ຜູ້ນຳຝ່າຍຄ້ານຄົນສຳຄັນໃນສະພາແຫ່ງຊາດປາກິສຖານ ໄດ້
ຮຽກຮ້ອງໃຫ້ ພວກປະທ້ວງຕໍ່ຕ້ານລັດຖະບານ ຢຸດເສຍພາສີ
ຄ່າໄຟຟ້າແລະແລະຄ່າແກສ ຈົນກ່ວານາຍົກລັດຖະມົນຕີ
Nawaz Sharif ຈະລາອອກຈາກຕຳແໜ່ງ.
ທ່ານ Imran Khanh ໄດ້ກ່າວປະຕິຍານໃນວັນອາທິດວານນີ້
ຢູ່ບ່ອນໂຮມຊຸມນຸມໃນນະຄອນຫຼວງອິສລາມາບັດ ວ່າທ່ານແລະ
ນັກບວດ Tahir-ul-Qadri ທີ່ຜູ້ຄົນນິຍົມນັ້ນ ຈະບີບບັງຄັບໃຫ້
ທ່ານ Sharif ລາອອກໃນສັບປະດານີ້ ໂດຍຢືນຢັດວ່າ ການ
ເລືອກຕັ້ງໃນປີແລ້ວນີ້ ທີ່ນຳເອົາພັກການເມືອງຂອງທ່ານ Sharif
ຂຶ້ນມາກຳອຳນາດນັ້ນ ມີການສໍ້ໂກງ.
ພວກປະທ້ວງຕໍ່ຕ້ານລັດຖະບານຫຼາຍພັນຄົນ ໄດ້ພາກັນລຸຫຼັ່ງລົງສູ່ຖະໜົນຫົນທາງສາຍ
ຕ່າງໆ ໃນນະຄອນອິສລາມາບັດ ເປັນມື້ທີສອງໃນວັນອາທິດວານນີ້. ບັນດາເຈົ້າໜ້າທີ່ໄດ້
ຮັດເຄັ່ງ ການຮັກສາຄວາມປອດໄພໃນເຂດສຳຄັນໆຂອງນະຄອນຫຼວງ ເພື່ອປ້ອງກັນບໍ່
ໃຫ້ເກີດຄວາມຮຸນແຮງໃນລະຫວ່າງການປະທ້ວງ.
ການເດີນຂະບວນສະໜັບສະໜູນ ທ່ານ Imran Khanh ເມື່ອວັນທີ 15 ສິງຫາ:
ຊາວປາກິສຖານ ໂຮມຊຸມນຸມ ປະທ້ວງ
ທ່ານ Ishaq Dar ລັດຖະມົນຕີການເງິນ ແລະທ່ານ Pervaiz Rashid ລັດຖະມົນຕີຖະ
ແຫຼງຂ່າວ ປາກິສຖານ ກ່າວຕໍ່ບັນດານັກຂ່າວໃນວັນອາທິດວານນີ້ວ່າ ລັດຖະບານຕຽມ
ພ້ອມທີ່ຈະທຳການເຈລະຈາກັບຝ່າຍຄ້ານ ກ່ຽວກັບຄວາມມຮຽກຮ້ອງຂອງຝ່າຍຄ້ານທີ່
ຢາກໃຫ້ມີການປະຕິຮູບການເລືອກຕັ້ງນັ້ນ.
