ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ປະທານາທິບໍດີ ຣັດເຊຍ ພົບປະກັບ ນາຍົກ ອິນເດຍ ທີ່ ນີວ ເເດລລີ


ປ. ພູຕີນ ແຫ່ງຣັດເຊຍ (ຊ້າຍ) ແລະນາຍົກ Narendra Modi ແຫ່ງອິນເດຍ ຖ່າຍຮູບຮ່ວມກັນ ກ່ອນການພົບປະກັນທີ່ Hyderabad House ທີ່ນີວ ເແດລລີ ວັນທີ 11 ທັນວາ 2014.
ປ. ພູຕີນ ແຫ່ງຣັດເຊຍ (ຊ້າຍ) ແລະນາຍົກ Narendra Modi ແຫ່ງອິນເດຍ ຖ່າຍຮູບຮ່ວມກັນ ກ່ອນການພົບປະກັນທີ່ Hyderabad House ທີ່ນີວ ເແດລລີ ວັນທີ 11 ທັນວາ 2014.

ປະທານາທິບໍດີຣັດ​ເຊຍ ທ່ານ Vladimir Putin ໄດ້​ພົບ​ປະ​ກັບ​
ນາຍົກລັດຖະມົນຕີອິນ​ເດຍ ທ່ານ Narendra Modi ຢູ່​ນິວແດ​ລ
ລີ ​ໃນການ​ຢ້ຽມຢາມ​ເປັນ​ເວລາ​ນຶ່ງ​ມື້ ​ເພື່ອ​ປຶກສາ​ຫາລື​ກັນ​ເລື້ອງ
​ການ​ຂະຫຍາຍສາຍ​ພົວພັນດ້ານ​ພະລັງງານ​ ແລະປ້ອງ​ກັນປະ​
ເທດ.

ທ່ານ​ພູ​ຕິນ ຍັງ​ມີ​ໝາຍ​ກຳນົດ ​ທີ່​ຈະ​ທຳ​ການ​ໂອ້​ລົມ​ສົນທະນາ ​ໃນ​
ວັນພະຫັດ​ມື້​ນີ້ ກັບ​ປະທານາທິບໍດີ Pranab Mukherjee ​ແລະ
​ທ່າ​ນນາງ Sonia Gandhi ຜູ້ນຳ​ຝ່າຍ​ຄ້ານ​ຂອງ​ອິນ​ເດຍ ​ເຊັ່ນ​ກັນ.

ຣັດ​ເຊຍ​ກຳລັງ​ປະ​ເຊີນ​ກັບ​ການ​ລົງ​ໂທດດ້ານ​ເສດຖະກິດ​ຢ່າງ​
ໜັກ​ ​ຈາກ​ຝ່າຍ​ຕາ​ເວັນ​ຕົກ ກ່ຽວ​ກັບ​ບົດບາດ​ຂອງ​ຕົນ​ໃນ​ວິ​ກິດ​ການ​ຢູ​ເຄຣນ ​ແລະ ບັນດາ​ນັກວິ​ເຄາະ ກ່າວ​ວ່າ ການ​ຢ້ຽມຢາມ​ຂອງ​ທ່ານ​ພູ​ຕິນ ມີ​ວັດ​ຖຸປະສົງ​ໃນ​ການ​ພັດທະນາ​ຫາ​ຕະຫຼາດພະ​ລັງ​ງານ​ໃໝ່​ເພື່ອ​ຊ່ອຍ​ຊົດ​ເຊີຍ​ຜົນກະທົບ​ຂອງ​ການ​ລົງ​ໂທດ​ເຫຼົ່າ​ນັ້ນ.

ບັນດາ​ເຈົ້າ​ໜ້າ​ທີ່ຣັດ​ເຊຍແລະ​ອິນ​ເດຍ ກ່າວ​ວ່າ ການ​ພົບ​ປະກັນ​ຕ່າງໆ ມີ​ທາງ​ວ່າ ຈະ​
ເພ່ງ​ເລັງ​ໃສ່ຂໍ້​ຕົກລົງ​ຮ່ວມ​ມື​ກັນ​ທາງ​ດ້ານ​ທະຫານ ການ​ບຸກ​ເບີກທາງ​ອະວະກາ​ດ ​ແລະ
​ການ​ກໍ່ສ້າງ​ພວກ​ໂຮງ​ໄຟຟ້ານີວ​ເຄລຍ​ໃໝ່ນຳ.

ຄາດ​ວ່າ​ຈະ​ມີ​ການລົງ​ນາມ​ໃນ​ສັນຍາ​ການ​ຄ້າ ຢ່າງ​ໜ້ອຍ 15 ສະບັບໃນ​ຂະນະ ອິນ​ເດຍ
ທີ່​ຂາດ​ແຄນ​ດ້ານ​ພະລັງງານ ​ແລະ​ເປັນ​ປະ​ເທດ​ທີ່​ນຳ​ເຂົ້າພະລັງງານ​ ຫລາຍ​ອັນ​ດັບ 3
ຂອງ​ໂລກ ສືບ​ຕໍ່​ຊຸກຍູ້ເພື່ອ​ໃຫ້​ຕົນ​ມີ​ການ​ພົວພັນ​ຫຼາຍ​ຂຶ້ນ ​ໃນ​ການ​ບຸກ​ເບີກຫາ​ແກ​ສທຳ​
ມະ​ຊາດ​ແລະ ​ບໍ່​ນ້ຳມັນ​ໃນຣັດ​ເຊຍ​ນັ້ນ.

russiaindia11december14
please wait

No media source currently available

0:00 0:00:23 0:00

XS
SM
MD
LG