ພວກແບ່ງແຍກດິນແດນ Catalan ຫຼາຍແສນຄົນ ຢູ່ທາງພາກ
ຕາເວັນອອກສຽງເໜືອຂອງສະເປນ ທີ່ໄດ້ຮັບແຮງກະຕຸ້ນ ຈາກ
ຂະບວນການເຄື່ອນໄຫວເພື່ອຄວາມເປັນເອກະລາດຂອງ
Scotland ນັ້ນ ໄດ້ພາ ກັນລົງສູ່ຖະໜົນຫົນທາງສາຍຕ່າງໆ ໃນ
ນະຄອນ Barcelona ເມື່ອວັນພະຫັດວານນີ້ ເພື່ອຮຽກຮ້ອງໃຫ້
ມີການລົງປະຊາມະຕິໃນການແຍກຕົວອອກຈາກສະເປນ.
ການໂຮມຊຸມນຸມປະທ້ວງໃນວັນຊາດ Catalonia ຫຼື Diada ມີ
ຂຶ້ນ ໃນຂະນະທີ່ທ່ານ Arthur Mas ຜູ້ນຳຂອງຂົງເຂດ ໄດ້ກົດ
ດັນຕໍ່ໄປ ໃນແຜນການລົງປະຊາມະຕິ ເພື່ອຄວາມເປັນເອກະ
ລາດ ແບບບໍ່ມີຜົນບັງຄັບ ສຳລັບປະຊາຊົນຢູ່ໃນຂົງເຂດ 7 ລ້ານ
6 ແສນຄົນ ໃນວັນທີ 9 ພະຈີກນີ້.
ເປັນທີ່ຄາດກັນຢ່າງກວ້າງຂວາງວ່າ ສານລັດຖະທຳມະນູນຂອງສະເປນ ຈະຕັດສິນບໍ່ໃຫ້
ມີການລົງຄະແນນສຽງດັ່ງກ່າວ ໃນ 2-3 ອາທິດຂ້າງ ໜ້ານີ້.
ບັນດາເຈົ້າໜ້າທີ່ທ້ອງຖິ່ນ ເວົ້າວ່າ ມີຜູ້ໄປຮ່ວມການປະທ້ວງໃນວັນພະ ຫັດວານນີ້ 1 ລ້ານ
8 ແສນຄົນ ໃນຂະນະທີ່ພວກຜູ້ແທນ ລັດຖະບານສະເປນ ກະວ່າມີຢູ່ປະມານ 5 ແສນຄົນ.
ນາຍົກລັດຖະມົນຕີສະເປນ ທ່ານ Mariano Rajoy ໄດ້ປະຕິຍານວ່າຈະທຳການສະກັດ
ກັ້ນການລົງຄະແນນສຽງດັ່ງກ່າວນີ້ ເພາະວ່າລັດຖະ ທຳມະນູນຂອງສະເປນ ບໍ່ອະນຸຍາດ
ໃຫ້ມີການລົງປະຊາມະຕິໃດໆ ທີ່ບໍ່ ຊາວສະເປນທັງໝົດເຂົ້າຮ່ວມນຳ.
