ລິ້ງ ສຳຫລັບເຂົ້າຫາ

ທ່ານ Romney ວ່າ ຈະດຳເນີນການ ແບບນຸ້ມນວນ ແຕ່ເດັດຂາດ ກັບພວກຄົນເຂົ້າເມືອງ

  • ໄພສານ ວໍຣະຈັກ

ທ່ານ Mitt Romney ຜູ້ສະມັກປະທານາທິບໍດີຂອງພັກຣີພັບບລີກັນ ກຳລັງໂຄສະນາຫາສຽງ ທີ່ລັດ Nevada (28 ພຶດສະພາ 2011)

ທ່ານ Mitt Romney ຜູ້​ສະມັກ​ປະທານາທິບໍດີ​ຂອງ​ພັກຣີພັບ​ບລີ​ກັນ​ ກ່າວ​ວ່າ ທ່ານ​ຈະ​ຈັດ
ການ​ກັບ​ບັນຫາ​ຄົນ​ເຂົ້າ​ເມືອງ​ຜິດ​ກົດໝາຍ ດ້ວຍ​ວິທີ​ການ​ແບບ​ມີ​ມາລະ​ຍາດທີ່​ນຸ້ມນວນ​ແຕ່​
ເດັດດ່ຽວ ​ແລະ​ຈະ​ໃຊ້​ແທນ​ນະ​ໂຍບາຍ​ຂອງ​ປະທານາທິບໍດີ​ບາຣັກ ​ໂອ​ບາ​ມາ.

ທ່ານ Romney ​ໄດ້​ກ່າວ​ຄຳ​ປາ​ໄສ​ຕໍ່​ພວກ​ຜູ້​ຟັງ​ທີ່​ເປັນ​ເຈົ້າໜ້າ​ທີ່​ຮິ​ສ​ແປ​ນິກຫລືເຈົ້າໜ້າ​ທີ່ໆ
​ປາກ​ພາສາ​ສະ​ເປ​ນຢູ່​ລັດ​ຟລໍຣິດາ ​ໃນ​ວັນ​ພະຫັດ​ວານ​ນີ້ ​ເພື່ອ​ຊອກຫາ​ສຽງ​ສະ​ໜັບສະ​ໜຸນ
​ຈາກ​ກຸ່ມ​ດັ່ງກ່າວຊຶ່ງ​ການ​ຢັ່ງ​ຫາງ​ສຽງ​ສະ​ແດງ​ໃຫ້​ເຫັນ​ວ່າພວກ​ເຂົາ​ເຈົ້າ​ໃຫ້ການ​ສະໜັບສະ
ໜຸນ​ຢ່າງຖ້ວມ​ລົ້ນ​ແກ່​ການ​ສະມັກ​ເຂົ້າເປັນ​ປະທາ​ນາ​ທິບໍ​ດີ​ຕື່ມ​ອີກ​ຂອງ​ທ່ານ​ໂອ​ບາ​ມາ.

ທ່ານ Romney ​ເວົ້າວ່າ ທ່ານ​ຈະ​ທຳ​ການ​ແກ້​ໄຂໄລຍະ​ຍາວ​ຕໍ່​ບັນຫາ​ຄົນ​ເຂົ້າເມືອງ​ຜິດ​ກົດ
ໝາຍ ​ທີ່​ອາດ​ຈະ​ໃຊ້​ແທນ​ໃນ​ອັນ​ທີ່​ທ່ານ​ເອີ້ນວ່າມາດ​ຕະການ​ຊົ່ວຄາວ​ຂອງ​ປະທານາທິບໍດີ​
ໂອ​ບາ​ມານັ້ນ. ທ່ານ​ບໍ່​ໄດ້​ກ່າວ​ຢ່າງ​ເປັນ​ການສະ​ເພາະ​ເຈາະ​ຈົງ​ແຕ່​ກໍໄດ້​ຢໍ້າ​ເຖິງ​ການ​ສະໜັບ
ສະໜຸນ​ຂອງ​ທ່ານ ​ຕໍ່​ການ​ສ້າງ​ຮົ້ວ​ກັ້ນໃນບໍລິ​ເວນ​ຊາຍ​ແດນ​ລະຫວ່າງ​ສະຫະລັດ​ກັບ​ເມັກ​ຊິ​
ໂກ.

ນອກ​ນັ້ນ​ແລ້ວ​ທ່ານ​ຍັງ​ເວົ້າວ່າ ທ່ານ​ຈະ​ປະຕິ​ຮູບ​ລະບົບ​ອອກ​ບັດ​ຂຽວຊຶ່ງ​ເປັນ​ໃບ​ອະນຸຍາດ
ໃຫ້​ພວກ​ຄົນ​ເຂົ້າ​ເມືອງ​ເຮັດ​ວຽກ​ໄດ້​ນັ້ນ.

ປະທານາທິບໍດີ​ໂອ​ບາ​ມາ​ ໄດ້​ປະກາດ​ກ່ຽວ​ກັບ​ການ​ອອກດຳລັດ​ຂອງ​ຝ່າຍ​ບໍລິຫານໃນ​ສັບ
ປະດາ​ແລ້ວ ຊຶ່ງ​ຈະ​ອະນຸຍາດ​ໃຫ້​ພວກ​ຊາວ​ໜຸ່ມ ​ທີ່​ເຂົ້າ​ເມືອງຜິດ​ກົດໝາຍ​ຫຼາຍຮ້ອຍພັນ​ຄົນ
ຢູ່​ໃນ​ສະຫະລັດ​ເພື່ອ​ເຮັດ​ແລະ​ຫຼືບໍ່​ກໍ​ໄປ​ໂຮງຮຽນ​ໄດ້.

ນະ​ໂຍບາຍ​ໃໝ່​ຂອງ​ທ່ານ​ໂອ​ບາ​ມາ​ໄດ້​ເປັນ​ທີ່​ຊື່ນຊົມ​ສຳ​ຫຼັບບັນດາ​ຜູ້​ມີ​ສິດ​ປ່ອນ​ບັດ​ທີ່​ປາກ
​ພາສາ​ສະ​ເປ​ນຊຶ່ງ​ຫຼາຍໆ​ຄົນ​ໃນ​ຈຳນວນ​ນີ້​ແມ່ນພ້ອມ​ຢູ່​ແລ້ວ​ຍິນ​ດີ​ທີ່​ຈະ​ຟັງ​ຄວາມ​ເຫັນ​ຂອງ
​ທ່ານ Romney ກ່ຽວກັບ​ບັນຫາ​ຄົນ​ເຂົ້າ​ເມືອງ.

XS
SM
MD
LG