ໃນວັນຈັນວານນີ້ ສະຫະລັດໄດ້ທຳການລົງໂທດຕໍ່ພວກເຈົ້າ
ໜ້າທີ່ຣັດເຊຍຕື່ມອີກ 4 ຄົນ ຮວມທັງ 2 ຄົນໃນ Chechnya
ໃນຂໍ້ຫາລະເມີດສິດທິມະນຸດ.
ກົດໝາຍລົງໂທດທີ່ຕັ້ງຊື່ເພື່ອເປັນກຽດໃຫ້ທ່ານ Sergei Mag
nitsky ອະດີດທະນາຍຄວາມຣັດເຊຍ ທີ່ໄດ້ເສຍຊີວິດໄປໃນ
ຄຸກ ໃນປີ 2009 ຫຼັງຈາກພົບເຫັນວ່າ ພວກເຈົ້າໜ້າທີ່ຣັດເຊຍ
ທຳການສໍ້ໂກງພາສີຢ່າງຫຼວງຫຼາຍນັ້ນ. ທະນາຍຄວາມທ່ານນີ້
ໄດ້ຖືກທຸບຕີ ແລະປະຕິເສດບໍ່ ໃຫ້ໄດ້ຮັບການປິ່ນປົວສຳລັບ
ພະຍາດອື່ນໆຂອງຜູ້ກ່ຽວ.
ລາຍຊື່ໃໝ່ທີ່ເພີ້ມໃສ່ບັນຊີການລົງໂທດນີ້ ມີທ່ານ Victor Grin ຮອງຫົວໜ້າໄອຍະການ
ທີ່ໄດ້ໄຂພວກຄະດີໃໝ່ ຕໍ່ທ່ານ Magnitsky ເປັນເວລາຫຼາຍປີ ຫລັງຈາກທະນາຍຄວາມ
ຄົນນີ້ເສຍຊີວິດ.
ພວກເຈົ້າໜ້າທີ່ Chechnya ສອງທ່ານທີ່ຕື່ມໃສ່ໃນບັນຊີນີ້ ມີ ທ່ານ Apti Alaudinov ຮອງລັດຖະມົນຕີກະຊວງພາຍໃນ ແລະທ່ານ Magomed Daudov ຫົວໜ້າຫ້ອງການປົກຄອງປະທານາທິບໍດີ ທີ່ໄດ້ຖືກກ່າວຫາໃນການລັກພາໂຕ ແລະທຳການທຸບຕີນາຍ Ruslan Kutayev ນັກເຄື່ອນໄຫວຊາວ Chechnya.
ບັດນີ້ ມີຊື່ບຸກຄົນ 34 ຄົນຢູ່ໃນບັນຊີການລົງໂທດສະບັບໃໝ່. ມາດຕະຖານສຳລັບການຮວມເອົາບຸກຄົນເຂົ້າໃນບັນຊີໃໝ່ນີ້ ແມ່ນຮວມທັງພວກບຸກຄົນທີ່ມີສ່ວນພົວພັນໃນການ
ລະເມີດສິດຂອງທ່ານ MagNitsky ແລະບຸກຄົນອື່ນໆ ທີ່ເປັນຜູ້ຮັບຜິດຊອບໃນການສັງ
ຫານຜູ້ຄົນແບບຮວບຮັດຕັດຕອນ ພ້ອມທັງການທໍລະມານຫຼືອັນທີ່ກະຊວງການຕ່າງປະ
ເທດ ເອີ້ນວ່າ “ການລະເມີດສິດທິມະນຸດ ຢ່າງຮ້າຍແຮງອື່ນໆ” ຕໍ່ພວກນັກເຄື່ອນໄຫວ
ແລະພວກປະທ້ວງໃນສະຫະພັນຣັດເຊຍ.
ຊັບສິນຢູ່ໃນສະຫະລັດໃດໆທີ່ເຂົາເຈົ້າມີ ແມ່ນໄດ້ຖືກກັກ ແລະພວກເຂົາເຈົ້າບໍ່ສາມາດ
ເຂົ້າມາສະຫະລັດໄດ້.
ເຈົ້າໜ້າທີ່ກະຊວງການຕ່າງປະເທດທ່ານນຶ່ງ ກ່າວວ່າ ບັນຊີການລົງໂທດນີ້ ສາມາດມີ
ຜົນກະທົບຕໍ່ການເຕືອນພວກເຈົ້າໜ້າທີ່ຣັດເຊນໄດ້ ທີ່ວ່າພວກເຂົາເຈົ້າອາດຈະເປັນຜູ້ຮັບຜິດຊອບທາງສ່ວນຕົວໄດ້ ຖ້າພວກເຂົາເຈົ້າ ມີສ່ວນພົວພັນໃນການລະເມີດສິດທິມະ
ນຸດຢ່າງຮ້າຍແຮງນັ້ນ.
