ຫຼາຍໆທ່ານຄົງຈະຄຸ້ນເຄີຍກັບແນວເພງ Bluesy Rock ຂອງວົງ “Led Zeppelin”
ທີ່ເຄີຍໂດງດັງມາໃນອະດີດ. Robert Plant ເປັນຊາວອັງກິດໂດຍກຳເນີດ ເຂົາຄືນັກຮ້ອງ
ຄົນເກັ່ງ ທີ່ເປັນຜູ້ລິເລີ່ມວົງ “Led Zeppelin” ນີ້, ຜູ້ກ່ຽວມີຄວາມສາມາດສຸດຍອດ, ທັງ
ຮ້ອງແລະທັງແຕ່ງເພງເອງ. ນອກຈາກນັ້ນ Robert Plant ຍັງເປັນສະມາຊິກຂອງວົງ
Band of Joy ໃນແນວເພງ Blue ແລະຫຼັງຈາກທີ່ໄດ້ຫ່າງເຫີນຈາກວົງການເພງໄປ
ນານກວ່າ 40 ປີ. Robert Plant ໄດ້ກັບມາພ້ອມກັບ CD ຊຸດໃໝ່ ແລະຄັ້ງນີ້ກໍຖືວ່າ
ເປັນການກັບມາ “ເກີດໃໝ່”ຂອງວົງດົນຕຣີ Band of Joy. ຂໍເຊີນໄປຮັບຟັງພ້ອມໆ
ກັນເລີຍໃນບົດເພງຫວານໆ “Falling In Love Again.”
MUSIC: “Falling In Love Again”
ຄວາມສາມາດຂອງ Robert Plant ແມ່ນມີຫຼາກຫຼາຍ. ເເນວເພງຂອງຜູ້ກ່ຽວກໍຈະອອກ
ມາປະສົມປະສານ ເນື່ອງຈາກວ່າ ເຂົາມີພື້ນຖານທີ່ເເໜ້ນ ຈາກຫຼາຍໆສະໄຕລ໌ເພງ ທັງ
Rock, Blue, Eclectic mix Country, Folk ຫຼັງຈາກທີ່ວົງ Led Zeppelin ໄດ້
ສະຫລາຍຕົວໃນຊຸ່ມປີ 1980 ແລ້ວ Robert Plant ໄດ້ອອກມາຮ້ອງດ່ຽວແລະສ້າງຊື່
ສຽງໃຫ້ຕົວເອງດັງເພີ່ມຕື່ມອີກ ຊຶ່ງຜູ້ກ່ຽວເອງກໍດັງຢູ່ແລ້ວ ແລະໄດ້ຮັບລາງວັນ Gram-
my ໃນປີ 2009 ໃນເພງທີຮ້ອງຄູ່ກັບ Alison Krauss. ວັນນະສອນຂໍເເນະນຳເພງ
“You Can’t Buy My Love” ໃຫ້ທຸກໆທ່ານໄດ້ຟັງກັນ ຢ່າງສົມໃຈເລີຍ.
MUSIC: “You Can’t Buy My Love”
ເຖິງແມ່ນວ່າປະຈຸບັນນີ້ Robert Plant ມີອາຍຸໄດ້ 62 ປີແລ້ວກໍຕາມ ແຕ່ຜູ້ກ່ຽວຍັງມີ
ພະລັງສຽງທີ່ດີຢ້ຽມ. ນໍ້າສຽງຂອງເຂົາຈະອ່ອນກວ່າຕອນທີ່ເປັນນັກຮ້ອງຣ໊ອກໃນ
ສະໄໝທີ່ຮ້ອງໃນວົງ Led Zeppelin ນັ້ນ ວັນນະສອນຂໍຖືໂອກາດນີ້ ສະເໜີເພງ
“House Of Cards” ນີ້ ເພື່ອປິດທ້າຍລາຍການໃນວັນອາທິດທ້າຍເດືອນຕຸລາປີ 2010
ນີ້ ແລະຫວັງວ່າ ທ່ານຜູ້ຟັງຄົງຈະຍັງຕິດຕາມຮັບຟັງເພງມ່ວນໆກັບວັນນະສອນອີກໃນ
ອາທິດໜ້າ ແລະທາງເຮົາຈະນຳມາສະເຫນີເພງໃດແດ່ນັ້ນ ກໍຕ້ອງລໍຖ້າພິສູດດ້ວຍຕົວ
ທ່ານເອງ ແລະແນ່ນອນທີ່ສຸດ ຄືມີທີ່ນີ້ທີ່ດຽວໃນລາຍການສຽງເພງຈາກແດນໄກຂອງ VOA.
Music: “House Of Cards”
ເຊີນຟັງທັງສາມເພງດ້ວຍການ "Click" ສັນຍາລັກຮູບໂທລະໂຄ່ງ
