ລິ້ງ ສຳຫລັບເຂົ້າຫາ

ທ່ານຜູ້ຮັບຟັງທີ່ເຄົາຣົບ ໃນແລງວັນອາທິດມື້ນີ້ ເພື່ອລະນຶກເຖິງ ນັກຮ້ອງ ນັກປະພັນເພງ ທີ່ມີຊື່ສຽງ ແລະໄດ້ເສຍຊີວິດໄປຫວ່າງມໍໆມານີ້ນັ້ນ ວັນນະສອນ ໄດ້ຈັດເອົາເພງຂອງ ເຂົາເຈົ້າ ຊຶ່ງເປັນສາກົນທີ່ມີຄວາມດົງດັງໃນອະດີດ ມາສະເໜີທ່ານ ຈະແມ່ນໃຜ ແລະມີເພງຫຍັງແດ່ນັ້ນ ໂປຣດເຂົ້າສູ່ລາຍການຂອງເຮົາໄດ້ນະບັດນີ້.

ວັນນະສອນ: ສະບາຍດີທ່ານຜູ້​ຟັງທີ່​ໜ້າ​ຮັກ ວົງ​ການ​ເພງ​ໃນ​ສະຫະລັດ​ໄດ້​ມີ​ການ​ສູນ​ເສຍ​ຢ່າງ​ຍິ່ງ​ໃຫຍ່ ​ໃນ​ເດືອນນີ້ ມີ​ທັງ Donna Summer ​ແລະ Robin Gibb ສະມາຊິກຂອງ​ວົງ BeeGees ທີ່​ໄດ້​ອໍາ​ລາ​ຈາກ​ໂລກ​ນີ​ໄປ​ແລ້ວ ຊຶ່ງ​ກໍ​ໄດ້​ຫຼົງ​ເຫຼືອ​ໄວ້​ແຕ່​ຜົນ​ງານດີໆ ທີ່​ເຮັດໃຫ້ພວກ​ເຮົາ​ຜູ້​ຟັງ ຄິດ​ເຖິງ​ສຽງ​ເພງ​ທີ່​ທັງ​ສອງ​ໄດ້​ຝາກ​ໄວ້​ໃນໂລກນີ້ ​ແລະ​ເພງ​ທີ່​ວັນນະ​ສອນ​ຈະ​ຫຼິ້ນ​ໃຫ້​ຟັງ​ຕໍ່​ໄປ​ນີ້ ​ຄົງ​ຈະ​ຮ້ອງ​ອອກ​ເປັນ​ສຽງ​ດຽວ​ກັນ​ວ່າ “ອໍ…I Started A Joke.”


ເພງ
:I Started A Joke - Robin Gibb (BeeGees)

ສ່ວນ Donna Summer ນີ້ ວັນນະ​ສອນ​ວ່າ​ທຸກໆ​ຄົນ ຄົງ​ຈະ​ຄຸ້ນ​ຫູ​ກັບ​ເພງ Working 9 to 5 ທີ່​ໂດ​ງດັງ​ໃນ​ອະດີດ​ແລະ​ເພງຂອງ Donna Summer ​ທີ່ ​ທຸກໆ​ຊາບ​ກັນ​ນັ້ນ ສ່ວນ​ໃຫຍ່​ກໍ​ຈະ​ເປັນ​ເພງ​ເຕັ້ນ ​ເອົາ​ຄໍ່າ​ຄືນ​ນີ້ ຂໍ​ມອບ​ເພງ Last Dance ຂໍ​ເຊີນ​ອອກ​ມາ​ເຕັ້ນ​ລໍາ​ນໍາ​ກັນ​ໄດ້.

ເພງ: “Last Dance - Donna Summer

ວັນນະສອນ: ​ເນື່ອງ​ຈາກ​ວ່າ ວັນ​ຈັນ​ທີ່​ຈະ​ມາ​ເຖິງ​ນີ້​ເປັນ​ວັນ​ລະ​ລຶກ​ເຖິງ​ຄຸນງາມຄວາມດີ​ຂອງ​ນັກຣົບ​ເກົ່າ​ທັງຫຼາຍ ທີ່​ໄດ້​ສະລະ​ເລືອດ​ເນື້ອ​ເຊື້ອ​ໄຂ ​ເພື່ອ​ປົກ​ປ້ອງ​ແຜ່ນດິນ ສະຫະລັດ ​ເພາະສະ​ນັ້ນ​ຈຶ່ງ​ຂໍ​ມອບ​ເພງ​ນີ້ ​“People That Matter” ທີ່​ຂັບ​ຮ້ອງ​ໂດຍ Randy Deaver ໃຫ້​ແກ່​ທ່ານ​ຜູ້​ຟັງ​ທຸກໆ​ທ່ານ​ເພື່ອ​ສະ​ແດງ​ເຖິງ​ຄວາມ​ຈົງ​ຮັກ​ພັກດີ ທີ່​ພວກ​ເຮົາ​ມີ​ຕໍ່​ພວກ​ທີ່​ເສຍ​ສະລະ​ເຫຼົ່າ​ນີ້.

ຂໍໃຫ້ທຸກໆ​ທ່ານ​ນອນ​ລັບ​ຝັນ​ຫວານ​ແລະ​ພົບ​ກັນ​ໃຫມ່​ໃນ​ສັບປະດາ​ຫນ້າ.

ເພງ: “People That Matter” - Randy Deaver

ກ່ຽວຂ້ອງກັນ

XS
SM
MD
LG