ຜູ້ພິພາກສາອາຟຣິກາໃຕ້ທ່ານນຶ່ງ ກ່າວວ່າ ທ້າວ Oscar Pistorius
ແມ່ນ ບໍ່ມີຄວາມຜິດ ໃນຖານຄາດຕະກຳ ຫລືຄາດຕະກຳແບບວາງ
ແຜນການລ່ວງໜ້ານັ້ນ ຊຶ່ງເປັນຄວາມຜິດ 2 ກະໂທງທີ່ຮ້າຍແຮງສຸດ
ທີ່ລາວປະເຊີນໃນການດຳເນີນຄະດີ ກ່ຽວກັບການສັງຫານແຟນ
ຂອງລາວ ນາງ Reeva Steenkamp.
ຜູ້ພິພາກສາ Thokozile Masipa ໄດ້ກ່າວໃນວັນພະຫັດມື້ນີ້
ໃນຂະນະທີ່ທ່ານນາງ ໄດ້ ນຳສະເໜີຄຳພິພາກສາ ກ່ຽວກັບຄະດີນີ້
ທີ່ທ້າວ Pistorius ແມ່ນຈະແຈ້ງ ທີ່ຕ້ອງການຢາກໃຊ້ອາວຸດຂອງ
ລາວ ແຕ່ກໍບໍ່ໄດ້ໝາຍຄວາມວ່າ ລາວມີຈຸດປະສົງ ທີ່ຈະສັງຫານ
ແຟນຂອງລາວ. ທ່ານນາງເອີ້ນຫຼກຖານ ກ່ຽວກັບການຄາດຕະກຳ
ແບບວາງແຜນການລ່ວງໜ້ານັ້ນວ່າ ເປັນຫລັກຖານ “ທີ່ບໍ່ສຳຄັນ.”
ສານໄດ້ຢຸດພັກ ກ່ອນທີ່ທ່ານນາງຈະປະກາດ ການຕັດສິນ
ຂອງທ່ານນາງ ໃນຂໍ້ຫາຂ້າຄົນ ຕາຍໂດຍບໍ່ເຈດຕະນາ.
ຖ້າຫາກຖືກພົບເຫັນວ່າມີຄວາມຜິດ ການຕັດສິນໂທດ ຈະມີ
ຂຶ້ນຕາມພາຍຫລັງ.
ໄອຍະການກ່າວວ່າ ທ້າວ Pistorius ຕັ້ງໃຈທີ່ຈະຍິງນາງ Steenkamp ຜ່ານປະຕູຫ້ອງນຳທີ່ອັດໄວ້ ໃນເຮືອນຂອງຜູ້ກ່ຽວ ເມື່ອເດືອນກຸມພາ ປີກາຍນີ້. ທ້າວ Pistorius ກ່າວ ວ່າ ລາວຄິດວ່າ ລາວໄດ້ຍິງຜູ້ບຸກລຸກ ຫຼືຄົນຮ້າຍທີ່ລັກເຂົ້າເຮືອນໃນຕອນກາງຄືນ.
