ພະສັນຕະປະປາ Francis ຖືກເລືອກເປັນ ບຸກຄົນເດັ່ນ ປະຈໍາປີ ຂອງ Time (ສະໄລດ໌)
ພະສັນຕະປະປາ Francis
ພະສັນຕະປະປາ Francis ຖືກເລືອກເປັນ ບຸກຄົນເດັ່ນ ປະຈໍາປີ ຂອງ Time (ສະໄລດ໌)
ນິຕະຍະສານ Time ຂອງສະຫະລັດ ໄດ້ເລືອກເອົາ Pope
Francis ເປັນບຸກຄົນເດັ່ນ ປະຈໍາປີຂອງຕົນ.
ນິຕະຍະສານ Time ກ່າວໃນວັນພຸດວານນີ້ວ່າ ພະສັນຕະປະປາ
ອົງໃໝ່ນີ້ ທີ່ຄັ້ງນຶ່ງເຄີຍດໍາລົງຕໍາແໜ່ງ ເປັນ Archbishop Jorge
Mario Bergoglio ແຫ່ງນະຄອນ Buenos Aries ປະເທດ
Argentina ນັ້ນ ແມ່ນໄດ້ຫລໍ່ຫລອມພາບພົດໃໝ່ຂອງສາສະໜາ
ກາໂຕລິກ ໃນໄລຍະ 9 ເດືອນ ຫລັງຈາກທີ່ພະອົງໄດ້ຖືກເລືອກ
ເປັນພະສັນປະປາອົງທີ 266 ນັ້ນ.
Photo Gallery:
Pope Francis
ນິຕະຍະສານຍັງໄດ້ກ່າວອີກວ່າ ພະອົງໄດ້ເລືອກເອົາພະນາມ Francis ນີ້ ເພາະເປັນຊື່
ຂອງພະອໍລະຫັນແຫ່ງ Assisi ກໍຄື Saint Francis ທີ່ເປັນຄົນຖ່ອມເນື້ອຖ່ອມຕົວ ແລະ
ພະສັນຕະປາປາໄດ້ຮຽກຮ້ອງໃຫ້ທາງໂບດກາໂຕລິກ ທໍາການປິ່ນປົວຮັກສາພວກມະຫາ
ຊົນ ທີ່ປະເຊີນກັບພະຍາດໂຣຄາ ຄວາມທຸກຈົນ ແລະປະສົບກັບບັນຫາຊີວິດນາໆປະການ
ນັ້ນ ແລະກ່າວອີກວ່າ Pope Francis ກໍາລັງຈະປ່ຽນແປງໂສມໜ້າ ແລະພາລະກິດຂອງ
ສໍານັກວາຕິກັງເຊັ່ນກັນ.
ໃນການຄັດເລືອກເອົາບຸກຄົນເດັ່ນປະຈໍາປີ ຫຼື Person of the Year ນັ້ນ ທາງນິຕະຍະ
ສານ Time ແມ່ນໄດ້ຊອກຫາ ໃນໄລຍະ 86 ປີຜ່ານມາ ບຸກຄົນໃນຂ່າວ ທີ່ມີອິດທິພົນ
ຫລາຍທີ່ສຸດ ໃນຮອບປີ ຫຼືບໍ່ ກໍຂະບວນການໃດນຶ່ງ ທີ່ໄດ້ຄອບງໍາເຫດການໂດ່ງດັງຂອງປີ.
