ນັກແລ່ນຈາໄມກາ ທ້າວ Usain Bolt ໄດ້ແລ່ນໄວທີ່ສຸດເອົາຫລຽນຄຳໂອລິມ ປິກອີກ ໂດຍຊະນະການແຂ່ງຂັນແລ່ນ 200 ແມັດ ໃນອັນທີ່ລາວກ່າວວ່າ ຈະເປັນການແຂ່ງຂັນກິລາໂອລິມປິກລະດູຮ້ອນເທື່ອສຸດທ້າຍຢູ່ໃນລະຍະດັ່ງກ່າວ.
ລາວໄດ້ທຳເວລາ 19.78 ວິນາທີຢູ່ນະຄອນ Rio ໃນວັນພະຫັດວານນີ້ ກາຍເຄິ່ງວິນາທີ ຫຼຸດຈາກສະຖິຕິໂລກຂອງລາວ ແຕ່ເກືອບນຶ່ງສ່ວນສີ່ວິນາທີດີກວ່າ ຜູ້ຊະນະເປັນທີສອງ ທ້າວ Andre De Grasse ຈາກການາດາ.
ຫລັງຈາກການແຂ່ງຂັນແລ້ວ ທ້າວ Bolt ກ່າວວ່າ ລາວພໍໃຈກັບຫລຽນຄຳ ແຕ່ປາດຖະໜາຢາກໄດ້ເວລາໄວຂຶ້ນກວ່ານັ້ນອີກ.
ທ້າວ Bolt ບັດນີ້ໄດ້ຊະນະສາມຫລຽນຄຳໂອລິມປິກຕິດຕໍ່ກັນເປັນເວລາ 3 ປີ ຊ້ອນ ໃນຄວາມໄວສຸດ ທັງໃນລະຍະ 200 ແມັດ ແລະ 100 ແມັດ. ໃນວັນສຸກມື້ນີ້ ສອງມື້ ກ່ອນໜ້າທີ່ລາວຈະມີອາຍຸ 30 ປີ ທ້າວ Bolt ຈະເປັນເທື່ອທີສາມໃນການແລ່ນຕໍ່ກັນສີ່ຄົນ ຜູ້ລະ 100 ແມັດກັບທິມນັກແລ່ນຈາໄມກາຂອງລາວ.
ຢູ່ໃນການແຂ່ງຂັນອຶ່ນໆໃນວັນພະຫັດວານນີ້ ຊາວອາເມຣິກັນ ທ້າວ Ashton Eaton ໄດ້ປ້ອງກັນຕຳແໜ່ງໂອລິມປິກໃນກິລາແລ່ນແລະລານ 10 ປະເພດຫຼື decathlon ໂດຍໄດ້ຊະນະນັກກິລາຝຣັ່ງທ້າວ Kevin Mayer. ທ້າວ Eatonແມ່ນກຳສະຖິຕິໂລກຂອງກິລາດັ່ງກ່າວ ຊຶ່ງໄດ້ຕັດສິນວ່າໃຜເປັນສນັກກິລາທີ່ເກັ່ງສຸດໃນຫຼາຍປະເພດ.
ຊາວອາເມຣິກັນໄດ້ຊະນະສາມຫລຽນຄຳໃນການແລ່ນແລະລານໃນວັນພະຫັດວານນີ້. ນາງ Delilah Muhammad ໄດ້ກາຍມາເປັນແມ່ຍິງອາເມຣິກັນຄົນທຳອິດ ທີ່ໄດ້ຊະນະການແລ່ນຂ້າມຮົ້ວ 400 ແມັດ. ທ້າວ Kerron Clement ໄດ້ຊະນະການແລ່ນຂ້າມຮົ້ວ 400 ແມັດຜູ້ຊາຍ ແລະທ້າວ Ryan Crousser ໄດ້ເຮັດສະຖິຕິໂອລິມປິກໃໝ່ ໃນການແຂ່ງໂຍນໝາກບຸ່ນຜູ້ຊາຍ ດ້ວຍລະຍະ 22.52 ແມັດ.
ນາງ Allyson Felix ຜູ້ປ້ອງກັນຕຳແໜ່ງທິມແມ່ຍິງ ໃນແລ່ນຕໍ່ກັນສີ່ຄົນຜູ້ລະ 100 ແມັດ ໄດ້ເຮັດໄມ້ຕົກລະຫວ່າງການແຂ່ງເຂົ້າຮອບຫຼັງຈາກໄດ້ຖືກຕໍາໂດຍນັກແລ່ນບຣາຊິລ. ສະຫະລັດໄດ້ຂໍອຸທອນ ແລະກໍເປັນເລື້ອງແປກ ທີ່ທີິມສະຫະ ລັດ ຕ້ອງໄດ້ແລ່ນຕໍ່ກັນສີ່ຄົນຜູ້ລະ 100 ແມັດແຕ່ພຽງທິມດຽວຢູ່ໃນເດີ່ນ. ເຂົາເຈົ້າໄດ້ຮັບເວລາໄວສົມຄວນ ພໍທີ່ຈະກ້າວເຂົ້າສູ່ຮອບສຸດທ້າຍໃນແລງວັນສຸກມື້ນີ້.
ປະເທດ Jordan ໄດ້ຮັບຫລຽນໂອລິມປິກເປັນເທື່ອທຳອິດແບບບໍ່ເຄີຍມີມາກ່ອນ ເວລານັກເຕກວນໂດທ້າວ Ahmad Abughaush ໄດ້ຊະນະຫລຽນຄຳໃນການ ແຂ່ງຂັນປະເພດຊາຍ ຂະໜາດ 68 ກິໂລ.
