ນັກການທູດຂັ້ນສູງ ສະຫະລັດ ຄົນນຶ່ງກ່າວວ່າ ຊາວມຸສລິມ
ໂຣຮິງຢາ ຈາກ ມຽນມາ ທີ່ກຳລັງຫລົບໜີຈາກຄວາມທຸກຍາກ
ແລະ ການປະຫັດປະຫານຢູ່ໃນປະເທດດັ່ງກ່າວສົມຄວນທີ່ຈະ
ໄດ້ຮັບເສັ້ນທາງໄປສູ່ການເປັນ “ສັນຊາດ” ອັນເຫັນຫົນທາງ
ນຶ່ງເພື່ອຊ່ວຍແກ້ໄຂວິກິດການມະນຸດສະທຳຢູ່ໃນຂົງເຂດ.
ຮອງລັດຖະມົນຕີກະຊວງການຕ່າງປະເທດສະຫະລັດທ່ານ
Anthony Blinken ກ່າວໃນວັນສຸກວານນີ້ຢູ່ທີ່ນະຄອນຢ່າງ
ກຸ້ງ ບ່ອນທີ່ທ່ານໄດ້ພົບປະສົນທະນາ ກັບບັນດາເຈົ້າໜ້າທີ່
ມຽນມາ ວ່າ “ຄວາມບໍ່ແນ່ນອນ ທີ່ມາພ້ອມ ກັບການບໍ່ມີສະ
ຖານະພາບໃດໆ ແມ່ນສິ່ງນຶ່ງ ທີ່ອາດບັງຄັບໃຫ້ຜູ້ຄົນໜີ”
ມຽນມາເປັນປະເທດທີ່ຄົນສ່ວນໃຫຍ່ນັບຖືສາສະໜາພຸດ ປະຕິເສດບໍ່ຍອມໃຫ້ສັນຊາດ
ແລະສິດທິມະນຸດຂັ້ນພື້ນຖານອື່ນໆ ແກ່ຊາວມຸສລິມໂຣຮິງຢາ. ພວກອົບພະຍົບ ແລະແຮງ
ງານເຄື່ອນຍ້າຍປະມານ 3,000 ຄົນ ສ່ວນໃຫຍ່ເປັນຊາວໂຣຮິງຢາ ແລະບັງກລາແດັສ ໄດ້
ຮັບການກູ້ໄພຫລືລອຍເຂົ້າສູ່ແຄມຝັ່ງ ໃນບັນດາປະເທດເອເຊຍອາຄະເນ ໃນໄລຍະສິບມື້
ທີຜ່ານມາ ຫລັງຈາກໄດ້ຖືກປະປ່ອຍ ໄວ້ຢູ່ກາງທະເລໂດຍພວກຄ້າມະນຸດ. ອີກຫລາຍພັນ
ຄົນເຊື່ອວ່າ ຍັງລ່ອງລອຍຢູ່ກາງທະເລ ແລະຂາດອາຫານ.
ໃນຂະນະດຽວກັນ ມຽນມາກ່າວໃນວັນສຸກວານນີ້ວ່າ ກອງທັບເຮືອຂອງຕົນໄດ້ກູ້ເອົາພວກ
ອົບພະຍົບທາງເຮືອ 208 ຄົນຢູ່ເທິງເຮືອຫາປາສອງລຳ ຢູ່ນອກຝັ່ງທະເລທາງພາກຕາ
ເວັນຕົກຂອປະເທດ. ອີງຕາມຫົວໜ້າທຳນຽບຂອງປະທານາທິ ບໍດີ ທ່ານ Zaw Htay
ແລ້ວ ພວກແຮງງານເຫຼົ່ານີ້ ເປັນຜູ້ຊາຍຊາວບັງກລາແດັສ.
ເຮືອໄດ້ຖືກຄົ້ນພົບໃນວັນພະຫັດທີ່ຜ່ານມາ ຢູ່ນອກຝັ່ງຂອງລັດ Rakhine ບ່ອນທີ່ຊາວ
ໂຣຮີງຢາຫລາຍພັນຄົນ ໄດ້ພາກັນຫລົບໜີຈາກການປະຫັດປະຫານ. ບັນ ດາເຈົ້າໜ້າ
ທີ່ມຽນມາ ກ່າວວ່າ ຊາວບັງກລາແດັສປອມຕົວເຮັດເປັນຄືຊາວໂຣຮິງ ຢາ ເພື່ອວ່າ
ເຂົາເຈົ້າຈະໄດ້ຮັບການຊ່ສວເຫລືອຈາກສະຫະປະຊາຊາດ.
ເຈົ້າໜ້າທີ່ກ່າວວ່າ ກອງທັບເຮືອມຽນມາຈະສະໜອງການຊ່ວຍເຫລືອທາງດ້ານ ມະນຸດ
ສະທຳ ທຳການກວດສອບ ແລະກໍຈະສົ່ງຄືນພວກເຂົາເຈົ້າໄປຍັງບ່ອນທີ່ ເດີນທາງມາ.
