ລິ້ງ ສຳຫລັບເຂົ້າຫາ

ວັນສຸກ, ໑໙ ເມສາ ໒໐໒໔

ຣັດເຊຍ ໂຈມຕີຫຼາຍຂົງເຂດ ໃນ ຢູເຄຣນ ດ້ວຍເຮືອບິນບໍ່ມີຄົນຂັບ ກ່ອນວັນຄົບຮອບການຮຸກຮານ


ທະຫານຢູເຄຣນ ກະກຽມພາຫະນະປືນໃຫຍ່ທີ່ຍິງໄດ້ເອງ ເພື່ອຍິງໃສ່ຄ້າຍຂອງ ຣັດເຊຍ ທີ່ຢູ່ແນວໜ້າ ໃນພາກພື້ນດອນເນດສ໌, ຢູເຄຣນ, ວັນທີ 16 ກຸມພາ 2024.
ທະຫານຢູເຄຣນ ກະກຽມພາຫະນະປືນໃຫຍ່ທີ່ຍິງໄດ້ເອງ ເພື່ອຍິງໃສ່ຄ້າຍຂອງ ຣັດເຊຍ ທີ່ຢູ່ແນວໜ້າ ໃນພາກພື້ນດອນເນດສ໌, ຢູເຄຣນ, ວັນທີ 16 ກຸມພາ 2024.

ກອງທັບ​ຢູ​ເຄຣນກ່າວ​ໃນ​ວັນ​ພະຫັດ​ມື້​ນີ້​ວ່າ ກອງ​ກຳລັງ​ຂອງຣັດ​ເຊຍ​ໄດ້ທໍາການ​ໂຈມ​ຕີດ້ວຍ​ເຮືອບິນບໍ່ມີຄົນຂັບ 10 ລຳ ​ແລະ​ລູກ​ສອນ​ໄຟ​ນຶ່ງລູກ ໃນຕອນກາງຄືນທີ່ຜ່ານມາ.

ກອງທັບ​ອາກາດ​ຢູ​ເຄຣນ​ກ່າວ​ວ່າ ກອງກໍາລັງ​ປ້ອງ​ກັນທາງອາກາດ​ອາກາດ​ຂອງ​ປະ​ເທດ​ ໄດ້​ທຳລາຍ​ເຮືອບິນ​ບໍ່​ມີ​ຄົນ​ຂັບ 8 ລຳ ດ້ວຍ​ການ​ສະກັດ​ກັ້ນ​ທີ່​ເກີດ​ຂຶ້ນ​ຢູ່ໃນຂົງ​ເຂດ ໂປລຕາວາ (Poltava), ດນີໂປຣເປໂຕຣບສ໌ (Dnipropetrovsk), ຊາໂປຣິສເຊຍ (Zaporizhzhia) ແລະ ຄາກີບ (Kharkiv).

ການ​ບຸກ​ໂຈມ​ຕີ​ຢູເຄຣນ​ຂອງຣັດ​ເຊຍ ​ໄດ້​ເລີ້ມຕົ້ນຂຶ້ນ​ໃນ​ວັນ​ທີ 24 ກຸມພາ ປີ 2022, ​ແລະ​ໃນ​ຂະນະ​ທີ່​ວັນ​ຄົບຮອບ 2 ປີໃກ້​ຈະ​ມາ​ເຖິງນີ້ ບັນດາຜູ້ນຳ​ຂອງ​ກຸ່ມ​7 ​ປະ​ເທດ​ອຸດສາຫະກຳ​ຊັ້ນ​ນຳ​ ກໍຈະໄດ້​ຈັດ​ກອງ​ປະຊຸມ​ຜ່ານທາງອອນລາຍ​ໃນ​ວັນ​ເສົານີ້ ​ເພື່ອຫາລື​ກ່ຽວ​ກັບ​ການ​ສະໜັບສະໜຸນ​ຢູເຄຣນ.

ໂຄສົກທຳນຽບຂາວ ທ່ານນາງຄາຣີນ ຊັງ-ປີແອ (Karine Jean-Pierre) ກ່າວຕໍ່ບັນດານັກຂ່າວໃນວັນພຸດວານນີ້ວ່າ ປະທານາທິບໍດີຢູເຄຣນ ທ່ານໂວໂລດີເມຍ ເຊເລັນສກີ ຍັງຈະເຂົ້າຮ່ວມໃນການເຈລະຈາ, ແລະກຸ່ມດັ່ງກ່າວ ຈະເນັ້ນຢໍ້າເຖິງ “ບາດກ້າວທີ່ພວກເຮົາສາມາດດຳເນີນຮ່ວມກັນ ເພື່ອສືບຕໍ່ຕ້ານ ຣັດເຊຍ.”

ອ່ານຂ່າວນີ້ເປັນພາສາອັງກິດ

ຟໍຣັມສະແດງຄວາມຄິດເຫັນ

XS
SM
MD
LG