ຄວັນໄຟກຸ້ມໜັກເຮັດໃຫ້ຜູ້ຄົນໃນນະຄອນຫລວງມອສກູ
ຫາຍໃຈຝືດໃຈຕັນໃນວັນສຸກວານນີ້ ເຮັດໃຫ້ພວກເຮືອບິນ
ຕ້ອງປ່ຽນໄປລົງຢູ່ບ່ອນອື່ນ ແລະເຮັດພວກຊາວເມືອງຕ້ອງ
ຢູ່ໃນບ້ານເຮືອນໃນຂະນະທີ່ໄຟປ່າຍັງສືບຕໍ່ໄໝ້ລາມຢູ່ຕໍ່ໄປ
ໃນທົ່ວປະເທດ. ຄວັນໄຟກຸ້ມໜັກເຮັດໃຫ້ກຸງມອສກູຢູ່ໃນ
ຄວາມມືດມົນ ໃນຂະນະທ່ີນະຄອນຫລວງກຳລັງປະເຊີນ
ກັບອາກາດອົບເອົ້າຮ້ອນໜັກເປົນຄັ້ງປະວັດສາດນັ້ນ.
ບັນດາເຈົ້າໜ້າທ່ີກຸງມອສກູກ່າວວ່າ ອາກາດເປິເປື້ອນເປັນ
ພິດເຊັ່ນທາດ Carbon monoxide ຢູ່ໃນລະດັບສູງກວ່າ
ທໍາມະດາ 4 ເທົ່າ.
ບັນດາເຈົ້າໜ້າທີ່ດ້ານສາທາລະນະສຸກເຕືອນປະຊາຊົນໃຫ້ຈຳກັດການເຄື່ອນໄຫວທາງ
ຮ່າງກາຍຂອງຕົນ ແລະໃຫ້ໃສ່ເຄື່ອງຄຸມໜ້າຖ້າຫາກອອກໄປຂ້າງນອກເຮືອນເພື່ອ
ຫລີກລ້ຽງຄວັນໄຟທ່ີເປິເປື້ອນນັ້ນ. ອາກາດມືດມົວນີ້ຍັງສົ່ງຜົນກະທົບຕໍ່ພວກເດີ່ນ
ເຮືອບິນແຫ່ງຕ່າງໃນກຸງມອສກູເຊັ່ນກັນ ຊຶ່ງເຮັດໃຫ້ຖ້ຽວບິນຫລາຍຖ້ຽວຕ້ອງຢຸດບິນ
ຫລືບໍ່ກໍໃຫ້ປ່ຽນໄປລົງຢູ່ບ່ອນອື່ນ.
