ປະທານາທິບໍດີສະຫະລັດ ທ່ານ Barack Obama ຮຽກຮ້ອງ
ໃຫ້ລັດຖະສະພາ ຮັບຜ່ານເງິນທຶນສຸກເສີນ ຈຳນວນ 6 ພັນ 2
ຮ້ອຍລ້ານໂດລາ ເພື່ອຕໍ່ສູ້ຮັບ ມືກັບເຊື້ອອີໂບລາ ກ່ອນການ
ຢຸດພັກວັນບຸນ ໃນບໍ່ເທົ່າໃດອາທິດຈະມາເຖິງນີ້.
ໃນການຖະແຫຼງ ທີ່ສະຖາບັນອະນາໄມແຫ່ງຊາດ ໃກ້ກັບນະ
ຄອນຫລວງວໍຊິງຕັນ ໃນວັນອັງຄານວານນີ້ ທ່ານ Obama
ກ່າວວ່າ ເງິນເພື່ອຕໍ່ສູ້ກັບເຊື້ອໄວ ຣັດດັ່ງກ່າວກຳລັງຈະໝົດລົງ
ແລ້ວ. ທ່ານກ່າວວ່າ ການຮັບຜ່ານຮ່າງກົດໝາຍຈະເປັນຂອງ
ຂວັນສຳຫລັບວັນບຸນຄຣິສມາສ ໃຫ້ແກ່ຊາວອາເມຣິກັນ ແລະ
ຊາວໂລກ.
ທ່ານຮ້ອງວ່າ ມັນ “ເປັນຂ່າວທີ່ໜ້າຕື່ນເຕັ້ນ” ທີ່ບໍ່ເຫັນມີຜົນກະທົບຂ້າງຄຽງຢ່າງ ຮ້າຍແຮງ
ໃນລະຫວ່າງການທົດລອງຂັ້ນທຳອິດ ຂອງອັນທີ່ອາດຈະກາຍເປັນ ຢາວັກຊິນກັນອີໂບລາ
ນັ້ນ. ທ່ານໃຫ້ຂໍ້ສັງເກດວ່າ ຍັງບໍ່ມີຢາປົວອີໂບລາຊະນິດໃດ ທີ່ກ້າວໜ້າມາໄດ້ໄກເຖິງຂັ້ນນີ້ເທື່ອ.
ປະທານາທິບໍດີ ເຖິງແນວໃດກໍຕາມ ໄດ້ກ່າວຢ້ຳວ່າຍັງບໍ່ສາມາດຄ້ຳປະກັນໄດ້ເທື່ອວ່າ
ຢາວັກຊີນນີ້ຈະໄດ້ຜົນ ແລະການຕໍ່ສູ້ກໍຍັງບໍ່ມີຮ່ອງຮອຍເລີຍວ່າຈະສິ້ນ ສຸດລົງ ເຖິງແມ່ນ
ວ່າຄວາມສົນໃຈຂອງສື່ມວນຊົນໄດ້ຫັນປ່ຽນໄປສູ່ບັນຫາອື່ນ ແລ້ວກໍຕາມ.
ອີໂບລາ ເຮັດໃຫ້ມີຜູ້ເສຍຊີວິດແລ້ວເກືອບ 7,000 ຄົນຢູ່ໃນ ກີນີ ໄລບີເຣຍ ແລະຊິແອຣາ
ລີອອນ ພ້ອມກັບຜູ້ຄົນອີກຈຳນວນນຶ່ງຢູ່ໃນຫລາຍປະເທດ.
ທ່ານ Obama ກ່າວວ່າ ເພື່ອປ້ອງກັນຊາວອາເມຣິກັນ ແມ່ນໝາຍຄວາມວ່າ ລົບລ້າງອີໂບລາ ຢູ່ໃນອາຟຣິກາຕາເວັນຕົກ.
