ກຸ່ມຕິດຕາມເບິ່ງການສູ້ລົບກັນທີ່ກຳລັງດຳເນີນໄປຢູ່ໃນຊີເຣຍ
ກ່າວວ່າ ການໂຈມຕີທາງອາກາດຂອງກຸ່ມແນວໂຮມ ພາຍ
ໃຕ້ການນຳພາຂອງສະຫະລັດໃນຄືນຜ່ານມານີ້ ໄດ້ຫັນປ່ຽນ
ຈາກການແນເປົ້າໝາຍໃສ່ກຸ່ມ ລັດອິສລາມ ໄປໃສ່ກຸ່ມຫົວ
ຮຸນແຮງອື່ນອີກສອງກຸ່ມ.
ກຸ່ມສິ້ງຊອມດ້ານສິດທິມະນຸດ Syrian Observatory ທີ່ມີ
ຫ້ອງການຕັ້ງຢູ່ໃນອັງກິດ ກ່າວວ່າ ການໂຈມຕີເລີ້ມແຕ່ວັນພຸດ
ວານນີ້ ຫາວັນພະ ຫັດມື້ນີ້ ແມ່ນທຳລາຍກຸ່ມ Nusra ທີ່ແຂວງ
Idlib ໃນພາກຕາເວັນຕົກສຽງເໜືອຂອງຊີເຣຍ. ການໂຈມຕີ
ທາງອາກາດດັ່ງກ່າວ ນັບວ່າເປັນຄັ້ງທີສອງເທົ່ານັ້ນ ທີ່ແນໃສ່
ພວກກະບົດກຸ່ມນີ້ທີ່ເປັນເຄືອຂ່າຍຂອງອານກາອິດາ ນັບແຕ່ການໂຈມຕີທາງອາກາດຕໍ່ກຸ່ມລັດອິສລາມ ໄດ້ເລີ້ມຂຶ້ນໃນເດືອນກັນຍາເປັນຕົ້ນມາ.
ກຸ່ມ Nusra ໄດ້ຊະນະພວກກະບົດຫົວນິຍົມແນວທາງປານກາງທີ່ໄດ້ຮັບການສະໜັບສະ
ໜຸນຈາກຝ່າຍຕາເວັນຕົກໃນຂົງເຂດດຽວກັນໃນສັບ ປະດາຜ່ານມານີ້.
ການໂຈມຕີບັ້ນທຳອິດໃສ່ກຸ່ມ Nusra ໃນເດືອນກັນຍາ ແມ່ນແນເປົ້າ ໝາຍໃສ່ທີ່ໝັ້ນແຫ່ງນຶ່ງ ທີ່ສະຫະລັດ ເອີ້ນວ່າ ກຸ່ມ Khorasan ໂດຍກ່າວຫາກຸ່ມຫົວຮຸນແຮງດັ່ງກ່າວ ມີແຜນ
ການ “ເປັນໄປໄດ້ທີ່ສຸດ” ທີ່ຈະທຳການໂຈມຕີເປົ້າໝາຍແຫ່ງຕ່າງໆຂອງຝ່າຍຕາເວັນຕົກນັ້ນ.
ກຸ່ມ Syrian Observatory ຍັງແຈ້ງໃຫ້ຊາບໃນວັນພະຫັດມື້ນີ້ເຊັ່ນກັນວ່າ ກຸ່ມ Ahra al-Sham ຊຶ່ງເປັນກຸ່ມກະບົດຫົວຮຸນແຮງອີກກຸ່ມນຶ່ງ ໄດ້ຖືກໂຈມຕີເປັນຄັ້ງທຳອິດ ຢູ່ເລາະເຂດຊາຍແດນຂອງເທີກີ.
ການໂຈມຕີທາງອາກາດຂອງກຸ່ມແນວໂຮມປະຈຳວັນມາ ສ່ວນໃຫຍ່ແມ່ນແນໃສ່ເປົ້າໝາຍໃສ່ກຸ່ມລັດອິສລາມໃນພາກເໜືອ ແລະພາກຕາເວັນອອກຂອງຊີເຣຍ.
ຊີເຣຍທີ່ແຕກແຍກ ຊຶ່ງໄດ້ປະສົບກັບສົງຄາມກາງເມືອງມາ 3 ປີແລ້ວ ນັ້ນ ກຳລັງປະເຊີນ
ກັບຮຸກຮານຈາກກຸ່ມລັດອິສລາມ ຊຶ່ງເປັນກຸ່ມຫົວຮຸນແຮງຈັດ ທີ່ພາກັນຕໍ່ສູ້ ເພື່ອຂະຫຍາຍຂອບເຂດການຄວບຄຸມຂອງຕົນຢູ່ໃນຊີເຣຍແລະອີຣັກນັ້ນ.
ສະຖານີໂທລະພາບອີຣັກ ລາຍງານຂ່າວໃນແລງວັນພຸດວານນີ້ ກ່ຽວກັບການໂຈມຕີຂອງພວກກຳລັງລັດຖະບານ ຕໍ່ກຸ່ມຫົວຮຸນແຮງລັດອິສ ລາມໃນເມືອງ Beiji ທີ່ປະສົບກັບຄວາມວຸ້ນວາຍ ໃນພາກເໜືອຂອງ ແບັກແດດ. ເມືອງດັ່ງກ່າວເປັນທີ່ຕັ້ງໂຮງກັ່ນນ້ຳມັນໃຫຍ່ທີ່ສຸດຂອງອີຣັກທີ່ໄດ້ຖືກພວກຫົວຮຸນແຮງລັດອິສລາມເຂົ້າຄວບຄຸມຕັ້ງແຕ່ເດືອນມິຖຸນາແລ້ວນີ້ເປັນຕົ້ນມານັ້ນ.
