ສື່ມວນຊົນອີສຣາແອລ ເວົ້າວ່າ ຈະຫຼວດທີ່ໄດ້ຍິງເຂົ້າໄປໃສ່ພາກໃຕ້ຂອງ ອີສຣາແອລ ຈາກເຂດກາຊາໄດ້ສັງຫານສາມຄົນ ມື້ນຶ່ງຫຼັງຈາກອີສຣາແອລ ໄດ້ໂຈມຕີທາງອາກາດຕໍ່ເຂດກາຊາທີ່ໄດ້ສັງຫານຜູ້ບັນຊາການທະຫານຄົນສຳຄັນຂອງກຸ່ມຫົວຮຸນແຮງຮາມາສ.
ຝ່າຍປາແລັສໄຕ ໄດ້ຍິງໂຈມຕີໃສ່ເຂດພາກໃຕ້ຂອງອີສຣາແອລໃນຂະນະ ທີ່ອີສຣາແອລກໍໄດ້ໂຈມຕີຮອບໃໝ່ຕໍ່ເຂດກາຊາເມື່ອວັນພະຫັດມື້ນີ້ ພວກຊາວເມືອງທີ່ຢ້ານກົວທັງຫຼາຍພາກັນຫຼົບລີ້ຢູ່ພາຍໃນບ້ານເຮືອນ ຈາກການສູ້ລົບກັນຢ່າງໜັກຢູ່ໃນເຂດດັ່ງກ່າວ.
ເຫດການຮຸນແຮງບັ້ນລ່າສຸດ ແມ່ນສືບຕໍ່ດ້ວຍການໂຈມຕີທາງອາກາດຂອງ ອິສຣາແອລຕໍ່ຕ້ານພວກມຸສລິມຫົວຮຸນແຮງໃນເຂດກາຊາ ຊຶ່ງຊາວປາແລັສ ໄຕກ່າວວ່າ ໄດ້ສັງຫານຢ່າງໜ້ອຍ 10 ຄົນ. ທາງການອີສຣາແອລເວົ້າ ວ່າ ການໂຈມຕີທາງອາກາດແມ່ນເພື່ອຕອບໂຕ້ໂດຍກົງຕໍ່ການໂຈມຕີດ້ວຍ ຈະຫຼວດຂອງກຸ່ມຫົວຮຸນແຮງປາແລັສໄຕທີ່ດໍາເນີນໄປເກືອບແທບທຸກມື້ນັ້ນ.
ລູກສອນໄຟຂອງອີສຣາແອລລູກນຶ່ງ ໄດ້ສັງຫານທ່ານ Ahmed al-Jaabari ຜູ້ບັນຊາການທະຫານຂອງກຸ່ມຮາມາສ ເມື່ອວັນພຸດວານນີ້ ຂະນະທີ່ທ່ານຂັບລົດຢູ່ໃນເຂດກາຊາ. ອີສຣາແອລໄດ້ເຕືອນພວກສະມາ ຊິກກຸ່ມຮາມາສຄົນອື່ນໆ ບໍ່ໃຫ້ອອກມາຍ່າງປ້ວນປ້ຽນຢູ່ເທິງໜ້າດິນ ໃນໄລຍະບໍ່ເທົ່າໃດມື້ຕໍ່ໜ້ານີ້.
ໃນຂະນະດຽວກັນ ສະພາຄວາມໝັ້ນຄົງອົງການສະຫະປະຊາຊາດ ໄດ້ຈັດກອງປະຊຸມສຸກເສີນຂຶ້ນ ໃນຕອນເດິກ ຂອງຄືນວານນີ້ ຕາມທີ່ອິຈິບ ແລະ Morocco ຊຶ່ງເປັນສະມາຊິກສະພາຄວາມໝັ້ນຄົງອີກປະເທດນຶ່ງ ຮ້ອງຂໍໃນນາມຂອງຊາວປາແລັສຕາຍ.
ຝ່າຍປາແລັສໄຕ ໄດ້ຍິງໂຈມຕີໃສ່ເຂດພາກໃຕ້ຂອງອີສຣາແອລໃນຂະນະ ທີ່ອີສຣາແອລກໍໄດ້ໂຈມຕີຮອບໃໝ່ຕໍ່ເຂດກາຊາເມື່ອວັນພະຫັດມື້ນີ້ ພວກຊາວເມືອງທີ່ຢ້ານກົວທັງຫຼາຍພາກັນຫຼົບລີ້ຢູ່ພາຍໃນບ້ານເຮືອນ ຈາກການສູ້ລົບກັນຢ່າງໜັກຢູ່ໃນເຂດດັ່ງກ່າວ.
ເຫດການຮຸນແຮງບັ້ນລ່າສຸດ ແມ່ນສືບຕໍ່ດ້ວຍການໂຈມຕີທາງອາກາດຂອງ ອິສຣາແອລຕໍ່ຕ້ານພວກມຸສລິມຫົວຮຸນແຮງໃນເຂດກາຊາ ຊຶ່ງຊາວປາແລັສ ໄຕກ່າວວ່າ ໄດ້ສັງຫານຢ່າງໜ້ອຍ 10 ຄົນ. ທາງການອີສຣາແອລເວົ້າ ວ່າ ການໂຈມຕີທາງອາກາດແມ່ນເພື່ອຕອບໂຕ້ໂດຍກົງຕໍ່ການໂຈມຕີດ້ວຍ ຈະຫຼວດຂອງກຸ່ມຫົວຮຸນແຮງປາແລັສໄຕທີ່ດໍາເນີນໄປເກືອບແທບທຸກມື້ນັ້ນ.
ລູກສອນໄຟຂອງອີສຣາແອລລູກນຶ່ງ ໄດ້ສັງຫານທ່ານ Ahmed al-Jaabari ຜູ້ບັນຊາການທະຫານຂອງກຸ່ມຮາມາສ ເມື່ອວັນພຸດວານນີ້ ຂະນະທີ່ທ່ານຂັບລົດຢູ່ໃນເຂດກາຊາ. ອີສຣາແອລໄດ້ເຕືອນພວກສະມາ ຊິກກຸ່ມຮາມາສຄົນອື່ນໆ ບໍ່ໃຫ້ອອກມາຍ່າງປ້ວນປ້ຽນຢູ່ເທິງໜ້າດິນ ໃນໄລຍະບໍ່ເທົ່າໃດມື້ຕໍ່ໜ້ານີ້.
ໃນຂະນະດຽວກັນ ສະພາຄວາມໝັ້ນຄົງອົງການສະຫະປະຊາຊາດ ໄດ້ຈັດກອງປະຊຸມສຸກເສີນຂຶ້ນ ໃນຕອນເດິກ ຂອງຄືນວານນີ້ ຕາມທີ່ອິຈິບ ແລະ Morocco ຊຶ່ງເປັນສະມາຊິກສະພາຄວາມໝັ້ນຄົງອີກປະເທດນຶ່ງ ຮ້ອງຂໍໃນນາມຂອງຊາວປາແລັສຕາຍ.
