ພັກສັງຄົມປະຊາທິປັດ PSD ຫົວອຽງຊ້າຍ ຂອງໂຣມາເນຍ ໄດ້ຊະນະ ການເລືອກຕັ້ງລັດຖະສະພາ ດ້ວຍຄະແນນສຽງ 46 ເປີເຊັນ ຂອງທັງສອງສະພາ.
ຜົນຄະແນນຢ່າງເປັນທາງການ ທີ່ໄດ້ນຳອອກມາເປີດເຜີຍ ໄດ້ສະແດງໃຫ້ເຫັນວ່າ
ພັກການເມືອງກາງອຽງຂົວ ເສລີແຫ່ງຊາດ ຫຼື National Liberal Party ໄດ້ຮັບໄຊຊະນະເປັນທີ 2 ຊຶ່ງມີຄະແນນປະມານ 20 ເປີເຊັນ. ພັກ Save Romania Union ຊຶ່ງເປັນພັກການເມືອງໃໝ່ ທີ່ມີອຸດົມການທີ່ຍຶດເປັນພື້ນຖານ ທີ່ວ່າ ຕ້ານການສໍ້ລາດບັງຫຼວງ ໄດ້ເປັນທີ 3 ໂດຍມີຄະແນນ 9 ເປີເຊັນ.
ການປະກອບສ່ວນ ຈັດສັນປັນສ່ວນຂອງບ່ອນນັ່ງໃນລັດຖະສະພາ ຫຼັງຈາກການເລືອກຕັ້ງຂອງວັນອາທິດຜ່ານມານີ້ ຈະໄດ້ປະກາດໃຫ້ຊາບ ໃນທ້າຍສັບປະດານີ້.
ລັດຖະບານທີ່ຮັກສາການຊົ່ວຄາວ ພາຍໃຕ້ ນາຍົກລັດຖະມົນຕີ ທ່ານ Dacian Ciolos ອະດີດທີ່ປຶກສາຂອງສະຫະພັນຢູໂຣບ ແມ່ນໄດ້ເປັນຜູ້ບໍລິຫານປະເທດໃນຮອບຫຼາຍປີຜ່ານມານີ້.
ອະດີດນາຍົກລັດຖະມົນຕີທ່ານ Victor Ponta ຂອງພັກ PSD ໄດ້ລາອອກ ຫຼັງຈາກທີ່
ໄດ້ມີການປະທ້ວງຢ່າງຮຸນແຮງ ທີ່ຕິດຕາມມາດ້ວຍ ເຫດໄຟໄໝ້ nightclub ໃນເດືອນ
ຕຸລາປີກາຍນີ້ ທີ່ໄດ້ມີຜູ້ຄົນເສັຍຊີວິດ 64 ຄົນນັ້ນ.
ປະທານຂອງພັກປະຊາທິປັດ PSD ທ່ານ Liviu Dragnea ໄດ້ຮັບໂທດຈຳຄຸກເປັນ
ເວລາ 2 ປີ ທີ່ຖືກໂຈະໄວ້ຍ້ອນລັກຂະໂມຍຄະແນນສຽງ ໃນເດືອນເມສາ ທີ່ເພີ້ມຈຳນວນ
ໃນເດືອນກໍລະກົດ ປີ 2012 ໃນການລົງປະຊາມະຕິ ເພື່ອຈະຟ້ອງຮ້ອງທ່ານ Traian Basescu ຊຶ່ງເປັນປະທານາທິບໍດີຢູ່ໃນຕອນນັ້ນ.
ປະທານາທິບໍດີໂຣມາເນຍ ທ່ານ Klaus Lohannis ປະຕິເສດ ທີ່ຈະແຕ່ງຕັ້ງບຸກຄົນໃດ
ທີ່ມີຄະດີທາງກົດໝາຍ ເປັນນາຍົກລັດຖະມົນຕີ.
ປະເທດທີ່ມີປະຊາກອນປະມານ 19 ລ້ານຄົນ ຊຶ່ງໂຣມາເນຍເປັນປະເທດ ທີ່ຍາກຈົນທີ່
ສຸດໃນບັນດາປະຊາຊາດສະມາຊິກສະຫະພັນຢູໂຣບ ຖືກມອງເຫັນວ່າ ເປັນປະເທດທີ່
ມີການສໍ້ລາດບັງຫຼວງຫຼາຍທີ່ສຸດ.
