ປະທານາທິບໍດີ ຣັດເຊຍ ທ່ານ Vladimir Putin ກ່າວວ່າ ມົສກູ
ຍົກເລີກ ໂຄງການກໍ່ສ້າງທໍ່ແກັສ ທີ່ມີມູນຄ່າ ຫຼາຍຕື້ດອນລາ
ສຳຫລັບ ພາກໃຕ້ຂອງຢູໂຣບ ແລະ ຈະເພີ້ມແກັສໃຫ້ແກ່ປະເທດ
ເທີກີ ແທນ.
ລະຫວ່າງ ການເດີນທາງໄປຢ້ຽມຢາມ ນະຄອນຫລວງ ອັງກາຣາ
ຂອງເທີກີ ໃນວັນຈັນວານນີ້ ປະທານາທິບໍດີ ປູຕິນ ກ່າວວ່າ ການ
ທີ່ສະຫະພາບຢູໂຣບ ໄດ້ປະຕິເສດໂຄງການທໍ່ສົ່ງແກັສ South
Stream ນັ້ນ ໄດ້ກົດດັນໃຫ້ຣັດເຊຍ ຫັນປ່ຽນເປົ້າໝາຍຂອງຕົນ
ໄປບ່ອນອື່ນ.
ຫຼັງຈາກທີ່ໄດ້ພົບປະກັບ ປະທານາທິບໍດີເທີກີ ທ່ານ Recep Tayyip Erdogan ແລ້ວ
ທ່ານ ປູຕິນ ກ່າວວ່າ ຣັດເຊຍ ຈະເພີ້ມການລຳລຽງແກັສໃຫ້ເທີກີ ຜ່ານທໍ່ແກັສທີ່ມີຢູ່ແລ້ວນັ້ນ. ທ່ານ ກ່າວອີກວ່າ ມົສກູ ຈະທຳງານເພື່ອສ້າງຕັ້ງ ທໍ່ສົ່ງແກັສສາຍໃໝ່ຢູ່ໃຕ້ທະເລສາບດຳ ຫຼື Black Sea ໄປຫາເທີກີ.
ໃນຂະນະທີ່ ແຜນການດັ່ງກ່າວຍັງຢູ່ໃນຂັ້ນຕົ້ນໆ ນັ້ນ ທ່ານ ປູຕິນ ກ່າວວ່າ ຣັດເຊຍ ຈະສະເໜີ ລຸດລາຄາແກັສລົງ 6 ເປີເຊັນ ສຳຫລັບ ການລຳລຽງແກັສໃຫ້ແກ່ເທີກີ ໃນປີໜ້າ ເພື່ອເສີມສ້າງ
ສາຍພົວພັນ ທາງດ້ານພະລັງງານຂອງຕົນ.
ເທີກີ ເປັນປະເທດທີ່ຊື້ແກັສທຳມະຊາດຈາກຣັດເຊຍ ທີ່ໃຫຍ່ສຸດອັນດັບສອງ ຕາມຫລັງ ປະເທດເຢຍຣະມັນ. ປະມານ 60 ເປີເຊັນ ຂອງແກັສທຳມະຊາດທີ່ເທີກີ ນຳເຂົ້າ ແມ່ນມາຈາກຣັດເຊຍ ຊຶ່ງຍັງມີຄວາມພ້ອມພຽງ ທີ່ເທີກີຈະສ້າງໂຮງງານພະລັງນິວເຄຣຍແຫ່ງທຳອິດອີກດ້ວຍ.
Russian President Vladimir Putin says Moscow is scrapping a multi-billion-dollar gas pipeline project for southern Europe, and instead will increase gas supplies to Turkey.
During a visit to Turkey's capital, Ankara, on Monday, President Putin said the European Union's objections to the South Stream pipeline have forced Russia to shift its focus elsewhere.
After talks with Turkish President Recep Tayyip Erdogan, Mr. Putin said Russia will increase gas supplies to Turkey across an existing pipeline. He also said Moscow will work to create a new pipeline to Turkey under the Black Sea.
Turkey is the second largest buyer of Russian natural gas after Germany.Around 60 percent of Turkey's natural gas imports come from Russia, which also is set to build Turkey's first nuclear plant.
