ສະພາປ້ອງກັນຂອງຢູເຄຣນ ກ່າວວ່າ ກຳລັງມີການກະກຽມ
ຕ່າງໆເພື່ອ ທີ່ຈະຢຶດເອົາຄືນ ເມືອງ Donetsk ຢູ່ພາກຕາເວັນ
ອອກຂອງຢູເຄຣນ ທີ່ຄວບຄຸມໂດຍພວກກະບົດ ຊຶ່ງເປັນທີ່ໝັ້ນ
ແຫ່ງສຸດທ້າຍ ຂອງພວກຫົວແບ່ງແຍກດິນແດນນິຍົມຣັດເຊຍ
ຕິດອາວຸດໜັກ ທີ່ຕ້ອງການຢາກແຍກຈາກ ລັດຖະບານ Kyiv
ເພື່ອປົກຄອງຕົວເອງນັ້ນ.
ໂຄສົກຂອງສະພາປ້ອງກັນ ທ່ານ Andriy Lysenko ບໍ່ໄດ້ໃຫ້
ລາຍລະອຽດໃດໆ. ແຕ່ທ່ານກ່າວວ່າ ກອງທັບໄດ້ເປີດເສ້ນທາງ
ມະນຸດສະທຳຫລາຍໆທາງ ໃຫ້ປະຊາຊົນຂອງເມືອງດັ່ງກ່າວ
ໄດ້ພາກັນໜີອອກມາ ເພື່ອຫລົບໜີການບຸກໂຈມຕີ ທີ່ໄດ້ວາງ
ແຜນໄວ້ນັ້ນ ແລະລັດຖະບານຈະຊ່ວຍເຫຼືອໃນການຫາທີ່ຢູ່ອາໃສຊົ່ວຄາວ ໃຫ້ພວກໜີໄພ.
ໃນຂະນະທີ່ທ່ານ Lysenko ກຳລັງຖະແຫລງຢູ່ໃນວັນຈັນວານນີ້ ທາງມົສກູ ຊຶ່ງໄດ້ຮ້ຽກ
ຮ້ອງໃຫ້ຢູເຄຣນ ຍຸດຕິການບຸກໂຈມຕີ ຢູ່ໃກ້ກັບຊາຍແດນຕົນນັ້ນ ກໍໄດ້ສະແດງແສນຍາ ນຸພາບ ທາງທະຫານຕົນຢ່າງໃຫຍ່ ໃນການຊ້ອມລົບ ຢູ່ໃນດິນແດນຂອງຣັດເຊຍ ໃກ້ໆ
ຊາຍແດນຢູເຄຣນ. ບັນດາເຈົ້າໜ້າທີ່ຣັດເຊຍກ່າວວ່າ ການຊ້ອມລົບ ລະຍະ 5 ມື້ດັ່ງກ່າວ
ຈະມີເຮືອບິນລົບ ກັບເຮລິຄອບເຕີ ຈຳນວນ 100 ລຳ ແລະໜ່ວຍປືນໃຫຍ່ ຕໍ່ຕ້ານອາກາດ
ສະຍານ ຈຳນວນນຶ່ງ.
ຢູເຄຣນ ວໍຊິງຕັນ ແລະ ບັນດາພັນທະມິດໃນຢູໂຣບ ກ່າວຫາມົສກູ ວ່າປະກອບອາວຸດ
ໃຫ້ພວກກະບົດ ແລະສະໜອງລູກສອນໄຟ ທີ່ພວກກະບົດໃຊ້ຍິງ ເຮືອບິນມາເລເຊຍຕົກ
ເມື່ອເດືອນແລ້ວນີ້.
