ຢູ່ຕໍ່ມາ 6 ອາທິດຫລັງຈາກ ລັດຖະບານໄດ້ປະກາດພາວະສຸກເສີນ ຢູ່ທີ່ລັດ
Rakhine ໃນພາກຕາເວັນຕົກ ຂອງປະເທດ.
ອົງການນິລະໂທດກຳສາກົນຫຼື Amnesty International ກ່າວວ່າ ກໍາລັງຮັກສາ
ຄວາມປອດໄພຂອງລັດຖະບານ ແລະພວກຊົນເຜົ່າ Rakhine ທີ່ເປັນຊາວພຸດ ຍັງ
ສືບຕໍ່ທຳການໂຈມຕີ ຮວມທັງ ການຂົ່ມຂືນ ການມ້າງເພເຮືອນຊານ ແລະການສັງ
ຫານແບບຜິດກົດໝາຍ ຕໍ່ພວກຊົນເຜົ່າ Rohingyas ແລະພວກ ມຸສລິມຈຸອື່ນໆ.
ລັດຖະບານກ່າວວ່າ ຢ່າງໜ້ອຍ 78 ຄົນໄດ້ເສຍຊີວິດຢູ່ໃນເຂດດັ່ງກ່າວ ນັບຕັ້ງແຕ່
ທ້າຍເດືອນພຶດສະພາເປັນຕົ້ນມາ ເວລາເກີດຄວາມເຄັ່ງຕືງທີ່ມີມາເປັນເວລາຍາວນານ
ລະຫວ່າງເຜົ່າ Rakhine ແລະເຜົ່າ Rohingyas ໄດ້ລະເບີດຂຶ້ນ ກາຍເປັນຄວາມ
ຮຸນແຮງ.
ນັກຄົ້ນຄວ້າກ່ຽວກັບເລື່ອງມຽນມາ ຂອງອົງການນິລະໂທດກຳສາກົນ ທ່ານ
Benjamine Zawacki ກ່າວວ່າ ການປະກາດພາວະສຸກເສີນ ທີ່ໄດ້ເລີ້ມໃນວັນທີ
10 ເດືອນມິຖຸນາ ໄດ້ເຮັດໃຫ້ການປະທະກັນທາງດ້ານສາສະໜາຫຼຸດລົງ ຢູ່ໃນບາງ
ບ່ອນ. ແຕ່ທ່ານໄດ້ກ່າວຕໍ່ ວີໂອເອ ວ່າ ມັນບໍ່ໄດ້ໃຫ້ການຄຸ້ມຄອງຕໍ່ຊາວມຸສລິມ ຈາກ
ການລ່ວງລະເມີດທາງດ້ານສິດທິມະນຸດ ແຕ່ຢ່າງໃດເລີຍ.