ຕຳຫຼວດເທີກີ ໄດ້ບຸກເຂົ້າກວດຄົ້ນຫ້ອງການສື່ມວນຊົນແຫ່ງ
ຕ່າງໆໃນທົ່ວປະເທດໃນວັນອາທິດວານນີ້ ແລະຈັບກຸມພວກ
ສະໜັບສະໜຸນຄູ່ແຂ່ງຂັນ ຂອງປະທານາທິບໍດີ Recep Tay
yip Erdoyan ຢ່າງໜ້ອຍ 24 ຄົນ.
ປະທານາທິບໍດີ Erdoyan ໄດ້ສັ່ງໃຫ້ທຳການຈັບກຸມໃນຄັ້ງນີ້
ໂດຍໃຫ້ຄຳປະຕິຍານວ່າ ຈະທັບມ້າງອັນທີ່ທ່ານເອີ້ນວ່າ “ເຄືອ
ຂ່າຍແຫ່ງການທໍລະຍົດ ແລະເຮັດໃຫ້ພວກນີ້ ໄດ້ຮັບໃຊ້
ໂທດກຳ.”
ພວກທີ່ຖືກຈັບກຸມ ແມ່ນພວກສະໜັບສະໜຸນນັກບວດມຸສລິມ
Fethullah Gulen ທີ່ໄດ້ເອົາຕົນເອງມາລີ້ໄພຢູ່ໃນສະຫະລັດຕັ້ງແຕ່ປີ 1999 ເປັນຕົ້ນມາ. ແລະມີຮວມທັງທ່ານ Ekrem Dumanli ຫົວໜ້າບັນນາທິການໜັງສືພິມ Zaman
ຊຶ່ງເປັນໜັງສືພິມທີ່ຂາຍໄດ້ຫລາຍທີ່ສຸດໃນປະເທດ.
ທ່ານ Dumanli ກ່າວວ່າ ສື່ມວນຊົນເທີກີ ພວມປະເຊີນໜ້າກັບສັດປະຫຼາດໃຫຍ່ ທີ່ກຳ
ລັງອອກອາລະວາດ ແລະເວລານີ້ກຳລັງເພ່ງເລັງໃສ່ການທຳລາຍຖອນຮາກລະບອບປະຊາທິປະໄຕ. ທ່ານກ່າວຫາລັດຖະບານວ່າ ກຳລັງກໍ່ລັດຖະປະຫານ ເພື່ອໂຄ່ນລົ້ມສື່
ມວນຊົນ.
ສະຫະພາບຢູໂຣບ ໄດ້ປະນາມການບຸກເຂົ້າກວດຄົ້ນສື່ມວນຊົນດັ່ງກ່າວ ວ່າເປັນການ
ຕໍ່ຕ້ານຄ່ານິຍົມ ແລະມາດຕະຖານຂອງຢູໂຣບ. ເທີກີ ກຳລັງພະຍາຍາມຈະເຂົ້າເປັນ
ສະມາຊິກຂອງສະຫະພາບຢູໂຣບ.
ກະຊວງການຕ່າງປະເທດສະຫະລັດ ໄດ້ຮຽກຮ້ອງເທີກີ ບໍ່ໃຫ້ລະເມີດຄ່ານິຍົມຫລັກຂອງ
ຕົນ ກ່ຽວກັບອິດສະລະພາບຂອງສື່ມວນຊົນ ແລະຄວາມເປັນອິດສະລະທາງດ້ານຕຸລາ
ການນັ້ນ.