ພວກກະບົດນິຍົມຣັດເຊຍ ໃນພາກຕາເວັນອອກຢູເຄຣນ
ນັກສັງເກດການຢູໂຣບ 4 ຄົນ ທີ່ຖືກກັກໂຕໄວ້ ມາໄດ້ນຶ່ງ
ເດືອນນັ້ນແລ້ວ.
ພວກນັກສັງເກດການ 4 ຄົນຈາກອົງການວ່າດ້ວຍວ່າດ້ວຍ
ຄວາມປອດໄພແລະຄວາມຮ່ວມມືໃນຢູໂຣບ ຫລື OSCE
ໄດ້ຖືກປ່ອຍໂຕເປັນອິດສະລະໃນວັນເສົາວານນີ້ ນຶ່ງເດືອນ
ຫຼັງຈາກພວກເຂົາເຈົ້າຖືກຈັບໂຕໄປ ຈາກເມືອງ Luhansk.
ນັກສັງເກດການອື່ນໆອີກ 4 ຄົນທີ່ຖືກຈັບ ຢູ່ເມືອງ Donetskໄດ້ຖືກປ່ອຍໂຕໄປໃນຕົ້ນສັບປະດາຜ່ານມາ. ບັນດາເຈົ້າໜ້າທີ່ OSCE ກ່າວວ່າ ພວກນັກສັງເກດການທັງໝົດມີສຸຂະພາບດີແຕ່ຍັງບໍ່ເປັນທີ່ຈະແຈ້ງວ່າ ເປັນຫຍັງພວກເຂົາເຈົ້າຈຶ່ງຖືກຈັບໂຕໄປ.
ສະຫະພາບຢູໂຣບໄດ້ຮຽກຮ້ອງໃຫ້ ພວກຫົວແບ່ງແຍກ ແລະພວກສະໜັບສະໜຸນພວກ
ເຂົາໃນມົສກູ ໃຫ້ເອົາບາດກ້າວຕ່າງໆ ເພື່ອລົດຜ່ອນວິກິດການໃນພາກຕາເວັນອອກ
ຂອງຢູເຄຣນລົງ ຫຼືບໍ່ດັ່ງນັ້ນ ກໍຈະປະເຊີນກັບການລົງໂທດຕື່ມອີກ.
ບາດກ້າວຕ່າງໆ ທີ່ສະຫະພາບຢູໂຣບຮຽກຮ້ອງໄປນັ້ນ ແມ່ນຮວມທັງການເຈລະຈາສັນ
ຕິພາບກັນ ແລະປ່ອຍໃຫ້ພວກນັກສັງເກດການ OSCE ປະຕິບັດໜ້າທີ່ຂອງເຂົາເຈົ້າ.
ໃນວັນສຸກຜ່ານມານີ້ ປະທານາທິບໍດີ Petro Poroshenko ແຫ່ງຢູເຄຣນ ໄດ້ຕໍ່ເວລາການຢຸດຍິງກັບພວກກະບົດ ອອກໄປຕື່ມອີກ 3 ມື້.
ພວກກະບົດບາງຄົນກ່າວວ່າ ເຂົາເຈົ້າຈະປະຕິບັດຕາມຂໍ້ຢຸດຍິງ ຕາບໃດທີ່ພວກທະຫານ
ຢູເຄຣນປະຕິບັດຄືກັນ.
