ກຸ່ມປົກປ້ອງສິດທິມະນຸດກຸ່ມນຶ່ງ ໄດ້ຮຽກຮ້ອງໃຫ້ ປະທານາທິ
ບໍດີສະຫະລັດ ທ່ານ Barack Obama ໃຊ້ການເດີນທາງຂອງ
ທ່ານໄປຢ້ຽມຢາມເຄັນຢາ ໃນໄວໆນີ້ ກົດດັນຕໍ່ລັດຖະບານປະ
ເທດດັ່ງກ່າວໃຫ້ປັບປຸງປະຫວັດດ້ານສິດທິມະນຸດຂອງຕົນ.
ກຸ່ມປົກປ້ອງສິດທິມະນຸດ Human Right Watch ໄດ້ເຜິີຍແຜ່
ໜັງສືສະບັບນຶ່ງ ໃນວັນພຸດມື້ນີ້ ຕາງໜ້າໃຫ້ 17 ອົງການຈັດຕັ້ງ
ດ້ານສິດທິມະນຸດ. ໜັງສືສະບັບນີ້ກ່າວວ່າ ບັນດາອົງການຈັດ
ຕັ້ງສິດທິມະນຸດ ມີຄວາມເປັນຫ່ວງວ່າ ປະທານາທິບໍດີເຄັນຢາ
ທ່ານ Uhuru Kenyetta ກຳລັງບ່ອນທຳລາຍ ລັດຖະທຳມະ
ນູນເຄັນຢາແລະພັນທະຂອງຕົນຕໍ່ກົດໝາຍສິດທິມະນຸດສາກົນພາຍໃຕ້ຂໍ້ອ້າງ “ການສົ່ງເສີມຄວາມປອດໄພແຫ່ງຊາດແລະປາບປາມການກໍ່ການຮ້າຍ.”
ໜັງສືສະບັບກ່າວຕື່ມວ່າ ປະທານາທິບໍດີ Obama ມີໂອກາດອັນພິເສດ ທີ່ຈະຮຽກຮ້ອງ
ໃຫ້ ປະທານາທິບໍດີ ເຄັນຢາ ຍຶດໝັ້ນໃນລັດຖະທຳມະນູນສະບັບ ປີ 2010 ໃນຂະນະທີ່ ສະຫະລັດເປັນນຶ່ງໃນພັນທະມິດໃກ້ຊິດທີ່ສຸດຂອງເຄັນຢາ ໃນການຕໍ່ສູ້ຕ້ານການກໍ່ການ
ຮ້າຍ.
ໜັງສືກ່າວວ່າ “ພວກເຮົາຮຽກຮ້ອງໃຫ້ທ່ານ ຈົ່ງຍົກເອົາບັນຫາສຳຄັນທັງຫລາຍເຫລົ່ານີ້
ຂື້ນມາຫາລື ໃນລະຫວ່າງການຢ້ຽມຢາມເຄັນຢາ ຄັ້ງປະຫວັດສາດທີ່ຈະມີຂື້ນນີ້.”
ທ່ານ Obma ມີກຳນົດເດີນທາງໄປຢ້ຽມຢາມເຄັນຢາ ໃນທ້າຍເດືອນນີ້ ຊຶ່ງເປັນເປັນການ
ຢ້ຽມຢາມບ້ານເກີດບິດາຂອງທ່ານເທື່ອທຳອິດ ໃນນາມ ປະທານາທິບໍ ດີສະຫະລັດ.
ກະຊວງຕ່າງປະເທດ ສະຫະລັດ ໄດ້ອອກຄຳເຕືອນຕໍ່ຊາວອາເມຣິກັນ ທີ່ຈະເດີນທາງໄປ
ເຄັນຢາ ກ່ອນທີ່ທ່ານ Obama ໄປຮ່ວມກອງປະຊຸມສຸດຍອດ ນັກວິສະຫະກິດໂລກ ໃນ
ວັນທີ 24 ຫາວັນທີ 26 ກໍລະກົດ ທີ່ນະຄອນໄນໂຣບີ. ກອງປະຊຸມສຸດຍອດດັ່ງກ່າວ ຄາດ
ວ່າຈະມີຜູ້ເຂົ້າຮ່ວມ 1,500 ຄົນ ຈາກທົ່ວໂລກ.
