫລາຍ ທີ່ເລີ່ມອຽງຂ້າງໃນທັນທີ່ແລ່ນອອກຈາກທ່າໄປ ທ່າມກາງທີ່ມີຝົນແລະ
ລົມນັ້ນ. ພວກເຂົາເຈົ້າເວົ້າວ່າ ເຮືອຈົມລົງພາຍໃນບໍ່ເທົ່າໃດນາທີ່ຕໍ່ມາ ຊຶ່ງພາໃຫ້
ທາງຄະນະລູກເຮືອ ມີເວລາໜ້ອຍເກີນກ່ວາທີ່ກະທໍາການໃດໆໄດ້.
ເຮືອໄດ້ຫຼົ່ມລົງໃນແມ່ນໍ້າ Volga ປະມານ 750 ກິໂລແມດຫ່າງຈາກນະຄອນຫລວງ
ມອສກູ ໄປທາງພາກຕະເວັນອອກ ໃນລັດ Tatarstan. ແມ່ນໍ້າ Volga ແມ່ນໍ້າທີ່
ໃຫຍ່ທີ່ສຸດໃນພາກພື້ນເອີໂຣບ ແລະເປັນແຫ່ລງທ່ອງທຽວທີ່ນິຍົມກັນຫລາຍ.