ລິ້ງ ສຳຫລັບເຂົ້າຫາ

ວັນອາທິດ, ໒໕ ກຸມພາ ໒໐໒໔

ຊາວຜິວດຳ ອີກຄົນນຶ່ງ ຖືກຕຳຫຼວດ ຍິງຕາຍ ທີ່ລັດມິສຊູຣີ


ພາບວີດີໂອ ສະແດງໃຫ້ເຫັນຕຳຫຼວດ ທີ່ພົວພັນໃນການກວດ
ກາປ້ຳນ້ຳມັນແຫ່ງນຶ່ງ ໃນເມືອງ Berkeley ລັດ Missouri
ວັນທີ 23 ທັນວາ 2014.
ພາບວີດີໂອ ສະແດງໃຫ້ເຫັນຕຳຫຼວດ ທີ່ພົວພັນໃນການກວດ ກາປ້ຳນ້ຳມັນແຫ່ງນຶ່ງ ໃນເມືອງ Berkeley ລັດ Missouri ວັນທີ 23 ທັນວາ 2014.

ເຈົ້າ​ໜ້າ​ທີ່​ຕຳຫຼວດ​ຄົນ​ນຶ່ງ​ໄດ້​ຍິງຜູ້​ຊາຍ​ຜິວ​ດຳ​ທີ່​ມີອາວຸດ​ຄົນ​ນຶ່ງ​
ຕາຍ​ໃນ​ເຂດ​ຊານ​ເມືອງ St. Louis ​ໃກ້ໆ​ກັບ​ບ່ອນ​ທີ່​ໄວ​ລຸ່ນຜິວ​
ດຳທີ່​ບໍ່​ມີ​ອາວຸດ​ຕິດ​ໂຕ​ຄົນ​ນຶ່ງ​ຖືກຍິງ​ຕາຍໂດຍ​ເຈົ້າ​ໜ້າທີ່​ຕຳຫຼວດ
​ຜິວ​ຂາວ ​ໃນ​ເດືອ​ນສິງ ຫາ​ຜ່ານ​ມາ​ນັ້ນ.

​ເຫດການ​ຍິງ​ກັນ​ດັ່ງກ່າວ​ໄດ້​ເກີດ​ຂຶ້ນ​ໃນ​ແລງ​ວັນ​ອັງຄານ​ມື້ກ່ອນ​ນີ້
ທີ່​ປ້ຳ​ນ້ຳມັນ​ແຫ່ງ​ນຶ່ງ​ໃນ​ເມືອງ Berkeley ລັດ Missouri.

ທ່ານ Jon Belmar ​ໂຄສົກ​ປະຈຳ​ກົມ​ຕຳຫຼວດ​ເມືອງ ກ່າວ​ວ່າ ​
ເຈົ້າ​ໜ້າ​ທີ່​ຕຳຫຼວດ​ໄດ້​ປະ​ເຊີນ​ໜ້າ​ກັບ​ຜູ້​ຊາຍ 2 ຄົນ​ໃນ​ລະຫວ່າງ
​ທີ່ເຈົ້າໜ້າ​ທີ່​ຄົນ​ນີ້ ທຳ​ການ​ກວດກາ​ເປັນ​ປະຈຳ​ຂອງ​ເຈົ້າ​ໜ້າ​ທີ່
ທີ່​ປ້ຳ​ນ້ຳມັນ​ແຫ່ງ​ນີ້. ​ໂຄສົກ​ຄົນ​ນີ້​ກ່າວ​ຕໍ່​ໄປ​ວ່າ ຊາຍ​ຄົນ​ນຶ່ງ​ເອົາປືນ​ແນ​ໃສ່ຕຳຫຼວດ ຊຶ່ງ​ໄດ້​ກະ​ຕຸ້ນ​ໃຫ້​ຕຳຫຼວດ​ເປີດ​ສາກ​ຍິງ​ໃສ່​ຊາຍ​ຄົນ​ນີ້. ຜູ້​ຊາຍຄົນທີ​ສອງ​ໄດ້​ເອົາ​ໂຕ​ຫລົບໜີ​ໄປ.

ທ່ານ Belmar ກ່າວ​ວ່າ ຜູ້​ຕ້ອງ​ສົງ​ໄສ ທີ່​ສື່​ມວນ​ຊົນ​ໃນ​ທ້ອງ​ຖິ່ນ ຢັ້ງຢືນ​ວ່າ ​ແມ່ນ​ນາຍ Antonio Martin ​ໄວ 18 ປີ ມີ​ປະວັດ​ຄວາມ​ເປັນ​ມາ​ທີ່​ມັກ​ປະ​ເຊີນ​ກັບ​ເຈົ້າ​ໜ້າ​ທີ່​ປະຕິບັດ​ກົດໝາຍ ຮວມທັງ​ການ​ບຸກ​ໂຈມ​ຕີ ການ​ປຸ້ນ​ຈີ້ ​ແລະ​ລັກຂະ​ໂມ​ຍທີ່​ໃຊ້​ອາວຸດ.

ທ່ານ Theodore Hoskins ​ເຈົ້າ​ຄອງ​ກຳ​ແພງ​ເມືອງ Berkeley ກ່າວ​ໃນ​ລະຫວ່າງ​ກອງ​ປະຊຸມນັກ​ຂ່າວ ​ໃນ​ວັນ​ພຸດ​ວານ​ນີ້​ວ່າ ​ເຈົ້າ​ໜ້າທີ່​ຕຳຫຼວດ​ອາດ​ໄດ້​ຊ່ອຍ​ຊີວິດ​ລາວ​ເອງ ​ໂດຍ​ການ​ຍິງ​ຜູ້​ຕ້ອງ​ສົງ​ໄສ​ນັ້ນ.

ຫຼັງ​ຈາກ​ເຫດການ​ຍິງ​ກັນ​ເກີດ​ຂຶ້ນ​ແລ້ວ ພວກ​ຊາວ​ເມືອງ​ຫລາຍ​ສິບ​ຄົນ​ພາກັນ​ໄປ​ເຕົ້າ​ໂຮມ​ກັນ​ທີ່​ບ່ອນ​ເກີດ​ເຫດ ​ແລະ​ປະ​ເຊີນ​ໜ້າ​ກັບ​ຕຳຫຼວດ.

ທ່ານ Belmar ກ່າວ​ວ່າ ວັດຖຸ​ລະ​ເບີດ 3 ຢ່າງ ອາດ​ຈະ​ເປັນ​ລູກ​ກະ​ໂພກ​ກໍ​ໄດ້ ​ໄດ້​ຖືກ​ແກວ່ງ​ໃສ່​ໃກ້ໆ​ກັບ​ປ້ຳ​ນ້ຳມັນ ​ໃນ​ຂະນະ​ດຽວ​ກັນ ພວກ​ປະ​ທ້ວງ​ພາກັນ​ແກວ່ງ​ກ້ອນ​ຫີນ​ແລະ​ກ້ອນ​ດິນ​ຈີ່​ໃສ່​ຕຳຫຼວດ. ​ເຈົ້າ​ໜ້າ​ທີ່ຕຳຫຼວດ 2 ຄົນ​ໄດ້​ຮັບ​ບາດ​ເຈັບ. ປະຊາຊົນ 4 ຄົນ​ໄດ້​ຖືກ​ຈັບ​ກຸມ ​ແລະ​ຖືກ​ກ່າວ​ຫາ​ຖານ​ທຳ​ການ​ໂຈມ​ຕີ.

XS
SM
MD
LG