ມີຈົດໝາຍ ບັນຈຸ​ ສາ​ນພິດ ricin​ ສົ່ງ​ເຖິງ​ ຜູ້​ແທນ​ສະພາສູງ​ສະຫະລັດ​

ເຈົ້າ​ໜ້າ​ທີ່ລັດຖະສະພາສະຫະລັດ ກ່າວວ່າ ຈົດໝາຍສະບັບ​ນຶ່ງ
ທີ່​ສົ່ງ​ເຖິງ​ຜູ້​ແທນ​ສະພາສູງ Roger Wicker ສັງກັດ​ພັກຣີພັບ​
ບລິ​ກັນຈາກ​ລັດ​ Mississippi ທາງພາກ​ໃຕ້ ​ໄດ້​ຖືກ​ກວດ​ເຫັນ​ວ່າ
​ມີ​ສາ​ນພິດricin ທີ່​ເປັນ​ອັນຕະລາຍ​ເຖິງ​ຕາຍນັ້ນ.

ຈົດໝາຍດັ່ງກ່າວ​ໄດ້​ຖືກ​ຄົ້ນ​ພົບ​ ຢູ່​ບ່ອນເກັບຈົດໝາຍ​ທີ່​ສົ່ງ​ເຖິງ​
ບັນດາສະມາຊິກລັດຖະສະ ພາສະຫະລັດ ຊຶ່ງ​ທາງ​ເຈົ້າ​ໜ້າ​ທີ່​ກ່າວ
​ວ່າ ຈົດໝາຍດັ່ງກ່າວ​ນັ້ນ​ໄດ້​ຖືກກວດ​ສອບເບິ່ງ 3 ຄັ້ງ ​ແລະ​ກໍ​ພົບ​
ວ່າ​ບັນຈຸ​ສານພິດ​ ricin ​ໃນ​ທຸກໆ​ຄັ້ງ. ເຈົ້າ​ໜ້າ​ທີ່ກໍາກັບ​ດ້ານ​ກົດ
ໝາຍແລະ​ການ​ປົກຄອງຂອງ​ສະພາ​ສູງ​ ກ່າວ​ວ່າ ຈົດໝາຍສະບັບ
ນັ້ນ ແມ່ນ​ຕີກາ​ສົ່ງ​ມາຈາກ ​ເມືອງ Memphis ລັດ Tennessee
ທີ່ຢູ່ໃກ້ໆ​ກັບ​ຊາຍ​ແດນ​ລັດ Mississippi.

ທ່ານ Roger Wicker ​ໄດ້​ອອກ​ຄໍາ​ຖະ​ແຫລ​ງສັ້ນໆ​ ກ່າວ​ຂອບ​ໃຈ
ບັນດາ​ເຈົ້າ​ໜ້າ​ທີ່​ຮັກສາ​ກົດໝາຍ ທີ່​ໄດ້​ເຮັດ​ວຽກ​ຢ່າງ​ໜັກ​ແລະ​ຮອບ​ຄອບ ​ເພື່ອ​ປົກ​ປ້ອງ​
ບັນດາ​ສະມາຊິກ​ລັດຖະສະພາ​ແລະ​ພະນັກງານ​ ​ໃຫ້ປອດ​ໄພ.

​ເຈົ້າ​ໜ້າ​ທີ່​ຕໍາຫຼວດ​ປະ​ຈໍາລັດຖະສະພາ ກ່າວວ່າ ພວກຕົນ​ໄດ້ອອກປະຕິບັດ​ການ​ສືບສວນ
​ສອບ​ສວນ ຮ່ວມ​ກັນ​ກັບທາງ​ຫ້ອງການ FBI ​ແລ້ວ.
​
ໄດ້​ມີ​ການ​ຄົ້ນ​ພົບຈົດໝາຍ​ທີ່​ມີສານພິດ​ ricin ມາ​ກ່ອນ ໃນ​ຫ້ອງກໍາກັບເບິ່ງ​ນໍາ​ຈົດໝາຍ
​ທີ່​ສົ່ງ​ເຖິງ​ລັດຖະສະພາ ​ໃນ​ປີ 2004 ທີ່​ໄດ້​ພາ​ໃຫ້​ມີ​ການ​ອັດ​ຕຶກ​ຫ້ອງການ​ຂອງ​ສະພາ​ທັງ
​ສອງ​ຫຼັງ​ເປັນ​ການ​ຊົ່ວຄາວ. ສານພິດ​ ricin ແມ່ນ​ສານພິດ​ທີ່​ຮ້າຍ​ແຮງ ຊຶ່ງພຽງ​ແຕ່ຢົດ​ດຽວ​
ກໍ​ສາມາດ​ຂ້າ​ຜູ້​ໃຫຍ່​ໄດ້.