ລັດຖະມົນຕີກະຊວງຍຸຕິທຳສະຫະລັດ ທ່ານ Eric Holder ໄດ້
ປະກາດລາອອກ ຫລັງຈາກໄດ້ຮັບໜ້າທີ່ຢູ່ກະຊວງດັ່ງກ່າວມາ
ເປັນເວລາ 6 ປີ.
ປະທານາທິບໍດີ ບາຣັກ ໂອບາມາ ກ່າວວ່າ ມັນເປັນໂອກາດເວ
ລາອັນໜ້າຍິນດີແຕ່ເຕັມໄປດ້ວຍຄວາມເສົ້າໂສກ ທີ່ຈະຮັບເອົາ
ການລາອອກ ຂອງທ່ານ Holder ຫຼັງຈາກໄດ້ຮັບໜ້າທີ່ດັ່ງກ່າວ
ເປັນເວລາ 6 ປີ.
ໃນຂະນະທີ່ປາກົດໂຕຮ່ວມກັບປະທານາທິບໍດີຢູ່ທຳນຽບຂາວນັ້ນ
ທ່ານ Holder ກ່າວວ່າ ທ່ານຈະບໍ່ໄປຈາກວຽກງານເລີຍ ທ່ານຈະ ສືບຕໍ່ຮັບໃຊ້ແລະພະຍາຍາມ ເຮັດໃຫ້ປະເທດຂອງພວກເຮົາ ເປັນຈິງຫຼາຍຂຶ້ນ ຕໍ່ແນວຄິດ ທີ່ ໄດ້ມີການຖືກສ້າງຕັ້ງຂຶ້ນມາ.
ທ່ານ Holder ຍັງບໍ່ມີແຜນການ ໃນທັນທີເທື່ອ ຫລັງຈາກທ່ານລາອອກແລ້ວ ແລະຕັ້ງໃຈ ຈະຢູ່ໃນຕຳແໜ່ງຕໍ່ໄປ ຈົນກວ່າຜູ້ທີ່ຈະມາແທນທ່ານ ເຂົ້າຮັບໜ້າທີ່.
ທ່ານ Holder ເປັນລັດຖະມົນຕີຍຸຕິທຳຜິວດຳຄົນທຳອິດຂອງສະຫະລັດ ແລະໄດ້ເຂົ້າຮັບ ໜ້າທີ່ດັ່ງກ່າວ ຕັ້ງແຕ່ປະທານາທິບໍດີໂອບາມາເຂົ້າຮັບຕຳແໜ່ງໃນປີ 2009.
