ລິ້ງ ສຳຫລັບເຂົ້າຫາ

ພວກຫົວຮຸນແຮງອິສລາມ ສັງຫານປະຊາຊົນ 24 ຄົນ ຢູ່ໄນຈີເຣຍ (ວີດີໂອ)


ພວກ​ທີ່​ສົງ​ໄສ​ວ່າ​ເປັນນັກ​ຕໍ່ສູ້​ອິສລາມຫົວ​ຮຸນ​ແຮງ​ ​ໄດ້​ທຳ​ການ​
ໂຈມ​ຕີ​ໂບດ​ຫຼາຍໆແຫ່ງ​ ໃນ​ຫຼາຍ​ຫົວ​ເມືອງ ທາງ​ພາກ​ຕາ​ເວັນ
​ອອກສຽງ​ເໜືອຂອງ​ໄນ​ຈີ​ເຣຍ ​ເຮັດ​ໃຫ້​ປະຊາຊົນ​ຢ່າງ​ໜ້ອຍ
24 ຄົນ​ເສຍ​ຊີວິດ.

ພວກ​ທີ່​ເຫັນ​ເຫດການ ​ແລະ​ບັນດາ​ເຈົ້າ​ໜ້າ​ທີ່​ທ້ອງ​ຖິ່ນ ກ່າວ​ວ່າ
ພວກ​ມື​ປືນ​ທີ່​ຂີ່​ລົດຈັກ​ມາ ​ໄດ້​ທຳ​ການ​ໂຈມ​ຕີໝູ່​ບ້ານ​ຕ່າງໆ ​ໃນ​
ວັນ​ອາທິດ​ວານ​ນີ້ ​ໃກ້ໆ​ກັບ​ເມືອງ Chibok ​ໃນ​ລັດ Borno.
ພວກ​ເຫັນ​ເຫດການ ກ່າວ​ຫາ​ ທະຫານ​ໄນ​ຈີ​ເຣຍວ່າ ​ຊັກ​ຊ້າ​ໃນ
​ການ​ຕອບ​ໂຕ້ຕໍ່​ການ​ໂຈມ​ຕີ​ດັ່ງກ່າວ.

ບໍ່​ມີ​ຜູ້​ໃດ ອ້າງ​ເອົາ​ຄວາມ​ຮັບຜິດຊອບສຳ​ຫລັບການ​ໂຈມ​ຕີຄັ້ງ​ນີ້​ເທື່ອ.

​ໃນ​ເດືອນ​ເມສາ ພວກ​ກະບົດ​ຈາກ​ກຸ່ມ​ຫົວ​ຮຸນ​ແຮງ Boko Haram​ໄດ້​ລັກພາ​ໂຕ​ພວກ​
ເດັກ​ນັກຮຽນ​ຍິງ​ຈຳນວນ​ຫຼາຍ​ກວ່າ 270 ຄົນ ຈາກໂຮງຮຽນ​ແຫ່ງ​ນຶ່ງ​ໃນ​ເມືອງ Chibok. ບັນດາ​ເຈົ້າ​ໜ້າ​ທີ່ກ່າວ​ວ່າ ​ໃນ​ຈຳນວນ​ນັ້ນ 219 ຄົນ​ຍັງ​ຊອກ​ຫາ​ບໍ່​ເຫັນ.

ຄວາມ​ຮຸນ​ແຮງ​ໃນ​ວັນ​ອາທິດ​ວານ​ນີ້ ​ເປັນ​ຄັ້ງ​ຫຼ້າ​ສຸດຂອງ​ການ​ໂຈມ​ຕີ​ຫຼາຍ​ບັ້ນ​ຕິດ​ຕໍ່​
ກັນ​ ຢູ່ໃນ​ພາກ​ຕາ​ເວັນ​ອອກສຽງ​ເໜືອ​ຂອງ​ໄນ​ຈີ​ເຣຍ ທີ່​ໄດ້​ດຳ​ເນີນ​ສືບ​ຕໍ່​ມາ ​ເຖິງ​ແມ່ນ
​ລັດຖະບານໄດ້ປະກາດ​ພາວະ​ສຸກ​ເສີນ ​ແລະ​ສົ່ງທະຫານ​ຈຳນວນ​ຫຼວງ​ຫຼາຍໄປເສີມ
​ກຳລັງ​ຢູ່​ໃນ​ເຂດນັ້ນ​ກໍ​ຕາມ.

XS
SM
MD
LG