ລິ້ງ ສຳຫລັບເຂົ້າຫາ

ແຜນທີ່ໂຣມາເນຍ
ແຜນທີ່ໂຣມາເນຍ

ສະພາ​ຂອງ​ໂຮ​ມາ​ເນຍ ​ໄດ້​ລົງຄະ​ແນນ​ສຽງ​ກ່າວ​ໂທດເພື່ອປົດປະທານາທິບໍດີ Traian Ba-
sescu ຊຶ່ງ​ເປັນ​ພາກສ່ວນ​ນຶ່ງຂອງ​ການຕໍ່ສູ້ຍາດ​ແຍ່ງ​ອໍານາດ​ກັບນາຍົກລັດຖະມົນຕີຂອງ
​ປະ​ເທດ.

​ສະມາຊິກ​ສະພາ 256 ຄົນ ຂອງ​ຈໍານວນທັງ​ໝົດ​ 432 ຄົນ ​ໄດ້​ພາກັນ​ລົງ​ຄະແນນ​ສຽງ ​ໃນ​
ວັນ​ສຸກວານ​ນີ້ ​ເຫັນ​ດີກັບ​ການ​ເຄື່ອນ​ໄຫວ​ດັ່ງກ່າວ ​ແລະ​ທ່່ານ​ອາດ​ຈະ​ຖືກ​ຂັບໄລ່​ອອກ​ຈາກ
ຕຳແໜ່​ງຢ່າງເປັນ​ການຖາ​ວອນ​ ​ໃນການ​ລົງ​ປະຊາ​ມະຕິ​ທົ່ວ​ປະ​ເທດທີ່​ຈະ​ມີ​ຂື້ນພາຍໃນ​ເວລາ
30 ມື້. ທ່ານ Crin Antonescu ຈາກ​ພັກສະຫະພັນ​ສັງຄົມ​ເສລີ​ນິຍົມ ຊຶ່ງ​ເປັນ​ພັກ​ລັດຖະ
ບານ ​ໄດ້​ຖືກ​ແຕ່ງ​ຕັ້ງ​ໃຫ້ເປັນ​ປະທານາທິບໍດີຊົ່ວ​ຄາວ.

ການ​ຂັດ​ແຍ້​ງລະ​ຫວ່າງ ທ່ານ Basescu ​ທີ່​ເປັນກາງ​ອຽງ​ຂວາ ແລະຄູ່​ແຂ່ງ ຂອງທ່ານນາ
ຍົກ​ລັດຖະມົນ​ຕີ Victor Ponta ທີ່​ເປັນ​ກາງ​ອຽງ​ຊ້າຍ ​ໄດ້ແກ່​ດຶງ​ເອົາໂຣມາ​ເນຍ​ເຂົ້າ​ສູ່​ວິ​ກິດ​
ການຮ້າຍ​ແຮງ​ທີ່​ສຸດ ນັບ​ຕັ້ງ​ແຕ່​ໄດ້​ຫຼຸດພົ້ນ​ອອກ​ຈາກລະບອບຜະ​ເດັດ​ການຄອມ​ມິ​ວນິສ
​ເມື່ອສອງທົດ​ສະວັດ​ກ່ອນ.

ສະຫະລັດ ໄດ້​ນໍາພາປະ​ເທດ​ຕາ​ເວັນ​ຕົກ ​ສະ​ແດງ​ຄວາມ​ເປັນ​ຫ່ວງ​ວ່າ ລັດຖະ ບານ​ປະສົມ
​ຂອງ ທ່ານ Ponta ທີ່ເຂົ້າກໍາ​ອໍານາດ​ໃນ​ເດືອນ​ພຶດສະພາ ​ໄດ້​ເຮັດໃຫ້ສິດ​ເສ​ລີພາບ ຂອງ​
ໂຣມາ​ເນຍ​ ​ຫຼຸດຖອຍ​ລົງ.

​ໃນຖະ​ແຫລ​ງການ​ສະບັບ​ນຶ່ງ​ທີ່​ນຳ​ອອກ​ເຜີຍ​ແຜ່​ໃນ​ຕອນ​ແລງ​ຂອງວັນ​ສຸກວານ​ນີ້ ໂຄສົກ
​ການ​ຕ່າງປະ​ເທດສະຫະລັດ ທ່ານ​ນາງ Victoria Nuland ກ່າວໄດ້ສະ ​ແດງ​ຄວາມ​ເປັນ​
ຫ່ວງ​ກ່ຽວ​ກັບສະຖານະ​ການຢູ່​ໃນ​ໂຣມາ​ເນຍຫວ່າງ​ມໍ່ໆ​ມາ​ນີ້ ທີ່​ ​ເປັນ​ໄພຂົ່ມຂູ່ຕໍ່​ການກວດ
ສອບ​ແລະ​ຄວາມ​ກໍ້າ​ເກິ່ງ​ແບບ​ປະຊາທິປະ​ໄຕ ຕະຫຼອດ ທັງ​ເຮັດ​ໃຫ້​ສະ​ຖາ​ບັນທີ່ເປັນ​ອິດສະ
ຫຼະອື່ນໆ ອ່ອນແອ​ລົງ ​ເຊັນ​ວ່າສານ​ເປັນຕົ້ນ. ຖະ​ແຫລ​ງການ​ໄດ້​ຮຽກຮ້ອງໃຫ້ຂັ້ນຕອນ​
ເພື່ອ​ປົດ​ປະທານາທິບໍດີ​ດຳເນີນ​ໄປແບບ ​ຍຸຕິ​ທຳ​ເປັນ​ທີ່​ສຸດ​ແລະ​ມີ​ຄວາມ​ໂປ່​ງ​ໃສ.

XS
SM
MD
LG