ຝຣັ່ງ ແລະ ເຢຍຣະມັນ ໄດ້ກ່າວປະນາມການສັງຫານນັກຂ່າວ ຊາອຸດີ ອາຣາເບຍ ທ້າວ
ຈາມາລ ຄາຊອກກີ ຢູ່ໃນສະຖານກົງສຸນຂອງປະເທດດັ່ງກ່າວ ໃນນະຄອນ ອິສຕັນບູລ,
ປະເທດ ເທີກີ.
ລັດຖະມົນຕີການຕ່າງປະເທດ ຝຣັ່ງ ທ່ານ ຈັອງ-ອີຟ ເລີ ດຣຽງ (Jean –Yves Le
Drian) ໃນວັນເສົາວານນີ້ ໄດ້ຮຽກຮ້ອງໃຫ້ທຳ “ການສືບສວນສອບສວນຢ່າງລະອຽດ
ແລະ ພາກພຽນ ເພື່ອຫາຜູ້ທີ່ຮັບຜິດຊອບທີ່ແທ້ຈິງ,” ສຳລັບການຕາຍຂອງທ້າວ
ຄາຊອກກີ. ທ່ານ ເລີ ດຣຽງ ໄດ້ກ່າວເພີ່ມເຕີມວ່າ “ພວກຜູ້ທີ່ມີຄວາມຜິດ ກ່ຽວກັບ
ການຄາດຕະກຳນັ້ນ” ຕ້ອງຖືກນຳມາຮັບຜິດຊອບສຳລັບການກະທຳຂອງພວກເຂົາ.
ໃນຂະນະດຽວກັນ, ນາຍົກລັດຖະມົນຕີ ເຢຍຣະມັນ ທ່ານນາງ ແອນເຈີລາ ເມີແຄັລ ກັບ
ລັດຖະມົນຕີການຕ່າງປະເທດຂອງທ່ານນາງ, ທ່ານ ໄຮໂກ ມາສ (Heiko Maas), ກໍ
ໄດ້ກ່າວໃນຖະແຫຼງການຮ່ວມ ເມື່ອວັນເສົາວານນີ້ວ່າ ພວກເພິ່ນກ່າວປະນາມການຕາຍ
ນັ້ນ “ໃນຄວາມເວົ້າທີ່ຮຸນແຮງທີ່ສຸດເທົ່າທີ່ສາມາດເວົ້າໄດ້.” ພວກເພິ່ນໄດ້ສືບຕໍ່ເວົ້າວ່າ
“ພວກເຮົາຄາດຫວັງໃຫ້ໄດ້ຮັບຄວາມໂປ່ງໄສຈາກ ຊາອຸດີ ອາຣາເບຍ” ກ່ຽວກັບ ຂໍ້ມູນ
ການຕາຍຂອງທ້າວ ຄາຊອກກີ ແລະ ໄດ້ເອີ້ນຂໍ້ມູນທີ່ມີຢູ່ໃນເຫດການດັ່ງກ່າວນັ້ນວ່າ
“ບໍ່ພຽງພໍ.”
ທ່ານນາງ ເມີແຄັລ ໄດ້ກ່າວວ່າ “ຮອດດຽວນີ້ ຍັງບໍ່ໄດ້ມີການອະທິບາຍຫຍັງອອກມາເທື່ອ,
ແລະ ພວກເຮົາຕ້ອງໄດ້ອະທິບາຍ ກ່ຽວກັບ ມັນ.”
ຫົວໜ້ານະໂຍບາຍການຕ່າງປະເທດ ສະຫະພາບ ຢູໂຣບ ທ່ານນາງ ເຟເດຣີກາ ໂມເກ
ຣີນີ ໄດ້ກ່າວໃນວັນເສົາວານນີ້ວ່າ ສະຖານະການຢູ່ອ້ອມຮອບການຕາຍຂອງທ່ານ ຄາ
ຊອກກີ ແມ່ນມີບັນຫາຢ່າງເລິກເຊິ່ງ, ແລະ ໄດ້ຮຽກຮ້ອງໃຫ້ທຳການສືບສວນສອບສວນ
ທີ່ຮອບຄອບ, ໜ້າເຊື່ອຖື ແລະ ໂປ່ງໄສ.
ຖະແຫຼງການທັງຫຼາຍໄດ້ຖືກປະກາດອອກມາ ເພື່ອຕອບໂຕ້ຕໍ່ການປະກາດຂອງ ຊາອຸດີ
ອາຣາເບຍ ທີ່ວ່າທ້າວ ຄາຊອກກີ, ຜູ້ທີ່ໄດ້ຫາຍສາບສູນໄປນັບຕັ້ງແຕ່ລາວໄດ້ເຂົ້າໄປ
ໃນສະຖານກົງສຸນຂອງຊາອຸດີ ອາຣາເບຍ ໃນວັນທີ 2 ຕຸລາທີ່ຜ່ານມາວ່າ, ໄດ້ເສຍຊີວິດ
ຢູ່ໃນກົງສຸນ ຫຼັງຈາກ “ການລົມກັນ” ລະຫວ່າງ ລາວ ກັບຄົນທີ່ໄດ້ພົບຢູ່ໃນກົງສຸນນັ້ນ
ໄດ້ກາຍເປັນການຕີກັນຂຶ້ນ.
ຄຳເຫັນຕ່າງໆໃນວັນເສົາວານນີ້ ແມ່ນການຍອມຮັບຄັ້ງທຳອິດຂອງລັດຖະບານ ຊາອຸ
ວ່າທ້າວ ຄາຊອກກີ ໄດ້ເສຍຊີວິດ.
ປະທານາທິບໍດີ ດໍໂນລ ທຣຳ, ຜູ້ທີ່ໄດ້ຈັດການຊຸມນຸມໃນຮູບແບບການໂຄສະນາຫາສຽງ
ໃນລັດ ເນວາດາ ເມື່ອວັນເສົາວານນີ້ ໄດ້ກ່າວຕໍ່ບັນດານັກຂ່າວວ່າ ທ່ານຍັງບໍ່ພໍໃຈກັບ
ການອະທິບາຍຂອງລັດຖະບານ ຊາອຸ ສຳລັບສິ່ງທີ່ໄດ້ເກີດຂຶ້ນກັບທ້າວ ຄາຊອກກີ.
