ລິ້ງ ສຳຫລັບເຂົ້າຫາ

ກຸ່ມສິດທິມະນຸດ ຕິຕຽນ ກໍາປູເຈຍ ທີ່ບໍ່ຈ່າຍເງິນເດືອນ ໃຫ້ສານອາຊະຍາກໍາສົງຄາມ


ກຸ່ມ​ສິດທິ​ມະນຸດ​ ຕິຕຽນກໍາປູ​ເຈຍ ​​ທີ່​ບໍ່​ຈ່າຍ​ເງິນ​ເດືອນ​​ໃຫ້​ແກ່​ພະນັກງານ​ທ້ອງ​ຖິ່ນ ຂອງ​ສານ​ອາ​ຊະ​ຍາ​ກໍາ​ສົງຄາມຂະ​ເໝນ​ແດງ.
ກຸ່ມ​ສິດທິ​ມະນຸດ​ສໍາຄັນ​ກຸ່ມ​ນຶ່ງ ຕິຕຽນກໍາປູ​ເຈຍ ທີ່​ບໍ່​ຈ່າຍ​ເງິນ​
ເດືອນໃຫ້​ແກ່​ພະນັກງານ​ທ້ອງ​ຖິ່ນ ຂອງ​ສານ​ອາ​ຊະ​ຍາ​ກໍາ​ສົງ
ຄາມຂະ​ເໝນ​ແດງ.

ພະນັກງານ​ກໍາປູ​ເຈຍ​ປະມານ 200 ຄົນຂອງ​ສານ​ທີ່ໄດ້​ຮັບ​ການ
ໜູນ​ຫລັງ​ຈາກສະຫະ​ປະ​ຊາ​ຊາດ ​ໄດ້​ພາກັນ​ຢຸດ​ງານປະ​ທ້ວງ​ໃນ
​ ວັນ​ຈັນ​ທີ່​ຜ່ານ​ມາ ຫລັງ​ຈາກບໍ່​ໄດ້​ຮັບເງິນ​ມາ​ໄດ້ຫລາຍ​ເດືອນ.

ກຸ່ມ​ສີ້​ງຊອມ​ສິດທິ​ມະນຸດ​ Human Rights Watch ກ່າວໃນ​ວັນ
​ພະຫັດ​ມື້​ນີ້​ວ່າ ລັດຖະບານ​ເຈດ​ຕະນາ​ກັກ​ເງິນ​ນັ້ນ​ໄວ້ ​ເພື່ອ​ຂັດ
ຂວາງ​ການ​ດໍາ​ເນີນ​ຄະດີ​ພວກ​ຜູ້​ນໍາ​ຂະ​ເໝນ​ແດງ.

ຝ່າຍ​ລັດຖະບານກໍາປູ​ເຈຍຂອງສານດັ່ງກ່າວ ທີ່ຂາດງົບປະມານ​ຢູ່​ເກືອບ​ຮອດ 3 ລ້ານໂດລາ ​
ໄດ້​ປະ​ເຊີນ​ກັບການກ່າວຫາວ່າ ບໍລິຫານງານ​ຢ່າງຜິດພາດ, ສໍ້າລາດບັງຫລວງ ແລະກິນ
ສິນບົນ ນັບ​ຕັ້ງ​ແຕ່​ໄດ້​ຖືກ​ຈັດ​ຕັ້ງ​ຂຶ້ນ ​ໃນປີ 2006 ເປັນຕົ້ນມາ.

ຍີ່​ປຸ່ນ ທີ່​ເປັນ​ຜູ້​ບໍລິຈາກ​ລາຍ​ໃຫຍ່​ລາຍ​ນຶ່ງ​ໃຫ້​ແກ່​ສານດັ່ງກ່າວ ​ໄດ້​ສະ​ເໜີແນະ​ວ່າ ​ເງິນ​ຊ່ວຍ​ເຫລືອ​ຂອງ​ຕົນ​ຈໍາ​ນວນ​ນຶ່ງ ທີ່​ຕັ້ງໃຈມອບ​ໃຫ້​ຝ່າຍ​ນາໆ​ຊາດຂອງ​ສານນັ້ນ ອາດ​ສາມາດ​ເອົາ​ໄປ​ໃຊ້​ຈ່າຍ​ເງິນ​ເດືອນໃຫ້ແກ່ ​ພະນັກງານ​ໄດ້.

​ແຕ່​ວ່າ ກຸ່ມ​ສີ້​ງຊອ​ມສິດທິ​ມະນຸດ ກ່າວ​ວ່າ ບັນດາ​ຜູ້​ບໍລິຈາກ​ນາໆ​ຊາດ ຄວນ​ໂຈະທຶນ​ບໍລິ​ຈາກ​
ນັ້ນໄວ້​ໃນ​ອະນາຄົດ ຈົນ​ກວ່າ​ວ່າ ລັດຖະບານ​ກໍ​າປູ​ເຈຍ ຈ່າຍ​ພາກສ່ວນ​ຂອງ​ຕົນ ສໍາລັບສານ​
ອາ​ຊະຍາ​ກໍາ​ສົງຄາມ.

​ກຸ່ມດັ່ງ​ກ່າວ​ເວົ້າ​ເປັນ​ໃນໆ​ອີກ​ວ່າ ລັດຖະບານ ນາຍົກ​ Hun Sen ທີ່​ນໍາພາ​ໂດຍ​ອະດີດ​ສະມາ
ຊິກ ຂະ​ເໝນ​ແດງ ນັ້ນ "​ທໍາທ່າເຮັດວ່າ ທຸກ​ຍາກຫລາຍ ຈົນ​ບໍ່​ສາມາດຮັບຜິດຊອບຕໍ່ບັນດາ
​ຜູ້ທີ່​ໄດ້ຮັບ​ເຄາະ​ຮ້າຍຈາກ​ພວກຂະ​ເໝນ​ແດງ ຫລາຍ​ລ້ານ​ຄົນນັ້ນ."​
XS
SM
MD
LG