ຊາວອາເຈັນຕີນາ ອາລະວາດ ຫຼັງຈາກ ທີມເຢຍຣະມັນ ໄດ້ແຊ້ມ (ສະໄລດ໌/ວີດີໂອ)

ທີ່​ອາ​ເຈັນ​ຕີ​ນາ ພວກ​ກໍ່ບັນຫາ ​ໄດ້​ສ້າງ​ຄວາມ​ມົວ​ໝອງ​ໃຫ້​ແກ່​
ການ​ໂຮມ​ຊຸມນຸມ ຢູ່​ໃຈກາງ​ນະຄອນ Buenos Aires ​ເພື່ອ​
ສະ​ແດງ​ຄວາມ​ສະໜັບສະໜູນ ຕໍ່​ທີ​ມອາ​ເຈັນ​ຕີ​ນາ ທີ່​ໄດ້​ຕໍ່ສູ້​ກັບ​
ຄູ່​ແຂ່ງ​ຢ່າງ​ທໍລະ​ຫົດ ​ເຖິ​ງ​ແມ່ນ​ຈະ​ສູນເສຍ ນຶ່ງ​ປະຕູ​ຕໍ່​ສູນ ​ໃຫ້
​ເຢຍລະ​ມັນ ​ໃນ​ການ​ແຂ່ງ​ຂັນ​ຊິງ​ແຊ້ມເຕະບານ​ໂລກ​ນັ້ນ.

​ໄດ້​ມີ​ການ​ປະ​ທະ​ກັນ ລະຫວ່າງ​ພວກ​ຊາວ​ໜຸ່ມ​ກັບ​ຕຳຫຼວດ ​ໃນ
​ຕອນເດິກ​ຄືນ​ວານ​ນີ້ ຢູ່​ໃກ້ໆ​ກັບ​ອະນຸສາວະລີ Obelisk ຫຼາຍໆ
​ຊົ່ວ​ໂມງ​ຫຼັງຈາກ​ການ​ໂຮມ​ຊຸມນຸມ​ໄດ້​ເລີ່​ມຂຶ້ນ ຢ່າງ​ສັນຕິ.

ຕຳຫຼວດ​ໄດ້​ໃຊ້​ແກ໊ສນ້ຳ​ຕາ ​ຂັບ​ໄລ່​ຝຸງ​ຊົນ ​ທີ່​ແກວ່ງກ້ອນ​ຫີນ​ໃສ່​ເຂົາ​ເຈົ້າ.

​ເຈົ້າ​ໜ້າ​ທີ່​ເວົ້າ​ວ່າ ມີ​ຕຳຫຼວດຢ່າງ​ນ້ອຍ 15 ຄົນ​ໄດ້​ຮັບ​ບາດ​ເຈັບ​ໃນ​ການ​ປະ​ທະ​ກັນ. ​ແລະ​ມີ 50 ກ່ວາ​ຄົນ ຖືກ​ຈັບ​.

ຄວາມຄາດຫວັງ ປ່ຽນໄປ ເປັນຄວາມໂມໂຫ ຢູ່ Buenos Aires

Previous slide

Next slide