ປະທານາທິບໍດີ ຄົນໃໝ່ຂອງອິຣ່ານ ທ່ານ Hassan Rouhani ນັກບວດມຸສລິມທີ່ ນິ ຍົມ ແນວທາງປານກາງ ມີກໍານົດຈະສາບານຕົວເຂົ້າຮັບຕໍາແໜ່ງ ຕໍ່ໜ້າສະພາແຫ່ງຊາດໃນວັນອາທິດມື້ນີ້ ມື້ນຶ່ງຫຼັງຈາກທ່ານໄດ້ຖືກຮັບຮອງ ແລະຢັ້ງຢືນ ເພື່ອໃຫ້ເຂົ້າຮັບໜ້າທີ່ໃໝ່ຂອງທ່ານ ໂດຍຜູ້ນໍາສູງສຸດຂອງອິ ຣ່ານ Ayatollah Ali Khamenei.
ໃນຕອນແລງວັນເສົາວານນີ້ ທ່ານ Rouhani ໄດ້ພົບປະກັບທ່ານ ກິມ ຢົງ ນາມ ນັກການເມືອງເກົາຫຼີເໜືອ ຊຶ່ງເປັນການພົບປະເທື່ອທໍາອິດຂອງ ປະທານາທິບໍດີຄົນໃໝ່ ອິຣ່ານ ກັບເຈົ້າໜ້າທີ່ຕ່າງປະເທດ.
ສື່ມວນຊົນອິຣ່ານລາຍງານວ່າ ປະທານາທິບໍດີ Rouhani ໄດ້ແຕ່ງຕັ້ງ ໃຫ້ທ່ານ Mohammad Nahavandian ເປັນຫົວໜ້າທີ່ປຶກສາຂອງທ່ານ. ທ່ານ Nahavandia ຈົບປະຣິນຍາເອກດ້ານເສດຖະກິດຈາກມະຫາວິທະຍາໄລ George Washington ທີ່ຕັ້ງຢູ່ໃນນະຫຼວງຂອງສະຫະລັດ.
ທ່ານ Rouhani ເປັນປະທານາທິບໍດີຄົນທີເຈັດຂອງອິຣ່ານ ທີ່ໄດ້ສືບຕໍາ ແໜ່ງແທນທ່ານ Mahmoud Ahmadinejad ໃນຖານະເປັນເຈົ້າໜ້າທີ່ ທີ່ໄດ້ຖືກຮັບເລືອກສູງສຸດຂອງປະເທດ.
ທ່ານ Rouhani ຊຶ່ງໄດ້ຮັບການເຝິກອົບລົມເປັນທະນາຍຄວາມ ນອກເໜືອຈາກການສຶກສາດ້ານສາສະໜາທີ່ທ່ານໄດ້ເລີ່ມຕົ້ນ ເວລາເປັນໄວລຸ້ນນັ້ນ ເຄີຍດໍາລົງຕໍາແໜ່ງ ອາວຸໂສທາງການເມືອງຕ່າງໆໃນອິຣ່ານມາໄດ້ຫຼາຍສິບປີ ໂຮມທັງເປັນຜູ້ນໍາພາຄະນະເຈລະຈາເລຶ່ອງນີວເຄຼຍຂອງປະເທດມາໄດ້ 15 ປີກວ່າ ຄືຈາກປີ 1989 ຫາ ປີ 2005.
ໃນຕອນແລງວັນເສົາວານນີ້ ທ່ານ Rouhani ໄດ້ພົບປະກັບທ່ານ ກິມ ຢົງ ນາມ ນັກການເມືອງເກົາຫຼີເໜືອ ຊຶ່ງເປັນການພົບປະເທື່ອທໍາອິດຂອງ ປະທານາທິບໍດີຄົນໃໝ່ ອິຣ່ານ ກັບເຈົ້າໜ້າທີ່ຕ່າງປະເທດ.
ສື່ມວນຊົນອິຣ່ານລາຍງານວ່າ ປະທານາທິບໍດີ Rouhani ໄດ້ແຕ່ງຕັ້ງ ໃຫ້ທ່ານ Mohammad Nahavandian ເປັນຫົວໜ້າທີ່ປຶກສາຂອງທ່ານ. ທ່ານ Nahavandia ຈົບປະຣິນຍາເອກດ້ານເສດຖະກິດຈາກມະຫາວິທະຍາໄລ George Washington ທີ່ຕັ້ງຢູ່ໃນນະຫຼວງຂອງສະຫະລັດ.
ທ່ານ Rouhani ເປັນປະທານາທິບໍດີຄົນທີເຈັດຂອງອິຣ່ານ ທີ່ໄດ້ສືບຕໍາ ແໜ່ງແທນທ່ານ Mahmoud Ahmadinejad ໃນຖານະເປັນເຈົ້າໜ້າທີ່ ທີ່ໄດ້ຖືກຮັບເລືອກສູງສຸດຂອງປະເທດ.
ທ່ານ Rouhani ຊຶ່ງໄດ້ຮັບການເຝິກອົບລົມເປັນທະນາຍຄວາມ ນອກເໜືອຈາກການສຶກສາດ້ານສາສະໜາທີ່ທ່ານໄດ້ເລີ່ມຕົ້ນ ເວລາເປັນໄວລຸ້ນນັ້ນ ເຄີຍດໍາລົງຕໍາແໜ່ງ ອາວຸໂສທາງການເມືອງຕ່າງໆໃນອິຣ່ານມາໄດ້ຫຼາຍສິບປີ ໂຮມທັງເປັນຜູ້ນໍາພາຄະນະເຈລະຈາເລຶ່ອງນີວເຄຼຍຂອງປະເທດມາໄດ້ 15 ປີກວ່າ ຄືຈາກປີ 1989 ຫາ ປີ 2005.
