ຂໍ້ຄວາມ ທີ່ເປັນສຽງ ທີ່ອ້າງວ່າ ເປັນຂອງນັກຂ່າວຍີ່ປຸ່ນ ທີ່ໄດ້ຖືກ
ຈັບເປັນຕົວປະກັນໂດຍພວກຫົວຮຸນແຮງກຸ່ມລັດອີສລາມໄດ້ກ່າວ
ວ່າ ນັກບິນທະຫານອາກາດຊາວຈໍແດນ ທີ່ໄດ້ຖືກຈັບກຸມໂດຍກຸ່ມ
ດັ່ງກ່າວເຊັ່ນ ກັນນັ້ນ ຈະຖືກສັງຫານ ຖ້າຫາກວ່າ Amman
ບໍ່ມອບແມ່ຍິງທີ່ທຳການໂຈມຕີດ້ວຍລະເບີດສະລະຊີບ ໃຫ້ແກ່ຕົນ
ພາຍໃນເວລາພະອາທິດຕົກ ໃນວັນພະຫັດມື້ນີ້.
ບັນດາ ເຈົ້າໜ້າທີ່ຍີ່ປຸ່ນແລະຈໍແດນ ພວມພະຍາຍາມທີ່ຈະກວດ
ພິສູດເບິ່ງສຽງບັນທຶກອັນໃໝ່ ທີ່ອ້າງວ່າເປັນສຽງຂອງພວກນັກ
ຂ່າວຊາວຍີ່ປຸ່ນ ທ້າວ Kenji Goto.
ໃນບັນທຶກສຽງທີ່ນຳອອກເຜີຍແຜ່ທາງອິນເຕິເຕີແນັດ ໃນແລງວັນພຸດວານນີ້ ຜູ້ຊາຍທີ່ລະບຸຕົນເອງວ່າແມ່ນທ້າວ Goto ກ່າວວ່າ ຕົວປະກັນທີ່ຈັບຢູ່ນຳກັນນັ້ນ ນັກບິນທະຫານອາກາດຊາວຈໍແດນ Mu’ath al Ka-saesbeh ຈະຖືກສັງຫານໃນທັນທີ ຖ້າຫາກວ່າ ຈໍແດນ ບໍ່ນຳເອົາຜູ້ກໍ່ການຮ້າຍ ທີ່ຖືກຕັດສິນໂທດປະຫານຊີວິດ ນາງ Sajida al-Rishawi ໄປທີ່ຊາຍແດນເທີກີ ພາຍໃນແລງວັນພະຫັດມື້ນີ້.
ຈໍແດນໄດ້ກ່າວໃນວັນພຸດວານນີ້ວ່າ ຕົນຈະຕົກລົງທີ່ແລກປ່ຽນນັກໂທດແມ່ຍິງຄົນນີ້ ກັບຕົວປະກັນຊາວຈໍແດນທີ່ຖືກຈັບໄວ້ນັ້ນ. ແຕ່ວ່າ ສຽງທີ່ບັນທຶກນັ້ນບໍ່ໄດ້ຢືນຢັນວ່າ ຜູ້ໃດຜູ້ນຶ່ງຂອງຕົວປະກັນຈະຖືກປ່ອຍ ໃນການແລກປ່ຽນນັກໂທດຄັ້ງນີ້.
ນາງ Al-Rishawi ແມ່ນແມ່ຍິງອິຣັກ ທີ່ໄດ້ຖືກຈັບໃນຖານະທີ່ໄດ້ປະກອບສ່ວນໃນ ການໂຈມ
ຕີກໍ່ການຮ້າຍປີ 2005 ທີ່ໄດ້ສັງຫານ 60 ຄົນ ຢູ່ນະຄອນຫລວງ Amman ຂອງຈໍແດນ.
ທີ່ ໂຕ ກຽວ ໂຄສົກລັດຖະບານຍີ່ປຸ່ນ ທ່ານ Yoshihide Suga ໄດ້ກ່າວວ່າ ຍີ່ປຸ່ນແມ່ນໄດ້ກະທຳເຖິງທີ່ສຸດແລ້ວ ເພື່ອໃຫ້ປ່ອຍ ທ້າວ Goto ໂດຍປະສານງານກັບບັນດາປະເທດທີ່ຢູ່ໃນຂົງເຂດ ຊຶ່ງຮວມທັງ ເທີກີ ຈໍແດນ ແລະ Israel.
ວິກິດການຕົວປະກັນ ມີຂຶ້ນຫຼັງຈາກທີ່ນາຍົກລັດຖະມົນຕີຍີ່ປຸ່ນ ທ່ານ Shinzo Abe ທຳການຢ້ຽມຢາມ ພາກຕາເວັນອອກກາງ ແລະປະກາດໃຫ້ເງິນສະໜັບສະໜຸນ 200 ລ້ານໂດລ່າ ໃນການຊ່ອຍເຫຼືອທີ່ບໍ່ແມ່ນທາງທະຫານ ໃຫ້ແກ່ບັນດາປະເທດ ທີ່ໄດ້ຮັບຜົນກະທົບໂດຍກຸ່ມລັດອີສລາມນັ້ນ.
ກຸ່ມລັດອິສລາມ ຂົ່ມຂູ່ ຈະເອົາຊີວິດ ຕົວປະກັນ 2 ຄົນ
