ກຸ່ມປົກປ້ອງສິດທິມະນຸດກຸ່ມນຶ່ງກ່າວວ່າ ຕົນໄດ້ພົບເຫັນຫລັກຖານ ກ່ຽວກັບຜົນກຳໄລອັນໃຫຍ່ຫລວງຈາກການເຮັດສົງຄາມ ໂດຍບັນດາຜູ້ນຳສູງສຸດທາງການເມືອງຂອງຊູດານ
ໃຕ້ຈຳນວນນຶ່ງ ຮວມທັງຜູ້ນຳຂອງທັງສອງຝ່າຍ ຢູ່ໃນສົງຄາມກາງເມືອງຂອງປະເທດ.
ບັນດາຜູ້ຮ່ວມກໍ່ຕັ້ງກຸ່ມປົກປ້ອງສິດທິມະນຸດດາຣາ Hollywood ທ່ານ George Clooney ແລະນັກເຄື່ອນໄຫວ ທ່ານ John Prendergast ໄດ້ນຳອອກເຜີຍແຜ່ການ
ພົບເຫັນດັ່ງກ່າວ ໃນວັນຈັນວານນີ້ ຢູ່ທີ່ກອງປະຊຸມຖະແຫລງຂ່າວ ທີ່ສະໂມສອນນັກຂ່າວແຫ່ງຊາດ ທີ່ນະຄອນຫລວງວໍຊິງຕັນ.
ລາຍງານຂອງກຸ່ມເຂົາເຈົ້າ ທີ່ມີຊື່ວ່າ The Sentry ໄດ້ກ່າວຫາ ປະທານາທິບໍ ດີຊູດານໃຕ້ ທ່ານ Salva Kiir ອະດີດຮອງປະທານາທິບໍດີຄົນທີນຶຶ່ງ ທ່ານ Reik Machar ແລະບັນດານາຍພົນຊູດານໃຕ້ວ່າ ພາກັນລັກເງິນຫລາຍລ້ານໂດລາຈາກຄັງເງິນລັດ ນັບແຕ່ປີ 2005 ເປັນຕົ້ນມາ ເວລາຂໍ້ຕົກລົງສັນຕິພາບໄດ້ແຜ້ວທາງໄປສູ່ການເປັນເອກກະລາດ ຂອງຊູດານໃຕ້ ຈາກຊູດານ ທີ່ໄດ້ລົງນາມກັນ.
ທ່ານ Clooney ກ່າວວ່າ “ຄວາມຈິງກໍຄື ເຂົາເຈົ້າພາກັນລັກເງິນ ເພື່ອສະໜັບສະໜຸນ
ທະຫານເຂົາເຈົ້າ ໃຫ້ໂຈມຕີ ແລະຂ້າກັນເອງ. ຫລັກຖານແມ່ນເປັນທີ່ຈະແຈ້ງ ລະອຽດ ແລະປະຕິເສດບໍ່ໄດ້.”
ທ່ານກ່າວວ່າ “ມັນຮວມທັງການຄ້າອາວຸດ ບັນດາທະນາຍຄວາມສາກົນ ທະນາຄານສາກົນ ອະສັງຫາລິມມະຊັບສາກົນ. ແລະເປັນເພາະວ່າ ພວກນັກສະແດງສາກົນເຫລົ່າ
ນີ້ ທີ່ພວກເຮົາຍັງສາມາດໃຫ້ຂໍ້ແກ້ໄຂຕ່າງໆ ເພື່ອຊ່ວຍຍຸຕິການກະ ທຳຜິດ ເພື່ອປ້ອງກັນບັນດາພົນລະເຮືອນທີ່ໄຮ້ດຽງສາ.”
ທ່ານ Prendergast ໄດ້ຮຽກຮ້ອງໃຫ້ສະຫະລັດ ແລະບັນດາລັດຖະບານຕ່າງໆ ຢູ່ທົ່ວໂລກ ໃຫ້ຢຸດການລັກເງິນທີ່ສົ່ງຜ່ານທາງລະບົບການເງິນສາກົນ. ທ່ານກ່າວວ່າ ອົງການ Sentry ໄດ້ສະເໜີໃຫ້ໃຊ້ວິທີການໃໝ່ ຈະໃຊ້ “ນະບາຍທີ່ເປັນເຄຶ່ອງມືການເງິນນຳພາ
ຢ່າງແນ່ນອນ ຊຶ່ງຕາມປົກກະຕິແລ້ວ ມີສະເພາະໄວ້ໃຫ້ແກ່ການຕ້ານການກໍ່ການຮ້າຍ ເພື່ອເປັນການຕໍ່ສູ້ກັບການຈັດຕັ້ງກະທຳຜິດ ເພື່ອຫ້າມແຜ່ຜາຍອາວຸດນິວເຄລຍ. ແຕ່ໃນເວລານີ້ພວກເຮົາຕ້ອງການໃຊ້ບັນດານະໂຍບາຍເຄື່ອງມືເຫລົ່ານີ້ ໃນການບໍລິການສິດທິມະນຸດ ແລະສັນຕິພາບແລະ ການປົກຄອງທີ່ດີໃນຊູດານໃຕ້.”
