ບັນດານັກການທູດ ກ່າວວ່າ ສະພາຄວາມໝັ້ນຄົງອົງການສະຫະປະ ຊາຊາດ ຈະພົບ ປະກັນ ໃນວັນອັງຄານມື້ນີ້ ເພື່ອປຶກສາຫາລືເລື່ອງການຍິງລູກສອນໄຟ ຂີປະນາວຸດ ຄັ້ງຫຼ້າສຸດຂອງເກົາຫຼີເໜືອ.
ເກົາຫຼີເໜືອ ໄດ້ຍິງລູກສອນໄຟຂີປະນາວຸດ 3 ລູກ ລົງໃສ່ທະເລຍີ່ີປຸ່ນ ໃນວັນຈັນວານນີ້ ຈາກຖານຍິງແຫ່ງໜຶ່ງຢູ່ໃນແຂວງ Hwanghae ທີ່ຕັ້ງຢູ່ຊາຍຝັ່ງທະເລພາກຕາເວັນອອກ ຂອງປະເທດ.
ເສນາທິການຮ່ວມຂອງເກົາຫຼີໃຕ້ ໄດ້ລະບຸລູກສອນໄຟນັ້ນ ວ່າ ແມ່ນລູກສອນໄຟ Rodong, ເຊິ່ງມີລັດສະໝີ ໄກເຖິງ 1,000 ກິໂລແມັດ.
ກະຊວງປ້ອງກັນປະເທດຂອງຍີ່ປຸ່ນ ກ່າວວ່າ ລູກສອນໄຟດັ່ງກ່າວໄດ້ຕົກລົງ ໃນເຂດເສດ ຖະກິດ ສະເພາະຂອງຕົນ ຊຶ່ງເປັນຂົງເຂດທີ່ຮູ້ຈັກກັນ ໃນເກົາຫຼີ ຄື ທະເລຕາເວັນ ອອກ.
ກະຊວງການຕ່າງປະເທດ ສະຫະລັດ ໄດ້ກ່າວວ່າ ການຍິງລູກສອນໄຟຂອງເກົາຫຼີເໜືອ ໄດ້ກາຍເປັນເລື່ອງທີ່ເກີດຂຶ້ນຢູ່ເລຶື້ອຍໆ ໃນສອງສາມເດືອນທີ່ຜ່ານມາ.
ເກົາຫຼີເໜືອ ໄດ້ທຳການທົດລອງຍິງລູກສອນໄຟ ມາເປັນໄລຍະໆ ໃນປີນີ້ ເຊິ່ງເປັນການ ທ້າທາຍ ຕໍ່ມາດຕະການລົງໂທດ ຂອງອົງການສະຫະປະຊາຊາດ ຫຼັງຈາກການທົດລອງ ນິວເຄລຍຄັ້ງທີ 4 ຂອງພຽງຢາງ ໃນເດືອນມັງກອນປີນີ້.
ການຍິງລູກສອບໄຟຂີປະນາວຸດໃນວັນຈັນວານນີ້ ມີຂຶ້ນ ໃນຂະນະທີ່ບັນດາຜູ້ນຳຂອງ ໂລກ ໄດ້ພົບປະກັນຢູ່ທີ່ເມືອງ Hangzhou ທາງພາກຕາເວັນອອກຂອງຈີນ ໃນກອງ ປະຊຸມສຸດຍອດ G-20 ໄລຍະສອງມື້ ຂອງ 20 ປະເທດທີ່ ມີເສດຖະກິດທີ່ກ້າວໜ້າ ແລະເສດຖະກິດພຸ່ງພົ້ນໃໝ່ ເຊິ່ງໃນບັດນີ້ ໄດ້ສິ້ນສຸດລົງແລ້ວ.
ຫົວໜ້າກອງເລຂາປະຈຳຄະນະລັດຖະບານຍີ່ປຸ່ນ ທ່ານ Yoshihide Suga ໄດ້ກ່າວວ່າ “ການຍິງນີ້ ແມ່ນຈະແຈ້ງ ເປັນການທ້າທາຍເກາະຜິດ ບໍ່ພຽງແຕ່ກັບປະເທດ ຂອງ ພວກເຮົາ ແຕ່ກັບປະຊາຄົມນາໆຊາດນຳ ຄັນພິຈາລະເບິ່ງເວລາຂອງການຍິງແລ້ວ ກໍກົງກັນກັບ ກອງປະຊຸມສຸດຍອດ G-20 ທີ່ໄດ້ຈັດຂຶ້ນ ຢູ່ແຂວງ Guangzhou ໃນປະເທດຈີນ ໃນມື້ນີ້.”
ເຈົ້າໜ້າທີ່ສະຫະລັດ ທ່ານໜຶ່ງ ຜູ້ທີ່ໄດ້ເຂົ້າຮ່ວມ ກອງປະຊຸມສຸດຍອດ ໄດ້ປະນາມ ການ ກະທຳຂອງເກົາຫຼີເໜືອ ໂດຍເອີ້ນການຍິງລູກສອນໄຟຂີປະນາວຸດນັ້ນ ວ່າ ເປັນໄພຂົ່ມຂູ່ ຕໍ່ທັງ ພວກເຮືອບິນ ແລະ ເຮືອກ່ຳປັ່ນທັງຫຼາຍ ທີ່ປະຕິບັດການຢູ່ໃນຂົງເຂດ.
