ການແຂ່ງຂັນເພື່ອເປັນປະທານາທິບໍດີສະຫະລັດຄົນຕໍ່ໄປ
ກຳລັງໜາແໜ້ນຂຶ້ນຢ່າງໄວ ພ້ອມກັບທີ່ ສະມາຊິກສະພາສູງ
Marco Rubio ຈະປະກາດເຂົ້າແຂ່ງຂັນໃນວັນຈັນມື້ນີ້ ໜຶ່ງມື້
ຫຼັງຈາກອະດີດລັດຖະມົນ ຕີການປະເທດ Hillary Clinton
ເລີ້ມທຳການໂຄສະນາຫາສຽງເລືອກຕັ້ງຂອງທ່ານນາງ.
ຄາດວ່າທ່ານ Rubio ໄວ 43 ປີ ຊຶ່ງເປັນລູກຂອງຊາວອົບພະ
ຍົບມາຈາກຄີວບານັ້ນ ຈະປະກາດເຂົ້າຮ່ວມແຂ່ງຂັນຢ່າງເປັນ
ທາງການ ໃນ ຕອນແລງວັນຈັນມື້ນີ້ ທີ່ນະຄອນ ໄມອາມີ ລັດ
ຟລໍຣິດາ ບ່ອນທີ່ບັນດາ ເຈົ້າໜ້າທີ່ໄດ້ເລີ້ມຈົດທະບຽນ ພວກ
ຊາວຄີວບາທີ່ຫຼົບໜີຈາກລັດຖະ ບານ Fidel Castro ໃນຊຸມ
ປີ 1960 ນັ້ນ.
ພາບວີດີໂອ ໂຄສະນາສົ່ງເສີມຄຳປະກາດເຂົ້າຮ່ວມສະໝັກຂອງທ່ານ Rubio ເວົ້າວ່າ
ທ່ານ Rubio ແມ່ນເປັນ “ເປັນທິດທາງໃໝ່ສຳລັບອາເມຣິກາ.” ວີດີໂອດັ່ງກ່າວປະກອບ
ດ້ວຍຄຳປາໄສຫຼາຍບັ້ນຂອງທ່ານ ທີ່ສົ່ງເສີມຄວາມຈຳເປັນສຳຫລັບສະຫະລັດ ທີ່ຈະຕ້ອງ
ເປັນຜູ້ນຳໂລກທີ່ແຂງແຮງ ແລະຕຳໜິຕິຕຽນນະໂຍບາຍ ຂອງປະທານາທິບໍດີບາຣັກ ໂອບາມາ.
ທ່ານ Rubio ຈະເປັນຜູ້ສະໝັກຄົນທີສາມ ຈາກພັກ Republicanເພື່ອຍາດເອົາການແຕ່ງ
ຕັ້ງ ໃຫ້ເປັນຜູ້ສະໝັກຮັບເລືອກຕັ້ງຂອງພັກສຳລັບການເລືອກຕັ້ງປະທານາທິບໍດີ ໃນປີ
2016 ແຂ່ງກັບເພື່ອນສະມາຊິກສະພາສູງດ້ວຍກັນ 2 ທ່ານ ຄື ທ່ານ Rand Paul ແລະ
ທ່ານ Ted Cruz ທີ່ໄດ້ປະກາດໄປແລ້ວນັ້ນ. ສ່ວນທ່ານ Scott Walker ຜູ້ວ່າການລັດ
Wisconsin ແລະທ່ານ Jeb Bush ອະດີດ ຜູ້ວ່າການລັດຟລໍຣິດາ ກໍຄາດວ່າ ຈະເຂົ້າ
ແຂ່ງຂັນເຊັ່ນກັນ.
ທ່ານນາງ Hillary Clinton ໄດ້ປະກາດເຂົ້າແຂ່ງຂັນເພື່ອໃຫ້ໄດ້ເປັນຜູ້ທີ່ຖືກແຕ່ງຕັ້ງຂອງ
ພັກ Democrat ໃນວີດີໂອທີ່ນຳອອກເຜີຍແຜ່ ທາງອິນເຕີແນັດ ໃນວັນອາທິດວານນີ້ ຊຶ່ງທ່ານນາງໄດ້ໃຫ້ຄຳໝັ້ນສັນຍາ ທີ່ຈະເຮັດວຽກໃຫ້ພວກຄົນຊັ້ນກາງໃນສະຫະລັດນັ້ນ.
ທ່ານນາງຄລິນຕັນ ກ່າວວ່າ “ຊາວອະເມຣິກັນທຸກໆຄົນ ຕ້ອງການແຊມປ້ຽນ ຫລື
ຄົນຕໍ່ສູ້ເພື່ອເຂົາເຈົ້າ ແລະຂ້າພະເຈົ້າກໍຢາກເປັນແຊມປ້ຽນຄົນນັ້ນ ເພື່ອທີ່ຈະໄດ້
ເຮັດຫລາຍໄປກ່ວາ ພຽງແຕ່ພໍໃຫ້ແລ້ວໆໄປເທົ່ານັ້ນ.
ທ່ານນາງກ່າວຕື່ມວ່າ “ເຮົາສາມາດລ້ຳໜ້າ ກາຍຄົນອື່ນໄປໄດ້ ແລະຢູ່ນຳໜ້າຕໍ່
ໄປໄດ້. ຄົນອະເມລິກາໄດ້ທຳການຕໍ່ສູ້ ຟື້ນໂຕຄືນມາຈາກເວລາທີ່ ເສດຖະກິດ
ປະສົບກັບຄວາມຫຍຸ້ງຍາກທີ່ສຸດ. ແຕ່ສະພາບການໄດ້ຊ່ອຍເຫຼືອແຕ່ພວກທີ່ມີ
ລາຍໄດ້ສູງເທົ່ານັ້ນ.”
ທ່ານນາງຄລິນຕັນ ເປັນສະມາຊິກພັກ Democrat ຄົນທຳອິດທີ່ເຂົ້າແຂ່ງ ເພື່ອຂຶ້ນດຳລົງ
ຕຳແໜ່ງແທນທ່ານໂອບາມາ ທີ່ໄດ້ຊະນະທ່ານນາງໃນການເລືອກຕັ້ງຂັ້ນຕົ້ນຂອງພັກເດໂມແກຣັດ ໃນປີ 2008 ແລະບໍ່ສາມາດສະໝັກເປັນປະທານາທິບໍດີຕື່ມອີກໄດ້ ຫຼັງຈາກດຳລົງຕຳແໜ່ງມາໄດ້ສອງສະໄໝແລ້ວ.
ການສຳຫຼວດຫາງສຽງ ປະຊາຊົນຫວ່າງໄວໆມານີ້ ສະແດງໃຫ້ເຫັນວ່າ ທ່ານນາງຄລິນຕັນ
ຈະສາມາດເອົາຊະນະ ພວກສະມາຊິກພັກເດໂມແກຣັດຄົນອື່ນໆໄດ້ ຕະຫຼອດທັງຊະນະ ຜູ້ສະໝັກແຂ່ງຂັນທັງໝົດຂອງພັກ Republican ໃນການເລືອກຕັ້ງທົ່ວໄປຢ່າງຖ້ວມລົ້ນ.
